National News
മതാടിസ്ഥാനത്തിൽ സംവരണം; പോരടിച്ച് മോദിയും ലാലുവും
മതാടിസ്ഥാനത്തിൽ സംവരണം; പോരടിച്ച് മോദിയും ലാലുവും
Wednesday, May 8, 2024 1:06 AM IST
ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: ഭ​ര​ണ​ഘ​ട​ന ത​ക​ർ​ത്ത് സം​വ​ര​ണം ഇ​ല്ലാ​താ​ക്കാ​നാ​ണു ഭ​ര​ണ​ക​ക്ഷി​യാ​യ ബി​ജെ​പി ശ്ര​മി​ക്കു​ന്ന​തെ​ന്ന് ആ​ർ​ജെ​ഡി നേ​താ​വ് ലാ​ലു പ്ര​സാ​ദ് യാ​ദ​വ്.

എ​ന്നാ​ൽ മു​സ്‌​ലിം​ക​ൾ​ക്ക് പൂ​ർ​ണ സം​വ​ര​ണം ന​ൽ​ക​ണ​മെ​ന്ന ലാ​ലു​വി​ന്‍റെ പ​രാ​മ​ർ​ശ​ത്തി​നെ​തി​രേ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ബി​ജെ​പി​യും രം​ഗ​ത്തെ​ത്തി​യ​തോ​ടെ മ​ത​ത്തി​ന്‍റെ അ​ടി​സ്ഥാ​ന​ത്തി​ലു​ള്ള സം​വ​ര​ണ​ത്തി​ന് എ​തി​രാ​ണെ​ന്നു വ്യ​ക്ത​മാ​ക്കി ലാ​ലു പ്ര​സാ​ദ് പി​ന്നീ​ട് വീ​ഡി​യോ സ​ന്ദേ​ശം പു​റ​ത്തി​റ​ക്കി. സം​വ​ര​ണ​ത്തി​ന്‍റെ അ​ടി​സ്ഥാ​നം മ​ത​മ​ല്ലെ​ന്നും സാ​മൂ​ഹി​ക പി​ന്നാ​ക്കാ​വ​സ്ഥ​യാ​ണെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

സം​വ​ര​ണവി​ഷ​യ​ത്തി​ൽ മോ​ദി​യും ലാ​ലു​വും നേ​ർ​ക്കു​നേ​ർ പോ​ര് ക​ടു​പ്പി​ച്ച​തോ​ടെ, ബി​ഹാ​റി​ല​ട​ക്കം ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ൽ ജാ​തി, മ​ത ധ്രു​വീ​ക​ര​ണ​മ​ട​ക്കം തെ​ര​ഞ്ഞെ​ടു​പ്പു രാ​ഷ്‌​ട്രീ​യ​ത്തി​ന് ചൂ​ടേ​റി. മ​ണ്ഡ​ൽ ക​മ്മീ​ഷ​ൻ റി​പ്പോ​ർ​ട്ടി​നു​ശേ​ഷം മു​സ്‌​ലിം സം​വ​ര​ണ വി​ഷ​യം ഉ​യ​ർ​ത്തി ഭൂ​രി​പ​ക്ഷ ധ്രു​വീ​ക​ര​ണ​ത്തി​ന് ബി​ജെ​പി തീ​വ്ര​ശ്ര​മം ആ​രം​ഭി​ച്ചു.

മു​സ്‌​ലിം, ആ​ദി​വാ​സി, ദ​ളി​ത്, പി​ന്നാ​ക്ക വോ​ട്ടു​ക​ൾ പ​ര​മാ​വ​ധി സ​മാ​ഹ​രി​ക്കാ​നു​ള്ള പ്ര​തി​പ​ക്ഷ പാ​ർ​ട്ടി​ക​ളു​ടെ ശ്ര​മ​ങ്ങ​ൾ​ക്കി​ടെ​യാ​ണ് ലാ​ലു​വി​ന്‍റെ പ്ര​സ്താ​വ​ന​യി​ൽ പി​ടി​ച്ച് പ്ര​ധാ​ന​മ​ന്ത്രി മോ​ദി ഇ​ന്ന​ലെ പോ​ർ​ക്ക​ളം വീ​ണ്ടും ഇ​ള​ക്കി​യ​ത്.

