National News
മുല്ലപ്പെരിയാർ: പാർലമെന്‍റിൽ എംപിമാരുടെ ധർണയും പ്രതിഷേധവും
മുല്ലപ്പെരിയാർ: പാർലമെന്‍റിൽ എംപിമാരുടെ ധർണയും പ്രതിഷേധവും
Wednesday, December 8, 2021 1:10 AM IST
ന്യൂ​ഡ​ൽ​ഹി: മു​ല്ല​പ്പെ​രി​യാ​ർ വി​ഷ​യ​ത്തി​ൽ കേ​ര​ള​ത്തി​ന്‍റെ താ​ത്പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​നു പ്ര​ധാ​ന​മ​ന്ത്രി​യു​ടെ അ​ടി​യ​ന്ത​ര ഇ​ട​പെ​ട​ൽ ആ​വ​ശ്യ​പ്പെ​ട്ടു പാ​ർ​ല​മെ​ന്‍റി​ന​ക​ത്തും പു​റ​ത്തും കേ​ര​ള എം​പി​മാ​രു​ടെ ധ​ർ​ണ​യും പ്ര​ക​ട​ന​വും പ്ര​തി​ഷേ​ധ​വും.

രാ​വി​ലെ പാ​ർ​ല​മെ​ന്‍റ് ന​ട​പ​ടി ആ​രം​ഭി​ക്കു​ന്ന​തി​നു മു​ന്പേ കേ​ര​ള കോ​ണ്‍ഗ്ര​സ്- എം ​എം​പി​മാ​രാ​യ ജോ​സ് കെ. ​മാ​ണി​യും തോ​മ​സ് ചാ​ഴി​കാ​ട​നും പാ​ർ​ല​മെ​ന്‍റി​ന്‍റെ പ്ര​ധാ​ന ക​വാ​ട​ത്തി​ൽ ധ​ർ​ണ ന​ട​ത്തി. ഈസ​മ​യം കോ​ണ്‍ഗ്ര​സ് എം​പി​മാ​ർ ഇ​തേ വി​ഷ​യ​ത്തി​ൽ പി​ന്തു​ണ​യു​മാ​യി പാ​ർ​ല​മെ​ന്‍റി​നു മു​ന്നി​ൽ മാ​ർ​ച്ച് ന​ട​ത്തി.

തു​ട​ർ​ന്ന് ലോ​ക്സ​ഭ​യി​ൽ എം​പി​മാ​രാ​യ തോ​മ​സ് ചാ​ഴി​കാ​ട​ൻ, ആ​ന്‍റോ ആ​ന്‍റ​ണി, ഡീ​ൻ കു​ര്യാ​ക്കോ​സ് എ​ന്നി​വ​ർ മു​ല്ല​പ്പെ​രി​യാ​ർ വി​ഷ​യ​ത്തി​ൽ കേ​ന്ദ്രം അ​ടി​യ​ന്ത​ര​മാ​യി ഇ​ട​പെ​ട്ടു കേ​ര​ള ജ​ന​ത​യു​ടെ സു​ര​ക്ഷി​ത​ത്വം ഉ​റ​പ്പാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് സ​ബ്മി​ഷ​നു​ക​ൾ അ​വ​ത​രി​പ്പി​ച്ചു.

മു​ന്ന​റി​യി​പ്പി​ല്ലാ​തെ അ​ർ​ധ​രാ​ത്രി​യി​ൽ മു​ല്ല​പ്പെ​രി​യാ​ർ അ​ണ​ക്കെ​ട്ടി​ലെ വെ​ള്ളം തു​റ​ന്നു വി​ടു​ന്ന​ത് ഒ​ഴി​വാ​ക്ക​ണ​മെ​ന്നു നി​ര​വ​ധി ത​വ​ണ ത​മി​ഴ്നാ​ടി​നോ​ട് ആ​വ​ശ്യ​പ്പെ​ട്ടി​ട്ടും ചെ​വി​ക്കൊ​ള്ളാ​ത്ത​തു തീ​ർ​ത്തും നി​ർ​ഭാ​ഗ്യ​ക​ര​മാ​ണെ​ന്നു പാ​ർ​ല​മെ​ന്‍റി​നു മു​ന്നി​ലെ ധ​ർ​ണ​യ്ക്കു മു​ന്പ് കേ​ര​ള കോ​ണ്‍ഗ്ര​സ്-​എം ചെ​യ​ർ​മാ​ൻ ജോ​സ് കെ. ​മാ​ണി പ​റ​ഞ്ഞു.


