National News
ഒളിമങ്ങാത്ത പോരാട്ടവീര്യം
ഒളിമങ്ങാത്ത പോരാട്ടവീര്യം
Thursday, December 9, 2021 12:31 AM IST
പ്ര​തി​രോ​ധ ത​ന്ത്ര​ങ്ങ​ളു​ടെ നാ​യ​ക​നെ​യാ​ണ് ജ​ന​റ​ൽ ബി​പി​ൻ റാ​വ​ത്തി​ന്‍റെ അ​കാ​ല വേ​ർ​പാ​ടി​ൽ ഇ​ന്ത്യ​ക്കു ന​ഷ്ട​മാ​യ​ത്. ചൈ​ന​യും പാ​ക്കി​സ്ഥാ​നും ഉ​യ​ർ​ത്തു​ന്ന സു​ര​ക്ഷാ ഭീ​ഷ​ണി​ക​ളെ നേ​രി​ടു​ന്ന​തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും പ്ര​തി​രോ​ധ മ​ന്ത്രി രാ​ജ്നാ​ഥ് സിം​ഗും മു​ഖ്യ​മാ​യി ആ​ശ്ര​യി​ച്ചി​രു​ന്ന സൈ​നി​ക മേ​ധാ​വി.

രാ​ജ്യ​ത്തി​ന്‍റെ ആ​ദ്യ​ത്തെ സം​യു​ക്ത സേ​നാ മേ​ധാ​വി ജ​ന​റ​ൽ ബി​പി​ൻ റാ​വ​ത്ത് ഹെ​ലി​കോ​പ്റ്റ​ർ അ​പ​ക​ട​ത്തി​ൽ കൊ​ല്ല​പ്പെ​ട്ട​ത് രാ​ജ്യ​ത്തെ​യും പ്ര​തി​രോ​ധ സേ​ന​ക​ളെ​യും അ​ക്ഷ​രാ​ർ​ഥ​ത്തി​ൽ ഞെ​ട്ടി​ച്ചി​രി​ക്കു​ക​യാ​ണ്.

സാ​ധാ​ര​ണ​യൊ​രു സൈ​നി​ക ത​ല​വ​ൻ ആ​യി​രു​ന്നി​ല്ല ജ​ന​റ​ൽ റാ​വ​ത്ത്. ഇ​ന്ത്യ​യു​ടെ പ്ര​തി​രോ​ധ മി​സൈ​ൽ ആ​യി​രു​ന്നു. ഇ​തി​ലേ​റെ പ്ര​ധാ​ന​മ​ന്ത്രി മോ​ദി​യു​ടെ വി​ശ്വ​സ്ത​നാ​യ സൈ​നി​ക ത​ല​വ​നാ​യി​രു​ന്നു. ധീ​ര​ത​യു​ടെ​യും ത​ന്‍റേ​ട​ത്തി​ന്‍റെ​യും കൂ​റു​ള്ള മു​ഖം കൂ​ടി​യാ​യി​രു​ന്നു അ​ദ്ദേ​ഹം.

സൈ​നി​ക ത​ന്ത്ര​ങ്ങ​ളു​ടെ ചാ​ണ​ക്യ​ൻ. എ​തു സാ​ഹ​ച​ര്യ​വും നേ​രി​ടാ​ൻ ക​ര, വ്യോ​മ, നാ​വി​ക സേ​ന​ക​ളെ സ​ജ്ജ​മാ​ക്കു​ന്ന ഭ​ഗീ​ര​ഥ യ​ത്ന​ത്തി​നി​ടെ​യാ​ണു ദു​ര​ന്ത​മെ​ത്തി​യ​ത്.

ഫോ​ർ സ്റ്റാ​ർ ന​ക്ഷ​ത്ര പ​ദ​വി

തു​ല്യ​രി​ൽ ഒ​ന്നാ​മ​ൻ (ഫ​സ്റ്റ് എ​മം​ഗ് ഈ​ക്വ​ൽ​സ്) എ​ന്നാ​ണ് ചീ​ഫ് ഓ​ഫ് ഡി​ഫ​ൻ​സ് സ്റ്റാ​ഫ് (സി​ഡി​എ​സ്) അ​റി​യ​പ്പെ​ടുന്നത്. മൂ​ന്നു വ​ർ​ഷ​മാ​ണു കാ​ലാ​വ​ധി. ക​ര, വ്യോ​മ, നാ​വി​ക സേ​ന​ക​ളു​ടെ പ്ര​വ​ർ​ത്ത​നം ഏ​കോ​പി​ക്കു​ക​യാ​ണു സി​ഡി​എ​സി​ന്‍റെ നി​യ​മ​ന​ത്തി​ന്‍റെ മു​ഖ്യ​ല​ക്ഷ്യ​മാ​യി പ​റ​ഞ്ഞ​ത്.

