സ്ത്രീ​ക​ള്‍​ക്കെ​തി​രാ​യ അ​തി​ക്ര​മം ഉ​ന്ന​യി​ച്ച് കെ.​കെ.​ര​മ; ക​ടു​ത്ത ന​ട​പ​ടി​യു​ണ്ടാ​കു​മെ​ന്ന് മ​ന്ത്രി വീ​ണ; സ​ഭ​യി​ലെ​ത്താ​തെ മു​ഖ്യ​മ​ന്ത്രി
സ്ത്രീ​ക​ള്‍​ക്കെ​തി​രാ​യ അ​തി​ക്ര​മം ഉ​ന്ന​യി​ച്ച് കെ.​കെ.​ര​മ; ക​ടു​ത്ത ന​ട​പ​ടി​യു​ണ്ടാ​കു​മെ​ന്ന് മ​ന്ത്രി വീ​ണ; സ​ഭ​യി​ലെ​ത്താ​തെ മു​ഖ്യ​മ​ന്ത്രി
Wednesday, July 10, 2024 11:20 AM IST
തി​രു​വ​ന​ന്ത​പു​രം: സ്ത്രീ​ക​ള്‍​ക്കെ​തി​രാ​യ അ​തി​ക്ര​മം നി​യ​മ​സ​ഭ​യി​ലു​ന്ന​യി​ച്ച് പ്ര​തി​പ​ക്ഷം. സ്ത്രീ​ക​ള്‍​ക്കും കു​ട്ടി​ക​ള്‍​ക്കു​മെ​തി​രാ​യ അ​ക്ര​മ​ങ്ങ​ള്‍ സം​സ്ഥാ​ന​ത്ത് വ​ര്‍​ധി​ച്ച് വ​രു​ന്ന​താ​യി അടിയന്തരപ്രമേയ നോ​ട്ടീ​സ് അ​വ​ത​രി​പ്പി​ച്ച കെ.​കെ.​ര​മ പ​റ​ഞ്ഞു.

ഇ​ത്ത​രം അ​തി​ക്ര​മ​ങ്ങ​ളി​ല്‍ പ്ര​തി​ക​ളാ​കു​ന്ന​വ​ര്‍ സി​പി​എം പ്ര​വ​ര്‍​ത്ത​ക​രും ഇ​ട​ത് അ​നു​ഭാ​വി​ക​ളു​മാ​ണെ​ന്ന് ര​മ വി​മ​ര്‍​ശി​ച്ചു. പൂ​ച്ചാ​ക്ക​ലി​ല്‍ ദ​ളി​ത് പെ​ണ്‍​കു​ട്ടി ആ​ക്ര​മി​ക്ക​പ്പെ​ട്ട കേ​സി​ലെ ​പ്ര​തി​യെ പോലീ​സ് സം​ര​ക്ഷി​ക്കു​ന്നു.

ന​ടി​യെ ആ​ക്ര​മി​ച്ച കേ​സി​ല്‍ മെ​മ്മ​റി കാ​ര്‍​ഡ് പോ​ലും പു​റ​ത്തു​പോ​യി. ഹേ​മ ക​മ്മീ​ഷ​ന്‍ റി​പ്പോ​ര്‍​ട്ടി​ലെ നി​ര്‍​ദേ​ശ​ങ്ങ​ള്‍ ന​ട​പ്പി​ലാ​ക്കി​യോ എ​ന്നും ര​മ ചോ​ദി​ച്ചു. കെ​സി​എ കോ​ച്ചി​ന്‍റെ പീ​ഡ​നം അ​ട​ക്ക​മു​ള്ള വി​ഷ​യ​ങ്ങ​ളും ര​മ സ​ഭ​യി​ല്‍ ഉ​ന്ന​യി​ച്ചു.

എ​ന്നാ​ല്‍ സ്ത്രീ​ക​ള്‍​ക്കെ​തി​രാ​യ ആ​ക്ര​മ​ണ​ങ്ങ​ളി​ല്‍ ക​ടു​ത്ത ന​ട​പ​ടി​യു​ണ്ടാ​കു​മെ​ന്നാ​യി​രു​ന്നു വ​നി​താ ശി​ശു​ക്ഷേ​മ വ​കു​പ്പി​ന്‍റെ ചു​മ​ത​ല​യു​ള്ള മ​ന്ത്രി വീ​ണാ ജോ​ര്‍​ജി​ന്‍റെ മ​റു​പ​ടി. പൂ​ച്ചാ​ക്ക​ല്‍ സം​ഭ​വ​ത്തി​ലെ പ്ര​തി​യെ സി​പി​എം പി​ന്തു​ണ​യ്ക്കു​ന്നി​ല്ലെ​ന്നും മ​ന്ത്രി പ​റ​ഞ്ഞു.

പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ് സ​മ​യ​ത്ത് താ​ന​ട​ക്ക​മു​ള്ള വ​നി​താ നേ​താ​ക്ക​ള്‍​ക്കെ​തി​രേ സൈ​ബ​ര്‍ ആ​ക്ര​മ​ണ​മു​ണ്ടാ​യി. ര​മ​യു​ടെ പാ​ര്‍​ട്ടി നേ​താ​വ് ഷൈ​ല​ജ ടീ​ച്ച​റെ​ക്കു​റി​ച്ച് പ​റ​ഞ്ഞ​ത് ന​മ്മ​ള്‍ ക​ണ്ട​ത​ല്ലേ​യെ​ന്നും ര​മ​യു​ടെ വി​മ​ര്‍​ശ​ന​ത്തി​ന് മ​റു​പ​ടി​യാ​യി മ​ന്ത്രി പ​റ​ഞ്ഞു.

അ​തേ​സ​മ​യം ആ​ഭ്യ​ന്ത​ര വ​കു​പ്പി​ന്‍റെ ചു​മ​ത​ലു​ള്ള മു​ഖ്യ​മ​ന്ത്രി നോ​ട്ടീ​സി​ന് മ​റു​പ​ടി പ​റ​യ​ണ​മെ​ന്ന് പ്ര​തി​പ​ക്ഷം ആ​വ​ശ്യ​പ്പെ​ട്ടി​ട്ടും പി​ണ​റാ​യി വി​ജ​യ​ന്‍ ഇ​ന്ന് സ​ഭ​യി​ല്‍ എ​ത്തി​യി​ല്ല. സ​ഭാ മ​ന്ദി​ര​ത്തി​ല്‍ ത​ന്നെ ഉ​ണ്ടാ​യി​ട്ടും സ​ഭാ​ത​ല​ത്തി​ല്‍ എ​ത്താ​തെ ഒ​ഴി​ഞ്ഞു​മാ​റു​ക​യാ​യി​രു​ന്നു. സ്ത്രീ​ക​ളു​മാ​യി ബ​ന്ധ​പ്പെ​ട്ട വി​ഷ​യ​മാ​യ​തി​നാ​ലാ​ണ് മ​റു​പ​ടി പ​റ​യാ​ന്‍ മ​ന്ത്രി വീ​ണാ ജോ​ര്‍​ജി​നെ ചു​മ​ത​ല​പ്പെ​ടു​ത്തി​യ​തെ​ന്നാ​ണ് മു​ഖ്യ​മ​ന്ത്രിയുടെ ഓഫീസിന്‍റെ വി​ശ​ദീ​ക​ര​ണം.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<