രാഹുൽ മാങ്കൂട്ടത്തിലിന് പാലക്കാട്ട് ഉജ്ജ്വല സ്വീകരണം
Thursday, October 17, 2024 5:49 PM IST
പാലക്കാട്: യുഡിഎഫ് സ്ഥാനാർഥി രാഹുൽ മാങ്കൂട്ടത്തിലിന് പാലക്കാട്ട് ഉജ്ജ്വല സ്വീകരണം. വ്യാഴാഴ്ച വൈകുന്നേരം മണ്ഡലത്തിലെത്തിയ അദ്ദേഹത്തെ സ്വീകരിക്കാനും റോഡ് ഷോയിലുമായി നൂറുകണക്കിനു പ്രർവർത്തകർ എത്തിയിരുന്നു.
ജില്ലയിൽ മുതിർന്ന നേതാക്കൾക്കൊപ്പം ഷാഫി പറമ്പിലും യൂത്ത് ലീഗ് അധ്യക്ഷൻ പി.കെ. ഫിറോസും രാഹുലിനൊപ്പമുണ്ട്. ആത്മവിശ്വാസത്തിന് ഒട്ടും കുറവില്ലെന്നും ആത്മവിശ്വാസം കൂട്ടുന്ന പല വിവരങ്ങളും പല പാർട്ടിയിൽ നിന്നും കിട്ടുന്നുവെന്നും രാഹുൽ പറഞ്ഞു.
രാഹുൽ മാങ്കൂട്ടത്തിലിന്റെ ഭൂരിപക്ഷം അഞ്ചക്കം കടക്കുമെന്നും പാലക്കാട്ടെ ജനങ്ങളിലാണ് വിശ്വാസമെന്ന് ഷാഫി പറമ്പിൽ പറഞ്ഞു.