ഒ​രു വ​ശ​ത്ത് ജ​ല​ബോം​ബും മ​റു​വ​ശ​ത്ത് പ്ര​ള​യ​ഭീ​തി​യു​മാ​ണു കേ​ര​ള​ത്തി​ലെ ജ​ന​ങ്ങ​ൾ​ക്ക്. അ​ന്ത​ർ​സം​സ്ഥാ​ന വി​ഷ​യ​മെ​ന്ന നി​ല​യി​ൽ ഇ​ക്കാ​ര്യ​ത്തി​ൽ പ്ര​ധാ​ന​മ​ന്ത്രി​യും കേ​ന്ദ്ര​സ​ർ​ക്കാ​രും അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന് അ​ദ്ദേ​ഹം ആ​വ​ശ്യ​പ്പെ​ട്ടു.

മു​ല്ല​പ്പെ​രി​യാ​ർ വി​ഷ​യം കേ​ര​ള​ത്തി​ന്‍റെ മ​നു​ഷ്യാ​വ​കാ​ശ പ്ര​ശ്ന​മാ​യി മാ​റി​യി​ട്ടും കേ​ന്ദ്രസ​ർ​ക്കാ​ർ മൗ​നം പു​ല​ർ​ത്തു​ന്ന​തു കേ​ര​ള ജ​ന​ത​യോ​ടു​ള​ള വി​വേ​ച​ന​മാ​ണെ​ന്ന് ജോ​സ് കെ. ​മാ​ണി പ​റ​ഞ്ഞു. ഇ​ക്കാ​ര്യ​ത്തി​ൽ കേ​ര​ള സ​ർ​ക്കാ​രി​ന്‍റെ നി​ര​ന്ത​ര സ​മ്മ​ർ​ദങ്ങ​ൾ ത​മി​ഴ്നാ​ട് ക​ണ്ടി​ല്ലെ​ന്നു ന​ടി​ക്കു​ക​യാ​ണെ​ന്നും പ്ര​ധാ​ന​മ​ന്ത്രി​യെ നേ​രി​ൽ കാ​ണാ​ൻ ശ്ര​മി​ക്കു​ക​യാ​ണെ​ന്നും ജോ​സ് കെ. ​മാ​ണി​യും തോ​മ​സ് ചാ​ഴി​കാ​ട​നും പ​റ​ഞ്ഞു.

മു​ല്ല​പ്പെ​രി​യാ​ർ ഭീ​ഷ​ണി​യി​ൽ നി​ന്നു കേ​ര​ള​ത്തെ ര​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ട് കോ​ണ്‍ഗ്ര​സ് എം​പി​മാ​രാ​യ കൊ​ടി​ക്കു​ന്നി​ൽ സു​രേ​ഷ്, ശശി തരൂർ, ബെ​ന്നി ബ​ഹ​നാ​ൻ, ആ​ന്‍റോ ആ​ന്‍റ​ണി, ഡീ​ൻ കു​ര്യാ​ക്കോ​സ്, രാ​ജ്മോ​ഹ​ൻ ഉ​ണ്ണി​ത്താ​ൻ, ഹൈ​ബി ഈ​ഡ​ൻ എ​ന്നി​വ​രാ​ണ് മാ​ർ​ച്ചു ന​ട​ത്തി​യ​ത്.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.