കണ്ണൂർ സർവകലാശാലയുടെ മാങ്ങാട്ടുപറമ്പ് കാമ്പസിൽ എംഎസ്‌സി മാത്തമാറ്റിക്‌സ് പ്രോഗ്രാമിൽ എസ്‌സി/എസ്ടി വിഭാഗത്തിൽ ഏതാനും സീറ്റുകൾ ഒഴിവുണ്ട്. യോഗ്യരായ വിദ്യാർഥികൾ സർട്ടിഫിക്കറ്റുകൾ സഹിതം നാളെ രാവിലെ 11ന് ഡിപ്പാർട്ട്മെന്‍റിൽ ഹാജരാകണം. ഫോൺ :9349523003
എംഎ ഹിന്ദി സീറ്റൊഴിവ് കണ്ണൂർ സർവകലാശാല നീലേശ്വരം ഡോ.പി.കെ. രാജൻ മെമ്മോറിയൽ കാമ്പസിൽ എംഎ ഹിന്ദി പ്രോഗ്രാമിൽ എസ്‌സി വിഭാഗത്തിൽ രണ്ടു സീറ്റ് ഒഴിവുണ്ട്. താത്പര്യമുള്ളവർ അസൽ യോഗ്യതാ സർട്ടിഫിക്കറ്റുകൾ സഹിതം ഇന്നു രാവിലെ 11 ന് ഡിപ്പാർട്ട്മെന്‍റിൽ ഹാജരാകേണ്ടതാണ്. ഫോൺ :8921288025
എംഎ മ്യൂസിക് സീറ്റൊഴിവ് കണ്ണൂർ സർവകലാശാല മ്യൂസിക് ഡിപ്പാർട്ട്മെന്‍റിൽ എംഎ മ്യൂസിക് പ്രോഗ്രാമിൽ എസ്‌സി, എസ്ടി, എസ്ഇബിസി വിഭാഗങ്ങൾക്ക് ഓരോ സീറ്റ് വീതം ഒഴിവുണ്ട്. താത്പര്യമുള്ളവർ യോഗ്യതാ സർട്ടിഫിക്കറ്റുകളുമായി നാളെ രാവിലെ പത്തിന് വകുപ്പ് മേധാവി മുന്പാകെ ഹാജരാകണം ഫോൺ: 9895232334,04972806404.
എംഎസ്‌സി കെമിസ്ട്രി സീറ്റൊഴിവ് കണ്ണൂർ സർവകലാശാല പയ്യന്നൂർ സ്വാമി ആനന്ദ തീർഥ കാമ്പസിലെ എംഎസ്‌സി കെമിസ്ട്രി (മെറ്റീരിയൽ സയൻസ്) പ്രോഗ്രാമിൽ എസ്ടി വിഭാഗത്തിന് ഒരു സീറ്റ് ഒഴിവുണ്ട്. യോഗ്യരായവർ സർട്ടിഫിക്കറ്റുകളുമായി നാളെ രാവിലെ പത്തിന് എംഎസ്‌സി കെമിസ്ട്രി വകുപ്പ് തലവൻ മുന്പാകെ ഹാജരാകാവുന്നതാണ്. ഫോൺ: 04972806402, 9847421467.
എംഎസ്‌സി. ബയോടെക്നോളജി സീറ്റൊഴിവ് കണ്ണൂർ സർവകലാശാലയുടെ പാലയാട് ഡോ. ജാനകി അമ്മാൾ കാമ്പസിൽ എംഎസ്‌സി ബയോടെക്നോളജി പ്രോഗ്രാമിന് എസ്ടി വിഭാഗത്തിൽ ഒരു സീറ്റ് ഒഴിവുണ്ട്. 50 ശതമാനം മാർക്കിൽ കുറയാത്ത ബിഎസ്‌സി ബയോടെക്നോളജി/മൈക്രോബയോളജി/ബയോകെമിസ്ട്രി/കെമിസ്ട്രി/സുവോളജി/ബോട്ടണി/പ്ലാന്‍റ് സയൻസ്/ലൈഫ് സയൻസ് അല്ലെങ്കിൽ മൈക്രോ ബയോളജി/ബയോടെക്നോളജി ഒരു വിഷയമായി പഠിച്ച മറ്റ് ഏതെങ്കിലും വിഷയം യോഗ്യതയുള്ളവർ അസൽ രേഖകൾ സഹിതം ബയോടെക്നോളജി ആൻഡ് മൈക്രോബയോളജി വകുപ്പിൽ അഞ്ചിന് രാവിലെ പത്തിന് ഹാജരാകണം. ഫോൺ:8968654186.