“മൃ​ഗ​ങ്ങ​ൾ​ക്കു​ള്ള കാ​ലി​ത്തീ​റ്റ ഭ​ക്ഷി​ച്ച നേ​താ​വ്’’ എ​ന്ന് ആ​ക്ഷേ​പി​ച്ചാ​ണ് മ​ധ്യ​പ്ര​ദേ​ശി​ലെ ധ​റി​ൽ ന​ട​ന്ന ബി​ജെ​പി റാ​ലി​യി​ൽ ആ​ർ​ജെ​ഡി നേ​താ​വും മു​ൻ മു​ഖ്യ​മ​ന്ത്രി​യു​മാ​യ ലാ​ലു പ്ര​സാ​ദ് യാ​ദ​വി​നും ഇ​ന്ത്യ സ​ഖ്യ​ത്തി​നു​മെ​തി​രേ മോ​ദി ക​ട​ന്നാ​ക്ര​മ​ണം ന​ട​ത്തി​യ​ത്.

കാ​ലി​ത്തീ​റ്റ കും​ഭ​കോ​ണ​ക്കേ​സി​ൽ ശി​ക്ഷി​ക്ക​പ്പെ​ട്ടു ജ​യി​ലി​ലു​ള്ള നേ​താ​വ് ജാ​മ്യ​ത്തി​ലി​റ​ങ്ങി​യാ​ണ് മു​സ്‌​ലിം​ക​ൾ​ക്കു മു​ഴു​വ​ൻ സം​വ​ര​ണ​വും ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട​തെ​ന്ന് മോ​ദി പ​റ​ഞ്ഞു.

“കോ​ണ്‍ഗ്ര​സ് നി​ശ​ബ്‌​ദ​മാ​ണ്. പ​ക്ഷേ ഇ​ന്ത്യ സ​ഖ്യ​ത്തി​ന്‍റെ ഉ​ദ്ദേ​ശ്യം ഒ​രു സ​ഖ്യ​ക​ക്ഷി ഇ​ന്ന​ലെ സ്ഥി​രീ​ക​രി​ച്ചു. മു​സ്‌​ലിം​ക​ൾ​ക്കു സം​വ​ര​ണം ല​ഭി​ക്ക​ണ​മെ​ന്നു മാ​ത്ര​മ​ല്ല, മു​സ്‌​ലിം​ക​ൾ​ക്കു മു​ഴു​വ​ൻ സം​വ​ര​ണം ല​ഭി​ക്ക​ണ​മെ​ന്നാ​ണ് അ​ദ്ദേ​ഹം പ​റ​യു​ന്ന​ത്. എ​ന്താ​ണ് ഇ​തി​ന്‍റെ അ​ർ​ഥം? പ​ട്ടി​ക​ജാ​തി, പ​ട്ടി​ക​വ​ർ​ഗ, പി​ന്നാ​ക്ക വി​ഭാ​ഗ​ങ്ങ​ളി​ൽ​നി​ന്നു സം​വ​ര​ണം ത​ട്ടി​യെ​ടു​ത്ത് മു​സ്‌​ലിം​ക​ൾ​ക്കു ന​ൽ​കാ​നാ​ണെ​ന്നാ​ണ് ഇ​തി​ന്‍റെ​യ​ർ​ഥം’’- പ്ര​ധാ​ന​മ​ന്ത്രി പ​റ​ഞ്ഞു.

