പരീക്ഷ പുനഃക്രമീകരിച്ചു
കണ്ണൂർ സർവകലാശാലയുടെ ഈമാസം ഒന്പതിന് നടത്താൻ നിശ്ചയിച്ച ഒന്നും രണ്ടും സെമസ്റ്റർ ബിടെക് (ജനുവരി 2021 സെഷൻ), മൂന്നാം സെമസ്റ്റർ ബിരുദാനന്തരബിരുദ (ന്യൂജനറേഷൻ ഒക്ടോബർ 2021 സെഷൻ) പരീക്ഷകൾ പത്തിലേക്കും നാലാം സെമസ്റ്റർ എംബിഎ (ഏപ്രിൽ 2022 സെഷൻ) പരീക്ഷ 11 ലേക്കും മാറ്റി നിശ്ചയിച്ചു.
പരീക്ഷാകേന്ദ്രം മാറ്റി
തൃക്കരിപ്പൂർ ആർട്സ് ആൻഡ് സയൻസ് കോളജ് നിലവിൽ പരീക്ഷാ കേന്ദ്രമല്ലാത്തതിനാൽ നാലാം സെമസ്റ്റർ ബിരുദ (സപ്ലിമെന്ററി) പരീക്ഷയ്ക്ക് പ്രസ്തുത സെന്റർ തെരഞ്ഞെടുത്ത വിദ്യാർഥികൾ വിളയാങ്കോട് വിറാസ് കോളജിൽ പരീക്ഷയ്ക്ക് ഹാജരാകണം.
പ്രൈവറ്റ് രജിസ്ട്രേഷൻ ബിരുദം; അസൈൻമെന്റ്
കണ്ണൂർ സർവകലാശാല പ്രൈവറ്റ് രജിസ്ട്രേഷൻ ബിരുദം, രണ്ടാം സെമസ്റ്റർ (ഏപ്രിൽ 2021 സെഷൻ) അസൈൻമെന്റ് 100 രൂപ ഫൈൻ സഹിതം 12 ന് വൈകുന്നേരം അഞ്ചു വരെ വിദൂരവിദ്യാഭ്യാസം ഡയറക്ടർക്ക് സമർപ്പിക്കാം. അവസാന തീയതിക്കുശേഷം ലഭിക്കുന്ന അസൈൻമെന്റകൾ സ്വീകരിക്കുന്നതല്ല.
പരീക്ഷാഫലം
അഫിലിയേറ്റഡ് കോളജുകളിലെ അഞ്ചാം സെമസ്റ്റർ ബിഎസ്സി/ ബിസിഎ (സിബിസിഎസ്എസ്ഒബിഇ 2019 അഡ്മിഷൻസ്പെഷൽ എക്സാം), ബികോം (സ്പോർട്സ് സ്പെഷൽ എക്സാം) നവംബർ 2021 പരീക്ഷഫലങ്ങൾ സർവകലാശാലാ വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഫോട്ടോകോപ്പി എന്നിവയ്ക്ക് ഓൺലൈനായി 22 ന് വൈകുന്നേരം അഞ്ചുവരെ അപേക്ഷിക്കാം.
എംസിഎസ്പോട്ട് അഡ്മിഷൻ
പാലയാട് ഡോ. ജാനകി അമ്മാൾ കാമ്പസിലെ ഐടി സെന്ററിലെ എംസിഎ പ്രോഗ്രാമിന് ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ വഴി പ്രവേശനം നടത്തുന്നു. യോഗ്യരായ വിദ്യാർഥികൾക്ക് പത്തിന് രാവിലെ 10.30 ന് മാങ്ങാട്ടുപറമ്പ് കാമ്പസിലെ ഇൻഫർമേഷൻ ടെക്നോളജി വകുപ്പിൽ ആവശ്യമായ അസൽ രേഖകളോടെ സ്പോട്ട് അഡ്മിഷനിൽ പങ്കെടുക്കാം. ഫോൺ: 0497 2784535, 9243037002.
എംസിഎഎൻആർഐ അഡ്മിഷൻ
മാങ്ങാട്ടുപറമ്പ് കാമ്പസിലെ ഇൻഫർമേഷൻ ടെക്നോളജി പഠനവകുപ്പിലെ എംസിഎ പ്രോഗ്രാമിന് എൻആർഐ സീറ്റിലേക്ക് പ്രവേശനം ലഭിക്കാൻ ആഗ്രഹിക്കുന്നവർ അപേക്ഷ 12ന് വൈകുന്നേരം അഞ്ചിന് മുന്പായി മാങ്ങാട്ടുപറമ്പ് ഇൻഫർമേഷൻ ടെക്നോളജി പഠനവകുപ്പിൽ സമർപ്പിക്കേണ്ടതാണ്. ഫോൺ: 0497 2784535, 9243037002.
