മധ്യപ്രദേശിൽ ട്രക്കും ഓട്ടോറിക്ഷയും കൂട്ടിയിടിച്ചു: ഏഴ് മരണം
Tuesday, September 24, 2024 7:46 PM IST
ഭോപ്പാൽ: മധ്യപ്രദേശിൽ ദാമോഹ് ജില്ലയിൽ ട്രക്കും ഓട്ടോറിക്ഷയും കൂട്ടിയിടിച്ച് ഏഴ് പേർ മരിച്ചു. മൂന്ന് പേർക്ക് ഗുരുതരമായി പരിക്കേറ്റു.
ചൊവ്വാഴ്ച ഉച്ചയ്ക്കാണ് അപകടമുണ്ടായത്. സമണ ഗ്രാമത്തിന് സമീപത്താണ് അപകടം നടന്നത്.
പരിക്കേറ്റവരെ ജബൽപുരിലെ ആശുപത്രിയിലേയ്ക്ക് മാറ്റി. ഓട്ടോറിക്ഷയിലുണ്ടായിരുന്നവരാണ് മരിച്ചത്. പത്ത് പേരാണ് ഓട്ടോറിക്ഷയിലുണ്ടായിരുന്നത്.