ജ​യ്പു​ർ: രാ​ജ​സ്ഥാ​നി​ൽ കു​ഴ​ൽ​ക്കി​ണ​റി​ൽ വീ​ണ മൂ​ന്ന് വ​യ​സു​കാ​രി​യെ ര​ക്ഷി​ക്കാ​നു​ള്ള ശ്ര​മം തു​ട​രു​ന്നു. തിങ്കളാഴ്ചയാണ് കോ​ട്പു​ത്ലി-​ബെ​ഹ്റോ​ർ ജി​ല്ല​യി​ലാ​ണ് മൂ​ന്ന് വ​യ​സു​കാ​രി കു​ഴ​ൽ​ക്കി​ണ​റി​ൽ വീ​ണു. 150 അ​ടി താ​ഴ്ച​യു​ള്ള കു​ഴ​ൽ​ക്കി​ണ​റി​ലാ​ണ് കു​ട്ടി വീ​ണ​ത്.

എ​ൻ​ഡി​ആ​ർ​എ​ഫും എ​സ്ഡി​ആ​ർ​എ​ഫും പോ​ലീ​സും നാ​ട്ടു​കാ​രും ചേ​ർ​ന്നാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തു​ന്ന​ത്. സ​രു​ന്ദ് പ്ര​ദേ​ശ​ത്തെ പി​താ​വി​ന്‍റെ കൃ​ഷി​യി​ട​ത്തി​ൽ ക​ളി​ക്കു​ക​യാ​യി​രു​ന്ന ചേ​ത​ന എ​ന്ന പെ​ൺ​കു​ട്ടി അ​ബ​ദ്ധ​ത്തി​ൽ കു​ഴ​ൽ​ക്കി​ണ​റി​ലേ​ക്ക് തെ​ന്നി വീ​ഴു​ക​യാ​യി​രു​ന്നു.

വ​ടി​യി​ൽ ഘ​ടി​പ്പി​ച്ച കൊ​ളു​ത്തി​ന്‍റെ സ​ഹാ​യ​ത്തോ​ടെ പെ​ൺ​കു​ട്ടി​യെ പു​റ​ത്തെ​ടു​ക്കാ​ൻ ശ്ര​മി​ച്ചെ​ങ്കി​ലും കു​ട്ടി​യെ പു​റ​ത്തെ​ത്തി​ക്കാ​നാ​യി​ല്ല. പെ​ൺ​കു​ട്ടി​യു​ടെ ച​ല​ന​ങ്ങ​ൾ കാ​മ​റ​യി​ലൂ​ടെ നി​രീ​ക്ഷി​ക്കു​ന്നു​ണ്ട്. കു​ട്ടി​യു​ടെ ജീ​വ​ൻ​നി​ല​നി​ർ​ത്താ​നാ​യി ഓ​ക്സി​ജ​ൻ എ​ത്തി​ച്ചി​ട്ടു​ണ്ട്.

വ്യ​വ​സാ​യ മ​ന്ത്രി രാ​ജ്യ​വ​ർ​ധ​ൻ സിം​ഗ് റാ​ത്തോ​ഡ് ഉ​ദ്യോ​ഗ​സ്ഥ​രു​മാ​യി സം​സാ​രി​ക്കു​ക​യും പെ​ൺ​കു​ട്ടി​യെ വേ​ഗ​ത്തി​ൽ ര​ക്ഷ​പ്പെ​ടു​ത്താ​ൻ നി​ർ​ദ്ദേ​ശം ന​ൽ​കു​ക​യും ചെ​യ്തു. ര​ണ്ടാ​ഴ്ച മു​മ്പ് ദൗ​സ ജി​ല്ല​യി​ൽ അ​ഞ്ച് വ​യ​സു​ള്ള ആ​ൺ​കു​ട്ടി കു​ഴ​ൽ​ക്കി​ണ​റി​ൽ വീ​ണി​രു​ന്നു. 55 മ​ണി​ക്കൂ​റി​ലേ​റെ സ​മ​യ​മെ​ടു​ത്ത് കു​ട്ടി​യെ പു​റ​ത്തെ​ടു​ത്തെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​രു​ന്നി​ല്ല.