ഒന്നും രണ്ടും സെമസ്റ്റർ എംഎ സോഷ്യോളജി, പൊളിറ്റിക്സ്, മലയാളം ഫലം പ്രസിദ്ധീകരിച്ചു
2018 ഏപ്രിലിൽ നടന്ന ഒന്നും രണ്ടും സെമസ്റ്റർ എംഎ സോഷ്യോളജി, പൊളിറ്റിക്സ്, മലയാളം (പ്രൈവറ്റ്) റെഗുലർ, സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 25 വരെ അപേക്ഷിക്കാം. 2018 ഏപ്രിലിൽ നടന്ന ഒന്നും രണ്ടും സെമസ്റ്റർ എംഎ ഇസ്ലാമിക് ഹിസ്റ്ററി റെഗുലർ/സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 25 വരെ അപേക്ഷിക്കാം.
പരീക്ഷ തീയതി
അഫിലിയേറ്റഡ് കോളജുകളിലെ പരാജയപ്പെട്ട വിദ്യാർഥികൾക്കായുള്ള അഞ്ചാം സെമസ്റ്റർ സിബിസിഎസ്എസ് യുജി (2013, 2014, 2015, 2016 അഡ്മിഷൻ) പരീക്ഷകൾ മേയ് 15ന് ആരംഭിക്കും.
പ്രാക്ടിക്കൽ
2019 മാർച്ചിൽ നടന്ന ആറാം സെമസ്റ്റർ ബിഎ മ്യൂസിക് വോക്കൽ സിബിസിഎസ്എസ് (2016 അഡ്മിഷൻ റെഗുലർ/20132015 അഡ്മിഷൻ റീഅപ്പിയറൻസ്) പരീക്ഷയുടെ പ്രാക്ടിക്കൽ 24 മുതൽ മേയ് ഒന്പതുവരെ തൃപ്പൂണിത്തുറ ആർഎൽവി കോളജിൽ നടക്കും.
എംബിഎ സൂക്ഷ്മപരിശോധന
2018 ഏപ്രിൽ/മേയ് മാസങ്ങളിൽ നടന്ന ഒന്നു മുതൽ നാലു വരെ സെമസ്റ്റർ എംബിഎ ഓഫ് കാന്പസ് (സപ്ലിമെന്ററി/മേഴ്സി ചാൻസ്) പരീക്ഷയുടെ വിവിധ വിഷയങ്ങളുടെ സൂക്ഷ്മപരിശോധനയ്ക്ക് അപേക്ഷിച്ച വിദ്യാർഥികൾ 25, 26 തീയതികളിൽ സിൽവർ ജൂബിലി പരീക്ഷ ഭവനിലെ സെക്ഷനിൽ (226ാം നന്പർ മുറി) അസൽ ഹാൾടിക്കറ്റ്/തിരിച്ചറിയൽ രേഖകളുമായി നേരിട്ട് ഹാജരാകണം.
അന്തിമ സ്ഥാനപട്ടിക
2015 ജൂണിൽ നടന്ന നാലാം സെമസ്റ്റർ എംഎ ഇക്കണോമിക്സ് (പ്രൈവറ്റ്) പരീക്ഷയുടെ അന്തിമ സ്ഥാനപട്ടിക പ്രസിദ്ധീകരിച്ചു. എറണാകുളം സെന്റ് തെരേസാസ് കോളജിലെ നൈസി കെ. കബീർ, ആലുവ യുസി കോളജിലെ വി.എ. നസിയ, എറണാകുളം മഹാരാജാസ് കോളജിലെ കെ.സി. സന്ധ്യ എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി.
പരീക്ഷാ പരിശീലനം
കേരള പബ്ലിക് സർവീസ് കമ്മീഷൻ നടത്തുന്ന യൂണിവേഴ്സിറ്റി അസിസ്റ്റന്റ് പരീക്ഷയ്ക്കുള്ള പരിശീലനം സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കും. ഫോണ്: 04812731025, 7559940413.