“പ്ര​തി​പ​ക്ഷ സ​ഖ്യ​ത്തി​ന്‍റെ നേ​താ​ക്ക​ളി​ലൊ​രാ​ൾ കാ​ലി​ത്തീ​റ്റ കും​ഭ​കോ​ണ കേ​സി​ൽ കോ​ട​തി ശി​ക്ഷി​ക്കപ്പെടു കയും ജ​യി​ലി​ൽ ക​ഴി​യു​ക​യും ചെ​യ്തു. അ​ദ്ദേ​ഹ​ത്തി​ന്‍റെ നാ​ണ​ക്കേ​ട് നോ​ക്കൂ. അ​ദ്ദേ​ഹം ജാ​മ്യ​ത്തി​ലാ​ണ്. നി​ങ്ങ​ളു​ടെ ഗ്രാ​മ​ത്തി​ൽ ആ​രെ​ങ്കി​ലും ജ​യി​ലി​ൽ കി​ട​ന്നാ​ൽ അ​ത്ത​ര​ക്കാ​ർ​ക്കൊ​പ്പം ആ​രെ​ങ്കി​ലും നി​ൽ​ക്കു​മോ? സാ​ധാ​ര​ണ ആ​ളു​ക​ൾ അ​ക​ന്നു​നി​ൽ​ക്കും. പ്രീ​ണ​ന​ത്തി​ന​പ്പു​റം പ്ര​തി​പ​ക്ഷ​ത്തി​നു കാ​ണാ​ൻ ക​ഴി​യി​ല്ല. നി​ങ്ങ​ളു​ടെ ശ്വാ​സോ​ച്ഛ്വാ​സം പോ​ലും അ​വ​ർ ഇ​ല്ലാ​താ​ക്കും’’- മോ​ദി പ​റ​ഞ്ഞു.

എ​ന്നാ​ൽ, മ​ണ്ഡ​ൽ ക​മ്മീ​ഷ​ൻ ശി​പാ​ർ​ശ​ക​ൾ ന​ട​പ്പി​ലാ​ക്കി​യ​തു ത​ങ്ങ​ളാ​ണെ​ന്ന് ലാ​ലു പ്ര​സാ​ദ് ചൂ​ണ്ടി​ക്കാ​ട്ടി. ന​രേ​ന്ദ്ര മോ​ദി എ​പ്പോ​ഴെ​ങ്കി​ലും അ​വ വാ​യി​ച്ചി​ട്ടു​ണ്ടോ? മ​റ്റു മ​ത​ങ്ങ​ളി​ൽനി​ന്നു​ള്ള​വ​രു​ൾ​പ്പെ​ടെ 3,500ല​ധി​കം പി​ന്നാ​ക്ക ജാ​തി​ക്കാ​ർ​ക്ക് മ​ണ്ഡ​ൽ ക​മ്മീ​ഷ​ൻ ശി​പാ​ർ​ശ​ക​ളി​ലൂ​ടെ സം​വ​ര​ണം ന​ൽ​കു​ന്നു.

ത​ന്നേ​ക്കാ​ൾ വ​ലു​തോ ശ​രി​യാ​യ പി​ന്നാ​ക്ക​മോ അ​ല്ല. ത​ന്നേക്കാ​ൾ പാ​വ​പ്പെ​ട്ട​വ​രെ​യും പി​ന്നാ​ക്ക​ക്കാ​രെ​യും ദ​ളി​ത​രെ​യും ബി​ജെ​പി മ​ന​സി​ലാ​ക്കു​ന്നി​ല്ലെ​ന്നും അ​ത്ത​ര​ക്കാ​രു​മാ​യി വ​ഴ​ക്കി​ടു​ക മാ​ത്ര​മാ​ണു ബി​ജെ​പി ചെ​യ്യു​ന്ന​തെ​ന്നും ലാ​ലു ആ​രോ​പി​ച്ചു.