കേ​ന്ദ്ര​സ​ർ​ക്കാ​രി​ന്‍റെ മു​ഖ്യ സൈ​നി​ക ഉ​പ​ദേ​ഷ്ടാ​വ്, ചീ​ഫ് ഓ​ഫ് സ്റ്റാ​ഫ് ക​മ്മി​റ്റി​യു​ടെ സ്ഥി​രം ചെ​യ​ർ​മാ​ൻ എ​ന്നീ നി​ല​ക​ളി​ലും ഫോ​ർ സ്റ്റാ​ർ ജ​ന​റ​ൽ പ​ദ​വി​യാ​ണ് ബി​പി​ൻ റാ​വ​ത്തി​നു​ള്ള​ത്. ആ​യു​ധ​ങ്ങ​ൾ വാ​ങ്ങു​ന്ന​തു​മാ​യി ബ​ന്ധ​പ്പെ​ട്ട ന​ട​പ​ടി​ക​ൾ, സാ​യു​ധ സേ​ന​ക​ളു​ടെ പ്ര​വ​ർ​ത്ത​ന​ങ്ങ​ളു​ടെ ഏ​കോ​പ​നം തു​ട​ങ്ങി​യ ചു​മ​ത​ല​ക​ളും സി​ഡി​എ​സി​നു​ണ്ട്.

അ​മേ​രി​ക്ക, ചൈ​ന, റ​ഷ്യ, ബ്രി​ട്ട​ൻ, ഫ്രാ​ൻ​സ് തു​ട​ങ്ങി​യ ലോ​ക​ത്തി​ലെ സൈ​നി​ക ശ​ക്തി​ക​ളാ​യ രാ​ജ്യ​ങ്ങ​ൾ​ക്കെ​ല്ലാം സി​ഡി​എ​സ് പ​ദ​വി​യു​ണ്ട്. പ്ര​തി​രോ​ധ സേ​ന​ക​ളു​മാ​യി ബ​ന്ധ​പ്പെ​ട്ട എ​ല്ലാ കാ​ര്യ​ങ്ങ​ളി​ലും കേ​ന്ദ്ര​സ​ർ​ക്കാ​രി​ന് ഉ​പ​ദേ​ശം ന​ൽ​കു​ന്ന​ത് സി​ഡി​എ​സ് ആ​ണ്. ജ​ന​റ​ൽ ബി​പി​ൻ റാ​വ​ത്തി​നു വേ​ണ്ടി മാ​ത്രം ത​ര​പ്പെ​ടു​ത്തി​യ പ​ദ​വി​യെ​ന്നു പോ​ലും പ​റ​യാം.

വി​മ​ർ​ശ​ന​ങ്ങ​ൾ​ക്കു മീ​തെ പ​റ​ന്ന്

2019 ഡി​സം​ബ​ർ 31ന് ​ക​ര​സേ​നാ മേ​ധാ​വി സ്ഥാ​ന​ത്തു നി​ന്നു വി​ര​മി​ച്ച അ​തേ ദി​വ​സ​മാ​ണ് ജ​ന​റ​ൽ ബി​പി​ൻ റാ​വ​ത്തി​നെ ഇ​ന്ത്യ​യു​ടെ ആ​ദ്യ​ത്തെ സി​ഡി​എ​സ് ആ​യി നി​യ​മി​ച്ച​ത്. സ്വാ​ത​ന്ത്ര്യ​ദി​ന പ്ര​സം​ഗ​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി സി​ഡി​എ​സ് രൂ​പീ​ക​ര​ണം പ്ര​ഖ്യാ​പി​ച്ചു മാ​സ​ങ്ങ​ൾ​ക്കു ശേ​ഷ​മാ​യി​രു​ന്നു നി​യ​മ​നം. ക​ര​സേ​നാ മേ​ധാ​വി സ്ഥാ​ന​ത്തു നി​ന്നു ബി​പി​ൻ റാ​വ​ത്ത് വി​ര​മി​ക്കാ​ൻ വേ​ണ്ടി സി​ഡി​എ​സ് നി​യ​മ​നം കേ​ന്ദ്രം നീ​ട്ടി​വ​ച്ചു​വെ​ന്ന​താ​ണു യാ​ഥാ​ർ​ഥ്യം. പ്ര​ധാ​ന​മ​ന്ത്രി മോ​ദി​ക്ക് അ​ത്ര​യേ​റെ പ്രി​യ​ങ്ക​ര​നാ​യി​രു​ന്നു ജ​ന​റ​ൽ റാ​വ​ത്ത്.

