കോണ്ഗ്രസ് ഒരു ഡീലും നടത്തിയിട്ടില്ല; വിമത ശല്യം വിജയത്തെ ബാധിക്കില്ല: കെ.സി.വേണുഗോപാൽ
Tuesday, October 22, 2024 4:48 PM IST
പാലക്കാട്: ഉപതെരഞ്ഞെടുപ്പിൽ രാഹുൽ മാങ്കൂട്ടത്തിൽ വൻ ഭൂരിപക്ഷത്തിൽ വിജയിക്കുമെന്ന് എഐസിസി ജനറൽ സെക്രട്ടറി കെ.സി.വേണുഗോപാൽ. വിമത ശല്യം കോൺഗ്രസ് വിജയത്തെ ബാധിക്കില്ലെന്നും അദ്ദേഹം പറഞ്ഞു.
പാലക്കാട് കഴിഞ്ഞ തവണ ഷാഫി പറമ്പിൽ ജയിച്ചത് സ്വന്തം വോട്ട് കൊണ്ടാണ്. കോണ്ഗ്രസ് ഒരു ഡീലും നടത്തിയിട്ടില്ല. വോട്ട് വില്ക്കാന് വെച്ചിട്ടുണ്ടോ എന്ന് എല്ഡിഎഫാണ് പറയേണ്ടത്. പാലക്കാട് കഴിഞ്ഞ തവണ പോരാട്ടം ബിജെപിയുമായിട്ടായിരുന്നു.
ഇത്തവണയും ബിജെപി പാലക്കാട് ജയിക്കില്ല. മൂന്നാം സ്ഥാനത്തെത്തിയ സിപിഎം ഇത്തവണ രണ്ടാം സ്ഥാനത്താകാന് ശ്രമിക്കട്ടെ. അതാണ് ഞങ്ങള് ആഗ്രഹിക്കുന്നതെന്നും കെ.സി.വേണുഗോപാൽ പറഞ്ഞു.