ര​ണ്ടാം ഘ​ട്ട​ത്തി​ൽ രാ​ജ​സ്ഥാ​നി​ൽ 64.6% പോ​ളിം​ഗ്
Saturday, April 27, 2024 4:38 AM IST
ജ​യ്പൂ​ർ: ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ ര​ണ്ടാം ഘ​ട്ട​ത്തി​ൽ രാ​ജ​സ്ഥാ​നി​ൽ 64.6% വോ​ട്ടിം​ഗ് രേ​ഖ​പ്പെ​ടു​ത്തി. വെ​ള്ളി​യാ​ഴ്ച രാ​ജ​സ്ഥാ​നി​ലെ 13 ലോ​ക്‌​സ​ഭാ സീ​റ്റു​ക​ളി​ലേ​ക്കാ​ണ് തെ​ര​ഞ്ഞെ​ടു​പ്പ് ന​ട​ന്ന​ത്. സം​സ്ഥാ​ന​ത്തെ മ​റ്റ് 12 ലോ​ക്‌​സ​ഭാ സീ​റ്റു​ക​ളി​ലേ​ക്കു​ള്ള തെ​ര​ഞ്ഞെ​ടു​പ്പ് ഏ​പ്രി​ൽ 19ന് ​ആ​ദ്യ​ഘ​ട്ട​ത്തി​ൽ ന​ട​ന്നി​രു​ന്നു.

പ​ല പോ​ളിം​ഗ് ബൂ​ത്തു​ക​ളി​ലും തെ​ര​ഞ്ഞെ​ടു​പ്പ് സ​മ​യം ക​ഴി​ഞ്ഞും നീ​ണ്ട നി​ര അ​നു​ഭ​വ​പ്പെ​ട്ട​ന്നും കൃ​ത്യ​മാ​യ ക​ണ​ക്ക് ഉ​ട​ൻ പു​റ​ത്തു​വി​ടു​മെ​ന്ന് രാ​ജ​സ്ഥാ​ൻ ചീ​ഫ് ഇ​ല​ക്ട​റ​ൽ ഓ​ഫീ​സ​ർ പ്ര​വീ​ൺ ഗു​പ്ത പ​റ​ഞ്ഞു. 2019ൽ ​ഈ പ​തി​മൂ​ന്നു സീ​റ്റു​ക​ളി​ൽ 68.42 ശ​ത​മാ​നം പോ​ളിം​ഗാ​ണ് രേ​ഖ​പ്പെ​ടു​ത്തി​യ​ത്.

ബാ​ർ​മ​ർ ലോ​ക്‌​സ​ഭാ മ​ണ്ഡ​ല​ത്തി​ലാ​ണ് ഏ​റ്റ​വും കൂ​ടു​ത​ൽ പോ​ളിം​ഗ് (74.25 %) രേ​ഖ​പ്പെ​ടു​ത്തി​യ​ത്. ടോ​ങ്ക് സ​വാ​യ്, മ​ധോ​പൂ​ർ സീ​റ്റു​ക​ളി​ലാ​ണ് (56.55 %) ഏ​റ്റ​വും കു​റ​ഞ്ഞ പോ​ളിം​ഗ് രേ​ഖ​പ്പെ​ടു​ത്തി​യ​തെ​ന്ന് മു​ഖ്യ തെ​ര​ഞ്ഞെ​ടു​പ്പ് ഓ​ഫീ​സ​ർ അ​റി​യി​ച്ചു.

വെ​ള്ളി​യാ​ഴ്ച​ത്തെ വോ​ട്ടെ​ടു​പ്പോ​ടെ സം​സ്ഥാ​ന​ത്തെ 25 ലോ​ക്സ​ഭാ സീ​റ്റു​ക​ളി​ലേ​ക്കു​മു​ള്ള തെ​ര​ഞ്ഞെ​ടു​പ്പ് അ​വ​സാ​നി​ച്ചു. ബ​ൻ​സ്വാ​ര​യി​ലെ ബാ​ഗി​ദോ​ര നി​യ​മ​സ​ഭാ സീ​റ്റി​ലേ​ക്ക് ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ 77% പോ​ളിം​ഗ് രേ​ഖ​പ്പെ​ടു​ത്തി.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക





Copyright @ 2022 , Rashtra Deepika Ltd.