1999ലെ ​കാ​ർ​ഗി​ൽ യു​ദ്ധ​ത്തെ തു​ട​ർ​ന്നാ​ണു മൂ​ന്നു സേ​നാ വി​ഭാ​ഗ​ങ്ങ​ളു​ടെ​യും പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കാ​ൻ ചീ​ഫ് ഓ​ഫ് ഡി​ഫ​ൻ​സ് സ്റ്റാ​ഫി​നെ നി​യ​മി​ക്ക​ണ​മെ​ന്ന നി​ർ​ദേ​ശം ശ​ക്ത​മാ​യ​ത്. കാ​ർ​ഗി​ലി​ലെ ഇ​ന്ത്യ​ൻ ഭൂ​മി​യി​ൽ പാ​ക്കി​സ്ഥാ​ൻ സൈ​നി​ക​ർ ക​ട​ന്നു​ക​യ​റി നി​ല​യു​റ​പ്പി​ക്കാ​ൻ ഇ​ട​യാ​യ​തി​ലെ സു​ര​ക്ഷാ​വീ​ഴ്ച​യാ​ണ് ഇ​ത്ത​ര​മൊ​രു ആ​വ​ശ്യ​ത്തി​ലേ​ക്കു പ്ര​ധാ​ന​മാ​യും ന​യി​ച്ച​ത്.

സൈ​നി​ക വി​ഭാ​ഗ​ങ്ങ​ളു​ടെ സം​യു​ക്ത ത​ല​വ​നെ നി​യ​മി​ക്കു​ന്ന​തി​നെ​തി​രേ സേ​നാ വി​ഭാ​ഗ​ങ്ങ​ൾ​ക്കി​ട​യി​ൽ ആ​ശ​ങ്ക​യു​ണ്ടാ​യി​രു​ന്നു. ക​ര, വ്യോ​മ, നാ​വി​ക സേ​നാ മേ​ധാ​വി​ക​ളു​ടെ മു​ക​ളി​ൽ മ​റ്റൊ​രു ത​ല​വ​നെ നി​യ​മി​ക്കു​ന്ന​ത് സേ​നാ​മേ​ധാ​വി​ക​ളു​ടെ മ​നോ​വീ​ര്യം ത​ക​ർ​ക്കു​മെ​ന്ന ആ​രോ​പ​ണ​വും ഉ​യ​ർ​ന്നി​രു​ന്നു. വി​മ​ർ​ശ​ന​ങ്ങ​ളെ വ​ക​വ​യ്ക്കാ​തെ​യാ​യി​രു​ന്നു മോ​ദി സ​ർ​ക്കാ​ർ ജ​ന​റ​ൽ റാ​വ​ത്തി​നെ സം​യു​ക്ത സൈ​നി​ക മേ​ധാ​വി​യാ​യി നി​യ​മി​ച്ച​ത്.