റി​സ​ർ​വേ​ഷ​ൻ തോ ​മി​ൽ​ന ചാ​ഹി​യേ മു​സ​ൽ​മാ​നോ കോ, ​പൂ​രാ... (മു​സ്‌​ലിം​ക​ൾ​ക്കു പൂ​ർ​ണ സം​വ​ര​ണം ല​ഭി​ക്ക​ണം) എ​ന്ന വാ​ക്ക് വി​വാ​ദ​മാ​യ​തി​നെ തു​ട​ർ​ന്നാ​യി​രു​ന്നു ലാ​ലു​വി​ന്‍റെ വി​ശ​ദീ​ക​ര​ണം. രാ​ജ്യ​ത്തി​ന്‍റെ ഭ​ര​ണ​ഘ​ട​ന​യെ​യും ജ​നാ​ധി​പ​ത്യ​ത്തെ​യും ഇ​ല്ലാ​താ​ക്കാ​നും സം​വ​ര​ണം അ​വ​സാ​നി​പ്പി​ക്കാ​നു​മാ​ണ് ബി​ജെ​പി​യു​ടെ ആ​ഗ്ര​ഹ​മെ​ന്നും ലാ​ലു പ്ര​സാ​ദ് കു​റ്റ​പ്പെ​ടു​ത്തി.

ഇ​ന്ത്യ സ​ഖ്യം അ​ധി​കാ​ര​ത്തി​ലെ​ത്തി​യാ​ൽ ഭ​ര​ണ​ഘ​ട​ന​യു​ടെ അ​ടി​സ്ഥാ​ന​ഘ​ട​ന​യി​ൽ മാ​റ്റം വ​രു​ത്തി മു​സ്‌​ലിം​ക​ൾ​ക്കു സം​വ​ര​ണം ന​ൽ​കു​മെ​ന്നാ​ണ് ആ​ർ​ജെ​ഡി മേ​ധാ​വി​യു​ടെ പ​രാ​മ​ർ​ശം വ്യ​ക്ത​മാ​ക്കു​ന്ന​തെ​ന്ന് ബി​ജെ​പി ദേ​ശീ​യ വ​ക്താ​വ് സു​ധാം​ശു ത്രി​വേ​ദി ആ​രോ​പി​ച്ചു.

""അ​ദ്ദേ​ഹം ഉ​പ​യോ​ഗി​ച്ച പു​ര കാ ​പു​ര (പൂ​ർ​ണം) എ​ന്ന വാ​ക്ക് വ​ള​രെ ഗൗ​ര​വ​മു​ള്ള​താ​ണ്. എ​സ്‌​സി, എ​സ്ടി, ഒ​ബി​സി എ​ന്നി​വ​യു​ടെ വി​ഹി​ത​ത്തി​ൽ​നി​ന്നു മു​സ്‌​ലിം​ക​ൾ​ക്കു സം​വ​ര​ണം ന​ൽ​കാ​ൻ അ​വ​ർ ആ​ഗ്ര​ഹി​ക്കു​ന്നു​വെ​ന്ന് ഇ​തു വ്യ​ക്ത​മാ​ക്കു​ന്നു”- ത്രി​വേ​ദി വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു.

ലാ​ലു​വി​ന്‍റെ നി​ല​പാ​ട് ഭ​ര​ണ​ഘ​ട​ന​യു​ടെ​യും മ​ണ്ഡ​ൽ ക​മ്മീ​ഷ​ൻ റി​പ്പോ​ർ​ട്ടി​ന്‍റെ​യും അ​ടി​സ്ഥാ​ന​ത​ത്വ​ങ്ങ​ളെ ലം​ഘി​ക്കു​ന്ന​താ​ണെ​ന്ന് ജെ​ഡി​യു വ​ക്താ​വ് കെ.​സി. ത്യാ​ഗി കു​റ്റ​പ്പെ​ടു​ത്തി. പി​ന്നാ​ക്ക​ക്കാ​ർ​ക്കെ​തി​രാ​യ ഗൂ​ഢാ​ലോ​ച​ന​യ്ക്കു തു​ല്യ​മാ​ണ് ഇ​ത്ത​ര​മൊ​രു പ്ര​സ്താ​വ​ന​യെ​ന്നും ത്യാ​ഗി പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.