പിജി പ്രവേശനം: അപേക്ഷയിലെ തെറ്റ് തിരുത്താം
202223 അധ്യയനവർഷത്തിൽ കണ്ണൂർ സർവകലാശാലയിലെ അഫിലിയേറ്റഡ് കോളജുകളിൽ പിജി പ്രവേശനത്തിന് ഓൺലൈനായി രജിസ്റ്റർ ചെയ്ത അപേക്ഷയിൽ യോഗ്യതാപരീക്ഷയുടെ മാർക്ക് തെറ്റായി രേഖപ്പെടുത്തിയവരെ ട്രയൽ അലോട്ട്മെന്‍റിൽ ഉൾപ്പെടുത്തിയിരുന്നില്ല. അപേക്ഷയിൽ മാർക്ക് തെറ്റായി രേഖപ്പെടുത്തിയ വിദ്യാർഥികൾ തങ്ങളുടെ പ്രൊഫൈൽ ലോഗിൻ ചെയ്ത് 24 ന് വൈകുന്നേരം അഞ്ചിന് മുന്പായി മാർക്ക്/ഗ്രേഡിൽ മാറ്റം വരുത്തേണ്ടതാണ്. കൂടുതൽ വിവരങ്ങൾക്ക് സർവകലാശാല വെബ്സൈറ്റ് www.admission.kannuruniversity.ac.in സന്ദർശിക്കുക.
പരീക്ഷാഫലം
രണ്ടാം സെമസ്റ്റർ ന്യൂ ജനറേഷൻ എംടിടിഎം (റഗുലർ) ഏപ്രിൽ 2021 പരീക്ഷാഫലം സർവകലാ
ശാല വെബ്സൈറ്റിൽ പ്രസിദ്ധീകരിച്ചു. പുനഃപരിശോധനയ്ക്കും സൂക്ഷ്മപരിശോധനയ്ക്കും പകർപ്പിനും ഓഗസ്റ്റ് രണ്ടുവരെ ഓൺലൈനായി അപേക്ഷിക്കാം.
രണ്ടാം സെമസ്റ്റർ ന്യൂ ജനറേഷൻ എംഎസ്‌സി (റഗുലർ), ഏപ്രിൽ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനഃപരിശോധനയ്ക്കും സൂക്ഷ്മപരിശോധനയ്ക്കും പകർപ്പിനും ഓഗസ്റ്റ് മൂന്നുവരെ ഓൺലൈനായി അപേക്ഷിക്കാം.
ടൈടേബിൾ
ഓഗസ്റ്റ് 11 ന് ആരംഭിക്കുന്ന നാലാം സെമസ്റ്റർ ബിരുദ (റഗുലർ/സപ്ലിമെന്‍ററി/ഇംപ്രൂവ്മെന്‍റ്2016 അഡ്മിഷൻ മുതൽ), ഏപ്രിൽ 2022 പരീക്ഷകളുടെ ടൈംടേബിളുകൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
പരീക്ഷാവിജ്ഞാപനം
അഫിലിയേറ്റഡ് കോളജുകളിലെ രണ്ടാം സെമസ്റ്റർ എംബിഎ (റഗുലർ/സപ്ലിമെന്‍ററി2018 അഡ്മിഷൻ മുതൽ), ഏപ്രിൽ 2022 പരീക്ഷകൾക്ക് 26 മുതൽ 30 വരെ പിഴയില്ലാതെയും ഓഗസ്റ്റ് ഒന്നുവരെ പിഴയോടെയും അപേക്ഷിക്കാം. അപേക്ഷകളുടെ പ്രിന്‍റൗട്ട് ഓഗസ്റ്റ് നാലിനകം സർവകലാശാലയിൽ സമർപ്പിക്കണം. 2018 അഡ്മിഷൻ വിദ്യാർഥികളുടെ അവസാന അവസരമാണ്.
രണ്ടാം സെമസ്റ്റർ ബിഎഡ് (റഗുലർ/സപ്ലിമെന്‍ററി/ഇംപ്രൂവ്മെന്‍റ്), ഏപ്രിൽ 2022 പരീക്ഷകൾക്ക് 26 മുതൽ 30 വരെ പിഴയില്ലാതെയും ഓഗസ്റ്റ് രണ്ടുവരെ പിഴയോടെയും അപേക്ഷിക്കാം. അപേക്ഷകളുടെ പ്രിന്‍റൗട്ട് ഓഗസ്റ്റ് ആറിനകം സർവകലാശാലയിൽ സമർപ്പിക്കണം. വിശദമായ പരീക്ഷാവിജ്ഞാപനം സർവകലാശാല വെബ്സൈറ്റിൽ.