തി​ള​ക്ക​മേ​റി​യ യു​ദ്ധ​വീ​ര്യം

നാ​ലു പ​തി​റ്റാ​ണ്ടി​ലേ​റെ നീ​ണ്ട സൈ​നി​ക സേ​വ​ന​ത്തി​ന്‍റെ ക​രു​ത്താ​ണ് ജ​ന​റ​ൽ ബി​പി​ൻ റാ​വ​ത്തി​നു​ള്ള​ത്. ക​ര​സേ​നാ മേ​ധാ​വി​യും സം​യു​ക്ത സൈ​നി​ക മേ​ധാ​വി​യു​മാ​യ ഇ​ന്ത്യ​യി​ലെ ആ​ദ്യ​ത്തെ​യാ​ൾ. 2016 ഡി​സം​ബ​റി​ൽ ആ​യി​രു​ന്നു കരസേനാ മേ​ധാ​വി​യാ​യ​ത്. സ​ർ​വീ​സി​ൽ ത​ന്നേ​ക്കാ​ൾ മു​തി​ർ​ന്ന പ്ര​വീ​ണ്‍ ബ​ക്ഷി, പി.​എം. ഹാ​രീ​സ് എ​ന്നീ ര​ണ്ടു ല​ഫ്റ്റ​ന​ന്‍റ് ജ​ന​റ​ൽ​മാ​രെ മ​റി​ക​ട​ന്നാ​യി​രു​ന്നു റാ​വ​ത്തി​ന്‍റെ നി​യ​മ​നം.

1983ൽ ​ല​ഫ്. ജ​ന​റ​ൽ എ​സ്.​കെ. സി​ൻ​ഹ​യെ മ​റി​ക​ട​ന്ന് ജ​ന​റ​ൽ എ.​എ​സ്. വൈ​ദ്യ​യെ ക​ര​സേ​നാ മേ​ധാ​വി​യാ​ക്കി​യ ശേ​ഷം രാ​ജ്യ​ത്തെ ര​ണ്ടാ​മ​ത്തെ സം​ഭ​വം. ക​ര​സേ​നാ മേ​ധാ​വി​യു​ടെ പ​ദ​വി​യി​ൽ നി​ന്നു വി​ര​മി​ച്ച 2019 ഡി​സം​ബ​ർ 31 മു​ത​ൽ സി​ഡി​എ​സ് ആ​യി നി​യ​മി​ക്ക​പ്പെ​ട്ടു.


കി​ഴ​ക്ക​ൻ ല​ഡാ​ക്കി​ലെ ചൈ​ന​യു​ടെ ക​ട​ന്നാ​ക്ര​മ​ണ​ങ്ങ​ൾ​ക്കെ​തി​രേ വി​ജ​യ​ക​ര​മാ​യ ത​ന്ത്ര​ങ്ങ​ൾ ആ​വി​ഷ്ക​രി​ച്ച​തു റാ​വ​ത്തി​ന്‍റെ ബു​ദ്ധി​യി​ലാ​ണ്. 1962-ലെ ​യു​ദ്ധ​ത്തി​നു ശേ​ഷം 1987ൽ ​സു​മ​ദോ​രൊം​ഗ് വാ​ലി​യി​ൽ ചൈ​ന​യു​ടെ ക​ട​ന്നാ​ക്ര​മ​ണം ഉ​ണ്ടാ​യ​പ്പോ​ൾ റാ​വ​ത്തി​ന്‍റെ ബ​റ്റാ​ലി​യ​നാ​യി​രു​ന്നു ചൈ​നീ​സ് പ​ട്ടാ​ള​ത്തെ തു​ര​ത്തി​യ​ത്.

വി​ഘ​ട​ന​വാ​ദി​ക​ൾ​ക്കും ഭീ​ക​രർ​ക്കും എ​തി​രേ​യു​ള്ള യു​ദ്ധ​ത​ന്ത്ര​ങ്ങ​ളി​ലെ വി​ദ​ഗ്ധ​ൻ എ​ന്നാ​ണ് റാ​വ​ത്ത് അ​റി​യ​പ്പെ​ട്ടി​രു​ന്ന​ത്. അ​തി​ശൈ​ത്യ മേ​ഖ​ല​ക​ളി​ലും മ​ല​ന്പ്ര​ദേ​ശ​ങ്ങ​ളി​ലും യു​ദ്ധം ചെ​യ്യു​ന്ന​തി​ൽ പ്ര​ത്യേ​ക മി​ക​വു​ണ്ടാ​യി​രു​ന്നു റാ​വ​ത്തി​ന്.