എം ലിബ് ഐഎസ്‌സി സീറ്റൊഴിവ് കണ്ണൂർ സർവകലാശാല താവക്കര കാമ്പസിൽ പ്രവർത്തിക്കുന്ന ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിലെ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് പ്രോഗ്രാമിൽ പട്ടികവർഗ വിഭാഗത്തിനായി സംവരണം ചെയ്ത ഒരു സീറ്റ് ഒഴിവുണ്ട് . ഏതെങ്കിലും വിഷയത്തിലുള്ള ബിരുദമാണ് യോഗ്യത. അസൽ സർട്ടിഫിക്കറ്റുകളുമായി അഞ്ചിന് രാവിലെ 10.30ന് വകുപ്പ് മേധാവിക്ക് മുമ്പാകെ ഹാജരാക്കേണ്ടതാണ്. ഫോൺ: 9895649188
സീറ്റൊഴിവ് കണ്ണൂർ സർവകലാശാലയുടെ മങ്ങാട്ടുപറമ്പ് കാമ്പസിൽ എംഎസ്‌സി ക്ലിനിക്കൽ ആൻഡ് കൗൺസിലിംഗ് സൈക്കോളജി പ്രോഗ്രാമിൽ പട്ടികവർഗ വിഭാഗത്തിന് സംവരണം ചെയ്ത ഒരു ഒഴിവുണ്ട്. താത്പര്യമുള്ളവർ അസൽ സർട്ടിഫിക്കറ്റുകൾ സഹിതം നാളെ രാവിലെ 11ന് പഠനവകുപ്പിൽ നേരിട്ട് ഹാജരാകണം. ഫോൺ : 0497 2781441 .
ഒന്നാം സെമസ്റ്റർ ബിരുദാനന്തര ബിരുദ ക്ലാസുകൾ കണ്ണൂർ സർവകലാശാലയോട് അഫിലിയേറ്റ് ചെയ്ത കോളജുകളിലെയും സർവകലാശാല പഠനവകുപ്പുകളിലെയും 202223 അധ്യയനവർഷത്തിലെ ഒന്നാം സെമസ്റ്റർ ബിരുദാനന്തര ബിരുദ ക്ലാസുകൾ ഇന്ന് ആരംഭിക്കും.
അപേക്ഷാ തിയതി നീട്ടി കണ്ണൂർ സർവകലാശാലയുടെ മങ്ങാട്ടുപറമ്പ് കാമ്പസ്, നീലേശ്വരം കാമ്പസ് എന്നിവിടങ്ങളിൽ നടത്തുന്ന പിജി ഡിപ്ലോമ ഇൻ ഡാറ്റാ സയൻസസ് ആൻഡ് അനലിറ്റിക്സ് കോഴ്സിലേക്ക് 202223 വർഷത്തെ പ്രവേശനത്തിന് ഓൺലൈനായി അപേക്ഷിക്കേണ്ട അവസാന തീയതി ഈമാസം 16 വരെയായി ദീർഘിപ്പിച്ചു.
ബിഎഡ്‌ ഏകജാലക പ്രവേശനം കണ്ണൂർ സർവകലാശാലയുടെ അഫിലിയേറ്റ് കോളജുകൾ (ഗവ./എയ്ഡഡ്/സ്വാശ്രയ), ടീച്ചർ എഡ്യുക്കേഷൻ സെന്‍ററുകൾ എന്നിവിടങ്ങളിലെ 202223 അധ്യയനവർഷത്തെ ദ്വിവർഷ പിഎഡ് പ്രോഗ്രാമിലേക്ക് ഏകജാലക പ്രവേശനത്തിന് ഓൺലൈൻ രജിസ്ട്രേഷൻ ആരംഭിച്ചു.
ഓൺലൈൻ രജിസ്ട്രേഷനുള്ള അവസാന തീയതി 2022 ഈമാസം 15 വൈകുന്നേരം അഞ്ച് വരെയാണ്. രജിസ്ട്രേഷൻ സംബന്ധമായ വിവരങ്ങളും പ്രോസ്പക്ടസും www.,admission.kannuruniversity.ac.in എന്ന വെബ്സൈറ്റിൽ ലഭിക്കും. അഡ്മിഷൻ സംബന്ധിച്ചുള്ള കാര്യങ്ങൾ അതത് സമയങ്ങളിൽ സർവകലാശാല വെബ്സൈറ്റിലൂടെയും പത്രക്കുറിപ്പിലൂടെയും അറിയിക്കും.
