പ്രജ്വലിന് നയതന്ത്ര പാസ്പോർട്ട് ഉണ്ട്, ക്ലിയറൻസ് നൽകിയില്ല: കേന്ദ്രം : Deepika.com National News |

Click here for detailed news of all items

പ്രജ്വലിന് നയതന്ത്ര പാസ്പോർട്ട് ഉണ്ട്, ക്ലിയറൻസ് നൽകിയില്ല: കേന്ദ്രം

Friday, May 3, 2024 4:31 AM IST

ന്യൂഡൽഹി: ലൈംഗികാതിക്രമ കേസ് പ്രതിയും എൻഡിഎ സ്ഥാനാർഥിയുമായ പ്രജ്വൽ രേവണ്ണ ജർമനിയിലേക്കു കടന്നത് നയതന്ത്ര പാസ്പോർട്ട് ഉപയോഗിച്ചാണെന്നു സ്ഥിരീകരിച്ച് കേന്ദ്ര വിദേശകാര്യമന്ത്രാലയം.

പ്രജ്വലിന് നയതന്ത്ര പാസ്പോർട്ട് ഉണ്ടെന്നും ഇതുപയോഗിച്ചാണ് ജർമനിയിലേക്കു പോയതെന്നും എന്നാൽ, യാത്രയ്ക്ക് തങ്ങൾ ക്ലിയറൻസ് നൽകിയിട്ടില്ലെന്നും വിദേശകാര്യ വക്താവ് രൺധീർ ജയ്സ്വാൾ അറിയിച്ചു. “ പ്രസ്തുത എംപിയുടെ ജർമൻ യാത്രയുമായി ബന്ധപ്പെട്ട് വിദേശകാര്യമന്ത്രാലയത്തിൽനിന്ന് രാഷ്‌ട്രീയ അനുമതി തേടുകയോ നൽകുകയോ ചെയ്തിട്ടില്ല. വീസാ നോട്ടും നൽകിയിട്ടില്ല’’-വിദേശകാര്യ വക്താവ് വ്യക്തമാക്കി.

ചോദ്യവുമായി പ്രതിപക്ഷം

ന്യൂഡൽഹി: എംപിയെന്ന നിലയിലുള്ള പ്രജ്വലിന്‍റെ നയതന്ത്ര പാസ്പോർട്ട് എന്തുകൊണ്ടാണ് കേന്ദ്രസർക്കാർ ഇനിയും റദ്ദാക്കാത്തതെന്ന് കോണ്‍ഗ്രസ് നേതാക്കൾ ഡൽഹിയിൽ ചോദിച്ചു. കൂട്ടബലാത്സംഗ കേസിലെ പ്രതിയെ സംരക്ഷിക്കുന്നത് കേന്ദ്രസർക്കാരും ബിജെപിയുമാണെന്നും കോണ്‍ഗ്രസ് കുറ്റപ്പെടുത്തി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.