സൈ​നി​ക പാ​ര​ന്പ​ര്യം

1978ലാ​ണ് ക​ര​സേ​ന​യി​ൽ റാ​വ​ത്ത് ക​മ്മീ​ഷ​ൻ ചെ​യ്​ത​ത്. കി​ഴ​ക്ക​ൻ മേ​ഖ​ല​യി​ലെ നി​യ​ന്ത്ര​ണ രേ​ഖ​യി​ലെ ഇ​ൻ​ഫ​ൻ​ട്രി ബ​റ്റാ​ലി​യ​നെ ക​മാ​ൻ​ഡ് ചെ​യ്തു. കാ​ഷ്മീ​ർ താ​ഴ്‌വര​യി​ൽ രാ​ഷ്‌ട്രീയ റൈ​ഫി​ൾ​സ്, 19 ഇ​ൻ​ഫ​ൻ​ട്രി ഡി​വി​ഷ​ൻ എ​ന്നി​വ​യെ ന​യി​ച്ചു. ദ​ക്ഷി​ണ ക​മാ​ൻ​ഡി​ന്‍റെ ജ​ന​റ​ൽ ഓ​ഫീ​സ​ർ ക​മാ​ൻ​ഡിം​ഗ് പ​ദ​വി​യി​ലി​രു​ന്ന ശേ​ഷ​മാ​ണ് ക​ര​സേ​നാ ഉ​പ​മേ​ധാ​വി​യും മേ​ധാ​വി​യു​മാ​യ​ത്.

ബ്രി​ഗേ​ഡി​യ​ർ പ​ദ​വി​യി​ലി​രി​ക്കെ കോം​ഗോ​യി​ൽ വി​വി​ധ രാ​ജ്യ​ങ്ങ​ളി​ലെ സൈ​നി​ക​ർ ഉ​ൾ​പ്പെ​ട്ട സ​മാ​ധാ​ന സേ​ന​യു​ടെ ക​മാ​ൻ​ഡ​റാ​യും പ്ര​വ​ർ​ത്തി​ച്ചി​രു​ന്നു. വെ​ല്ലിം​ഗ്ട​ൻ ഡി​ഫ​ൻ​സ് സ​ർ​വീ​സ​സ് സ്റ്റാ​ഫ് കോ​ള​ജി​ൽ നി​ന്നു ബി​രു​ദം.

അ​മേ​രി​ക്ക​യി​ലെ ക​ൻ​സാ​സി​ലു​ള്ള ഫോ​ർ​ട്ട് ലീ​വെ​ൻ​വ​ർ​ത്തി​ലെ ജ​ന​റ​ൽ സ്റ്റാ​ഫ് കോ​ള​ജി​ൽനി​ന്ന് ഉ​ന്ന​ത ക​മാ​ൻ​ഡ് കോ​ഴ്സ് പാ​സാ​യി. പ്ര​തി​രോ​ധ പ​ഠ​ന​ത്തി​ൽ എം​ഫി​ൽ നേ​ടു​ക​യും ചെ​യ്തു. മ​ദ്രാ​സ് സ​ർ​വ​ക​ലാ​ശാ​ല​യി​ൽനി​ന്നു 2011ൽ ​മാ​നേ​ജ്മെ​ന്‍റ്, കം​പ്യൂ​ട്ട​ർ സ​യ​ൻ​സ് ഡി​പ്ലോ​മ​ക​ളും നേ​ടി.

ഉ​ത്ത​രാ​ഖ​ണ്ഡി​ലെ പോ​രി​യി​ൽ സൈ​നി​ക പാ​ര​ന്പ​ര്യ​മു​ള്ള ഗ​ഡ്വാ​ളി കു​ടും​ബ​ത്തി​ലാ​ണ് 1958 മാ​ർ​ച്ച് 16ന് ​റാ​വ​ത്തി​ന്‍റെ ജ​ന​നം. ക​ര​സേ​ന​യി​ൽ ല​ഫ്. ജ​ന​റ​ലാ​യി വി​ര​മി​ച്ച ല​ക്ഷ്മ​ണ്‍ സിം​ഗാ​ണു പി​താ​വ്. എം​എ​ൽ​എ ആ​യി​രു​ന്ന കി​ഷ​ൻ സിം​ഗ് പ​ർ​മാ​റി​ന്‍റെ മ​ക​ളാ​ണ് അ​മ്മ. ഡെ​റാ​ഡൂ​ണി​ലെ കേ​ന്പ്രി​യ​ൻ, ഷിം​ല​യി​ലെ സെ​ന്‍റ് എ​ഡ്വേ​ർ​ഡ്സ് എ​ന്നീ സ്കൂ​ളു​ക​ളി​ലെ പ​ഠ​നശേ​ഷം ഖ​ൻ​ഡ​ക്വ​സാ​ല നാ​ഷ​ണ​ൽ ഡി​ഫ​ൻ​സ് അ​ക്കാ​ഡ​മി​യി​ലും തു​ട​ർ​ന്ന് ഡെ​റാ​ഡൂ​ണി​ലെ ഇ​ന്ത്യ​ൻ മി​ലി​റ്റ​റി അ​ക്കാ​ഡ​മി​യി​ലും ചേ​ർ​ന്നു. ഇ​വി​ടെ സ്വോ​ർ​ഡ് ഓ​ഫ് ഓ​ണ​ർ നേ​ടി.