മാനേജ്മെന്റ്, സ്പോർട്സ് ക്വാട്ടകളിൽ പ്രവേശനം ആഗ്രഹിക്കുന്നവർ ഓൺലൈൻ അപേക്ഷയുടെ പ്രിന്‍റൗട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളജുകളിൽ/സെന്‍ററുകളിൽ അപേക്ഷ സമർപ്പിക്കേണ്ടതാണ്. കമ്മ്യൂണിറ്റി ക്വാട്ട വഴി പ്രവേശനം ആഗ്രഹിക്കുന്നവർ ഓൺലൈൻ അപേക്ഷ സമർപ്പിക്കുമ്പോൾ തന്നെ കമ്മ്യൂണിറ്റി ക്വാട്ട ഓപ്ഷൻ സെലക്ട് ചെയ്യേണ്ടതാണ്.
ഓൺലൈൻ രജിസ്ട്രേഷൻ ചെയ്തതിനുശേഷം അപേക്ഷയുടെ പ്രിന്‍റൗട്ട് കോളജുകളിലേക്കോ സെന്‍ററുകളിലേക്കോ അയക്കേണ്ടതില്ല (മാനേജ്മെന്റ്, സ്പോർട്സ് ക്വാട്ട ഒഴികെ). അപേക്ഷയുടെ പ്രിന്‍റൗട്ടും ഫീ രസീതും പ്രവേശന സമയത്ത് അതത് കോളജുകളിൽ/സെന്‍ററുകളിൽ ഹാജരാക്കേണ്ടതാണ്. ഓണ്‍ലൈൻ രജിസ്ട്രേഷ൯ ഫീസ് 600/(എസ്‌സി/എസ്ടി270/) . ഫീസ് SBIePay വഴി അടക്കേണ്ടതാണ്. Help Line No : 0497 2715261, 0497 2715284, 7356948230 email id :
[email protected] (പ്രവൃത്തി ദിവസങ്ങളിൽ ഓഫീസ് സമയത്ത് മാത്രം ബന്ധപ്പെടുക)
സേവനങ്ങൾ ലഭ്യമാകില്ല ഏഴ്,എട്ട് തീയതികളിൽ ഇലക്ട്രിക്കൽ അറ്റകുറ്റപ്പണികൾ നടക്കുന്നതിനാൽ പരീക്ഷയുമായി ബന്ധപ്പെട്ട ഓൺലൈൻ സേവനങ്ങൾ ലഭ്യമായിരിക്കുന്നതല്ല.
ലിങ്ക് ലഭ്യമാകും രണ്ടാം സെമസ്റ്റർ ന്യൂ ജനറേഷൻ ബിരുദാനന്തര ബിരുദ പ്രോഗ്രാമുകളുടെ പരീക്ഷകൾക്കായുള്ള (സപ്ലിമെന്‍ററി/ഇപ്രൂവ്മെന്‍റ് ഏപ്രിൽ 2022) രജിസ്ട്രേഷൻ ലിങ്ക് നാളെവരെ സർവകലാശാല വെബ്സൈറ്റിൽ ലഭ്യമാകും.
പുനർമൂല്യനിർണയ ഫലം ആറാം സെമസ്റ്റർ ബിരുദ (നവംബർ 2022) പരീക്ഷകളുടെ പുനർമൂല്യനിർണയ ഫലം സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്. പുനർമൂല്യനിർണയം പൂർത്തിയായ ഫലങ്ങളാണ് ഇപ്പോൾ പ്രസിദ്ധീകരിച്ചിട്ടുളളത്. പൂർണഫലപ്രഖ്യാപനം മൂല്യനിർണയം പൂർത്തിയാകുന്ന മുറയ്ക്ക് നടത്തും.
പ്രായോഗിക/ വാചാപരീക്ഷകൾ രണ്ടാം സെമസ്റ്റർ പോസ്റ്റ് ഗ്രാജ്വേറ്റ് ഡിപ്ലോമ ഇൻ കൗൺസലിംഗ് സൈക്കോളജി (പിജിഡിസിപി)( റഗുലർ /സപ്ലിമെന്‍ററി), മേയ് 2021 പരീക്ഷയുടെ പ്രയോഗിക/ വാചാ പരീക്ഷകൾ തൃക്കരിപ്പുർ ഫാപ്പിൻസ് കമ്മ്യൂണിറ്റി കോളജ് ഓഫ് ബിഹേവിയറൽ മാനേജ്‌മെന്‍റിൽ അഞ്ചിനും കണ്ണൂർ തളാപ്പ് ഹൃദയാരാം കമ്മ്യൂണിറ്റി കോളജ് ഓഫ് കൗൺസലിംഗിൽ അഞ്ച്, ആറ് തീയതികളിലും നടത്തും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടേണ്ടതാണ്.