സ്പോർട്സ് ഗ്രേസ് മാർക്ക്
2023 24 അധ്യയന വർഷത്തെ സ്പോർട്സ് ഗ്രേസ് മാർക്കിന് അർഹരായ ബിരുദ/ ബിരുദാനന്തര ബിരുദ/ പ്രൊഫഷനൽ കോഴ്സ് വിദ്യാർഥികളുടെ വിശദാംശങ്ങൾ ക്ഷണിക്കുന്നു. പ്രിൻസിപ്പൽ സാക്ഷ്യപ്പെടുത്തിയ നിശ്ചിത പ്രോഫോർമയിൽ തയാറാക്കിയ വിവരങ്ങൾ ഗ്രേസ് മാർക്കിന് അർഹരായ കുട്ടികളുടെ ഹാൾടിക്കറ്റിന്‍റെ പകർപ്പ്, സംസ്ഥാന/ ദേശീയ മത്സരങ്ങളിൽ പങ്കെടുത്ത കുട്ടികളുടെ മെറിറ്റ് സർട്ടിഫിക്കറ്റിന്‍റെ പ്രിൻസിപ്പൽ സാക്ഷ്യപ്പെടുത്തിയ പകർപ്പ് എന്നിവ സഹിതം ഡയറക്ടറേറ്റ് ഓഫ് ഫിസിക്കൽ എഡ്യുക്കേഷൻ, കണ്ണൂർ സർവകലാശാല കാമ്പസ് പി ഒ, മാങ്ങാട്ടുപറമ്പ്, കണ്ണൂർ 670567 എന്ന വിലാസത്തിൽ മാർച്ച് 31ന് വൈകുന്നേരം അഞ്ചിനു മുന്പ് ലഭിക്കണം. വിശദവിവരങ്ങൾ വെബ്സൈറ്റിൽ.
അപേക്ഷാ തീയതി നീട്ടി
202324 അക്കാഡമിക് വർഷത്തെ പ്രൈവറ്റ് രജിസ്ട്രേഷൻ എംഎ ഹിസ്റ്ററി പ്രോഗ്രാമിന് ഇന്നു മുതൽ ഏഴു വരെ അപേക്ഷിക്കാം. അപേക്ഷയുടെ പ്രിന്‍റൗട്ടും അനുബന്ധ രേഖകളും 13ന് വൈകുന്നേരം നാലിനകം സർവകലാശാലയിൽ ലഭിക്കണം.
പ്രായോഗിക, പ്രോജക്ട് പരീക്ഷകൾ
ആറാം സെമസ്റ്റർ ബിഎംഎംസി (റഗുലർ/ സപ്ലിമെന്‍ററി) ഏപ്രിൽ 2024, പ്രായോഗിക, പ്രോജക്ട്, വൈവ പരീക്ഷകൾ നാല്, അഞ്ച് എന്നീ തീയതികളിലും ബി എസ് സി ലൈഫ് സയൻസസ് (സുവോളജി) ആൻഡ് കംപ്യൂട്ടേഷണൽ ബയോളജിഡിഗ്രിയുടെ കംപ്യൂട്ടേഷണൽ ബയോളജി കോഴ്സിന്‍റ് പ്രായോഗിക, പ്രോജക്ട് പരീക്ഷകൾമാർച്ച് 18, 19 എന്നീ തീയതികളിലും അതതു കോളജുകളിൽ നടക്കും. ടൈംടേബിൾ വെബ്സൈറ്റിൽ ലഭ്യമാണ്. രജിസ്റ്റർ ചെയ്ത വിദ്യാർഥികൾ കോളേജുമായി ബന്ധപ്പെടണം.
ഹാൾ ടിക്കറ്റ്
അഫിലിയേറ്റഡ് കോളജുകളിൽ 2023 അധ്യയന വർഷം പുതുതായി ആരംഭിച്ച ബിരുദ പ്രോഗ്രാമുകളുടെ ഒന്നാം സെമസ്റ്റർ (നവംബർ 2023 ) പരീക്ഷകൾ മാർച്ച് അഞ്ചിന് ആരംഭിക്കും .പ്രസ്തുത പരീക്ഷകളുടെ ഹാൾടിക്കറ്റും നോമിനൽ റോളും വെബ്സൈറ്റിൽ ലഭ്യമാണ്.
പുതുക്കിയ ടൈം ടേബിൾ
2014 മുതൽ 2019 വരെയുള്ള വർഷങ്ങളിൽ അഫിലിയേറ്റഡ് കോളജുകളിൽ പ്രവേശനം നേടിയ ബിരുദാനന്തര ബിരുദ വിദ്യാർഥികൾക്കുള്ള മൂന്നാം സെമസ്റ്റർ ബിരുദാനന്തര ബിരുദ മേഴ്‌സി ചാൻസ് (ഒക്ടോബർ 2023 )പരീക്ഷകളുടെ പുതുക്കിയ ടൈം ടേബിൾ വെബ്സൈറ്റിൽ പ്രസിദ്ധീകരിച്ചു.
പരീക്ഷാഫലം
അഫിലിയേറ്റഡ് കോളജുകളിലെ മൂന്നാം സെമസ്റ്റർ എംഎസ് സി കൗൺസിലിംഗ് സൈക്കോളജി (റഗുലർ, സപ്ലിമെന്‍ററി, ഇംപ്രൂവ്മെന്‍റ് ) ഒക്ടോബർ 2023 പരീക്ഷകളുടെ ഫലം സർവകലാശാല വെബ് സൈറ്റിൽ ലഭ്യമാണ്. ഉത്തരക്കടലാസുകളുടെ പുനർമൂല്യ നിർണയം, സൂക്ഷ്മപരിശോധന, പകർപ്പ് ലഭ്യമാക്കൽ എന്നിവയ്ക്കുള്ള അപേക്ഷ 12ന് വൈകുന്നേരം അഞ്ചു വരെ സ്വീകരിക്കും.
ഹാർഡ് വെയർ ടെക്നീഷ്യൻ താത്കാലിക നിയമനം
കണ്ണൂർ: കണ്ണൂർ സർവകലാശാല ഐ ടി ഡയറക്ടറേറ്റിലേക്ക് പരമാവധി 89 ദിവസത്തേക്ക് താത്കാലിക കരാർ അടിസ്ഥാനത്തിൽ ഹാർഡ് വെയർ ടെക്നീഷ്യൻ തസ്തികയിലുള്ള ഒരു ഒഴിവിലേക്ക് നിയമനം നടത്തുന്നു. വാക്ഇൻ ഇന്‍റർവ്യു നാലിന് രാവിലെ 11. 30 ന് സർവകലാശാല ആസ്ഥാനത്ത് നടക്കും. യോഗ്യതയും പ്രായപരിധിയും സംബന്ധിച്ച വിവരങ്ങൾ വെബ്സൈറ്റിൽ ലഭ്യമാണ്. ബന്ധപ്പെട്ട യോഗ്യതയുള്ളവർ അസ്സൽ സർട്ടിഫിക്കറ്റുകളുമായി സർവകലാശാല ആസ്ഥാനത്തെ ഐടി ഡയറക്ടറേറ്റിൽ എത്തണം.