നി​ല​പാ​ടു​ക​ളി​ലു​റ​ച്ച കാ​ർ​ക്ക​ശ്യം

വി​വാ​ദ പ്ര​സ്താ​വ​ന​ക​ളു​ടെ ആ​ചാ​ര്യ​നാ​ണു ജ​ന​റ​ൽ റാ​വ​ത്ത്. ക​ഴി​ഞ്ഞ സെ​പ്റ്റം​ബ​ർ 15ന് ​റാ​വ​ത്ത് ചൈ​ന​യെ​ക്കു​റി​ച്ചു ന​ട​ത്തി​യ വി​വാ​ദ പ​രാ​മ​ർ​ശം പി​ന്നീ​ട് കേ​ന്ദ്ര വി​ദേ​ശ​കാ​ര്യ​മ​ന്ത്രി ഡോ. ​എ​സ്. ജ​യ​ശ​ങ്ക​ർ ത​ള്ളേ​ണ്ടി വ​ന്നു.

ഇ​റാ​ൻ, തു​ർ​ക്കി തു​ട​ങ്ങി​യ രാ​ജ്യ​ങ്ങ​ളു​മാ​യു​ള്ള ചൈ​ന​യു​ടെ ബ​ന്ധം വ​ള​രു​ന്ന​തി​ന്‍റെ പ​ശ്ചാ​ത്ത​ല​ത്തി​ൽ പ​ശ്ചാ​ത്യ സം​സ്കാ​ര​ങ്ങ​ളു​മാ​യി ത​ട്ടി​ച്ചു നോ​ക്കി​യാ​ൽ "ര​ണ്ടു സം​സ്കാ​ര​ങ്ങ​ളു​ടെ ഏ​റ്റു​മു​ട്ട​ൽ’ ആ​യി കാ​ണാ​മെ​ന്ന പ​രാ​മ​ർ​ശ​മാ​ണ് വി​വാ​ദ​മാ​യ​ത്. ഇ​ന്ത്യ​യു​ടെ അ​ഭി​പ്രാ​യം അ​ല്ലി​തെ​ന്നു പി​റ്റേ​ന്നുത​ന്നെ ചൈ​നീ​സ് വി​ദേ​ശ​കാ​ര്യ മ​ന്ത്രി​യെ വി​ളി​ച്ച് ഇ​ന്ത്യ​ൻ വി​ദേ​ശ​കാ​ര്യ​മ​ന്ത്രി അ​റി​യി​ച്ചു.

പാ​ക്കി​സ്ഥാ​നി​ൽ നി​ന്നു​ള്ള ഭീ​ക​രാ​ക്ര​മ​ണ​ങ്ങ​ളെ ത​ക​ർ​ക്കാ​ൻ ആ​വ​ശ്യ​മെ​ങ്കി​ൽ യു​ദ്ധ​മോ മ​റ്റൊ​രു മി​ന്ന​ലാ​ക്ര​മ​ണ​മോ വേ​ണ​മെ​ന്ന നി​ല​പാ​ട് അ​ദ്ദേ​ഹം മ​റ​ച്ചു​വ​ച്ചി​രു​ന്നി​ല്ല.

