പാ​റ്റ്ന: ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ് വ​ർ​ധി​ച്ച് ആ​രോ​ഗ്യ​നി​ല മോ​ശ​മാ​യ​തി​നെ തു​ട​ർ​ന്ന് ബി​ഹാ​ർ മു​ൻ മു​ഖ്യ​മ​ന്ത്രി​യും ആ​ർ​ജെ​ഡി നേ​താ​വു​മാ​യ ലാ​ലു പ്ര​സാ​ദ് യാ​ദ​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ബു​ധ​നാ​ഴ്ച​യാ​ണ് 76കാ​ര​നാ​യ ലാ​ലു പ്ര​സാ​ദി​നെ ആ​ശു​പ​ത്രി​യി​ലെ​ത്തി​ച്ച​ത്. ഡ​ൽ​ഹി​യി​ലേ​ക്കു പോ​കാ​ൻ പാ​റ്റ്ന വി​മാ​ന​ത്താ​വ​ള​ത്തി​ലെ​ത്തി​യ​പ്പോ​ഴാ​ണ് അ​ദ്ദേ​ഹ​ത്തി​ന്‍റെ ആ​രോ​ഗ്യ​നി​ല മോ​ശ​മാ​യ​ത്.

തു​ട​ർ​ന്ന് എ​യ​ർ ഇ​ന്ത്യ വി​മാ​ന​ത്തി​ൽ വൈ​കീ​ട്ടോ​ടെ ലാ​ലു പ്ര​സാ​ദി​നെ പാ​റാ​സ് ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു. പി​ന്നീ​ട് എ​യ​ർ ആം​ബു​ല​ൻ​സി​ൽ ഡ​ൽ​ഹി എ​യിം​സി​ലേ​ക്ക് മാ​റ്റു​ക​യും ചെ​യ്തു.

ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ് അ​മി​ത​മാ​യ അ​ള​വി​ൽ കൂ​ടി​യ​ത് അ​ദ്ദേ​ഹ​ത്തി​ന്‍റെ ഹൃ​ദ​യ​ത്തി​ന്‍റെ പ്ര​വ​ർ​ത്ത​ന​ത്തെ ബാ​ധി​ച്ച​താ​യി ഡോ​ക്ട​ർ​മാ​ർ പ​റ​ഞ്ഞു. ഹൃ​ദ​യ സം​ബ​ദ്ധ​മാ​യ അ​സു​ഖ​ങ്ങ​ൾ നേ​ര​ത്തേ​യു​ണ്ട് ലാ​ലു പ്ര​സാ​ദ് യാ​ദ​വി​ന്.

ക​ഴി​ഞ്ഞ വ​ർ​ഷം മും​ബൈ​യി​ലെ ഏ​ഷ്യ​ൻ ഹാ​ർ​ട്ട് ഇ​ൻ​സ്റ്റി​റ്റ്യൂ​ട്ടി​ൽ വെ​ച്ച് ലാ​ലു പ്ര​സാ​ദി​നെ ആ​ൻ​ജി​യോ​പ്ലാ​സ്റ്റി​ക്ക് വി​ധേ​യ​നാ​ക്കി​യി​രു​ന്നു. 2014ൽ ​ഇ​തേ ആ​ശു​പ​ത്രി​യി​ൽ വ​ച്ചു ത​ന്നെ അ​യോ​ർ​ട്ടി​ക് വാ​ൽ​വ് മാ​റ്റി​സ്ഥാ​പി​ക്കാ​നു​ള്ള ശ​സ്ത്ര​ക്രി​യ​യും ന​ട​ത്തി.

ശ​സ്ത്ര​ക്രി​യ​യെ തു​ട​ർ​ന്ന് ആ​രോ​ഗ്യ​നി​ല മോ​ശ​മാ​യ​തി​നെ തു​ട​ർ​ന്ന് അ​തേ വ​ർ​ഷം ജൂ​ലൈ​യി​ൽ അ​ദ്ദേ​ഹ​ത്തെ എ​യിം​സി​ലേ​ക്ക് മാ​റ്റു​ക​യും ചെ​യ്തു.

2022ൽ ​സിം​ഗ​പ്പൂ​രി​ൽ വെ​ച്ച് വൃ​ക്ക​മാ​റ്റി​വെ​ക്ക​ൽ ശ​സ്ത്ര​ക്രി​യ​ക്കും വി​ധേ​യ​നാ​യി​രു​ന്നു. ഇ​ള​യ മ​ക​ൾ രോ​ഹി​ണി ആ​ചാ​ര്യ​യാ​ണ് വൃ​ക്ക ന​ൽ​കി​യ​ത്