ഗ്രേഡ് കാർഡ് വിതരണം
മുഹറം പ്രമാണിച്ചുള്ള പൊതുഅവധി ഒന്പതിലേക്കു മാറ്റിയതിനാൽ കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിന്റെ കീഴിൽ തലശേരി ഗവ. ബ്രണ്ണൻ കോളജ്, കണ്ണൂർ എസ്എൻ കോളജ്, കണ്ണൂർ കെഎംഎം ഗവ. വിമൻസ് കോളജ് എന്നീ പരീക്ഷാകേന്ദ്രങ്ങൾ തെരഞ്ഞെടുത്ത് മൂന്നാം വർഷ ബിഎ ഇംഗ്ലീഷ്, ബിഎ അഫ്സൽഉൽഉലമ മാർച്ച് 2022 പരീക്ഷയെഴുതിയ വിദ്യാർഥികളുടെ ഗ്രേഡ് കാർഡ് വിതരണം (2017, 2018 അഡ്മിഷൻ വിദ്യാർഥികളുടേത് ഒഴികെ) എട്ടിലേക്ക് മാറ്റി. സർവകലാശാല താവക്കര കാന്പസിൽ രാവിലെ10.30 മുതൽ ഉച്ചകഴിഞ്ഞ് മൂന്നു വരെ ഗ്രേഡ് കാർഡ് വിതരണം ചെയ്യും. വിദ്യാർഥികൾ നിർബന്ധമായും ഹാൾ ടിക്കറ്റ്/സർവകലാശാല നൽകിയ തിരിച്ചറിയൽ രേഖ എന്നിവ ഹാജരാക്കേണ്ടതും കോവിഡ് മാനദണ്ഡങ്ങൾ പാലിക്കേണ്ടതുമാണ്.
സീറ്റൊഴിവ്
പയ്യന്നൂർ സ്വാമി ആനന്ദതീർഥ കാമ്പസിലെ മ്യൂസിക് ഡിപ്പാർട്ട്മെന്റിൽ എംഎ മ്യൂസിക് പ്രോഗ്രാമിൽ എസ്സി, എസ്ടി വിഭാഗങ്ങൾക്ക് ഓരോ സീറ്റ് വീതം ഒഴിവുണ്ട്. താത്പര്യമുള്ളവർ യോഗ്യതാ സർട്ടിഫിക്കറ്റുകളുമായി എട്ടിന് രാവിലെ പത്തിന് വകുപ്പ് മേധാവി മുന്പാകെ ഹാജരാകണം ഫോൺ: 9895232334, 04972806404.
താവക്കര കാമ്പസിൽ പ്രവർത്തിക്കുന്ന ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിലെ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് പ്രോഗ്രാമിന് പട്ടികവർഗ വിഭാഗത്തിനായി സംവരണം ചെയ്ത ഒരു സീറ്റ് ഒഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് യോഗ്യത. താത്പര്യമുള്ളവർ യോഗ്യത, ജാതി എന്നിവ തെളിയിക്കുന്ന അസൽ സർട്ടിഫിക്കറ്റുകളുമായി എട്ടിന് രാവിലെ 10.30 ന് വകുപ്പ് മേധാവി മുന്പാകെ ഹാജരാകണം. ഫോൺ: 9895649188
പയ്യന്നൂർ സ്വാമി ആനന്ദതീർഥ കാമ്പസിൽ എംഎസ്സി നാനോ സയൻസ് ആൻഡ് നാനോ ടെക്നോളജി പ്രോഗ്രാമിൽ എസ്സി വിഭാഗത്തിൽ സീറ്റുകൾ ഒഴിവുണ്ട്. യോഗ്യരായവർ എട്ടിന് രാവിലെ പത്തിന് കോഓർഡിനേറ്റർ മുന്പാകെ അസൽ സർട്ടിഫിക്കറ്റുകളുമായി ഹാജരാകണം. ഫോൺ: 9847421467, 04972806402.
പാലയാട് ഡോ. ജാനകി അമ്മാൾ കാമ്പസിലെ നരവംശ ശാസ്ത്ര പഠനവകുപ്പിൽ എംഎ ആന്ത്രോപോളജി പ്രോഗാമിന് പട്ടികജാതി വിഭാഗത്തിന് രണ്ട് സീറ്റുകളും പട്ടികവർഗ വിഭാഗത്തിന് ഒരു സീറ്റും ഒഴിവുണ്ട്. താത്പര്യമുള്ളവർ അസൽ സർട്ടിഫിക്കറ്റുകൾ സഹിതം പത്തിന് രാവിലെ 10.30ന് സർവകലാശാലയുടെ പാലയാട് കാമ്പസിലെ പഠനവകുപ്പിൽ ഹാജരാകണം. ഫോൺ: 9447380663
മാങ്ങാട്ടുപറമ്പ് കാമ്പസിൽ എംഎസ് സി മാത്തമാറ്റിക്സ് പ്രോഗാമിൽ എസ്സി, എസ്ടി വിഭാഗത്തിൽ ഏതാനും സീറ്റുകൾ ഒഴിവുണ്ട്. യോഗ്യരായ വിദ്യാർഥികൾ സർട്ടിഫിക്കറ്റുകൾ സഹിതം പത്തിന് രാവിലെ 11 ന് മങ്ങാട്ടുപറമ്പ് കാമ്പസിലെ മാത്തമാറ്റിക്കൽ സയൻസ് ഡിപ്പാർട്ട്മെന്റിൽ ഹാജരാകണം. ഫോൺ :9349523003