പാ​ക്കി​സ്ഥാ​നെ​തി​രേ​യും ഭീ​ക​ര​ത​യ്ക്കെ​തി​രേ​യും പ്ര​ത്യേ​ക​മാ​യൊ​രു കാ​ർ​ക്ക​ശ്യം റാ​വ​ത്തി​ൽ കാ​ണാ​നാ​യി​രു​ന്നു. പ്ര​ധാ​ന​മ​ന്ത്രി മോ​ദി​യു​ടെ രാ​ഷ്‌ട്രീയ താ​ത്പ​ര്യംകൂ​ടി ക​ണ​ക്കി​ലെ​ടു​ത്താ​ണ് റാ​വ​ത്ത് പാ​ക്കി​സ്ഥാ​നെ​തി​രേ പ​ല​പ്പോ​ഴും തു​റ​ന്ന​ടി​ച്ചി​രു​ന്ന​തെ​ന്നു സം​ശ​യി​ച്ച​വ​രെ കു​റ്റ​പ്പെ​ടു​ത്താ​നാ​കി​ല്ല.

ഇ​ന്ത്യ​യു​ടെ തീ​രാ​ന​ഷ്ടം

ഭീ​ക​ര​വാ​ദ​ത്തി​ന്‍റെ വേ​രു​ക​ൾ അ​റു​ത്തു​മാ​റ്റു​ന്ന​തു വ​രെ യു​ദ്ധം തു​ട​രു​മെ​ന്ന് ബി​പി​ൻ റാ​വ​ത്ത് മു​ന്പൊ​രി​ക്ക​ൽ ത​മി​ഴ്നാ​ട്ടി​ലെ ത​ഞ്ചാ​വൂ​രി​ൽ പ​റ​ഞ്ഞു. തീ​വ്ര​വാ​ദി​ക​ൾ​ക്കു ധ​ന​സ​ഹാ​യ​വും പി​ന്തു​ണ​യും ന​ൽ​കു​ന്ന രാ​ജ്യ​ങ്ങ​ൾ ഉ​ള്ളി​ട​ത്തോ​ളം കാ​ലം തീ​വ്ര​വാ​ദം നി​ല​നി​ൽ​ക്കും.

നി​ഴ​ൽ​യു​ദ്ധ​ത്തി​നാ​യി അ​വ​ർ തീ​വ്ര​വാ​ദി​ക​ളെ ഉ​പ​യോ​ഗി​ക്കും. ആ​യു​ധ​ങ്ങ​ളും പ​ണ​വും ന​ൽ​കും. പാ​ക്കി​സ്ഥാ​ന്‍റെ മ​ണ്ണി​ൽ തീ​വ്ര​വാ​ദം വ​ള​രു​ന്ന​താ​ണു ഇ​ന്ത്യ​യു​ടെ പ്ര​ധാ​ന ഭീ​ഷ​ണി​യെ​ന്ന​താ​യി​രു​ന്നു റാ​വ​ത്തി​ന്‍റെ നി​ല​പാ​ട്.

ചൈ​ന​യും പാ​ക്കി​സ്ഥാ​നും ആ​ശ്വ​സി​ക്കു​ന്പോ​ഴും ജ​ന​റ​ൽ റാ​വ​ത്തി​ന്‍റെ വേ​ർ​പാ​ട് ഇ​ന്ത്യക്ക് തീ​രാ​ന​ഷ്ട​മാ​കും. ഏ​തു പ്ര​തി​കൂ​ല സാ​ഹ​ച​ര്യ​ത്തി​ലും എ​ത്ര വ​ന്പ​ൻ ശ​ത്രു​ക്ക​ളി​ൽ നി​ന്നും രാ​ജ്യ​ത്തെ​യും ജ​ന​ത​യെ​യും സം​ര​ക്ഷി​ക്കാ​ൻ ജ​ന​റ​ൽ റാ​വ​ത്തി​ന്‍റെ ചോ​രാ​ത്ത പോ​രാ​ട്ട​വീ​ര്യ​വും ധീ​ര​ത​യും വ​ഴി​കാ​ട്ടി​യാ​കു​മെ​ന്ന​തി​ൽ സം​ശ​യ​മി​ല്ല. സം​യു​ക്ത സൈ​നി​ക ത​ല​വ​ന്‍റെ ഓ​ർ​മ​ക​ൾ രാ​ജ്യ​ത്തെ പ്ര​തി​രോ​ധ സേ​ന​ക​ൾ​ക്കാ​കെ ആ​വേ​ശ​വും ക​രു​ത്തു​മാ​ക​ട്ടെ. ജ​ന​റ​ലി​ന് രാ​ജ്യ​ത്തി​ന്‍റെ സ​ല്യൂ​ട്ട്.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.