പുതുക്കിയ പരീക്ഷാത്തീയതി
29 ന് നടത്താൻ നിശ്ചിയിച്ചിരുന്ന ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (റെഗുലർ 2021 അഡ്മിഷൻ, ഇംപ്രൂവ്മെന്റ് 2020 അഡ്മിഷൻ, സപ്ലിമെന്ററി 2017 2019 അഡ്മിഷൻ, മേഴ്സിചാൻസ് 2013 2016 അഡ്മിഷൻ) ഡിഗ്രി പരീക്ഷ ജൂലൈ ഒന്നുമുതൽ പുനഃക്രമീകരിച്ചിരിക്കുന്നു. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
2022 മാർച്ചിൽ നടത്തിയ മൂന്നാം സെമസ്റ്റർ കരിയർ റിലേറ്റഡ് സിബിസിഎസ് ബിഎസ്ഡബ്ല്യൂ പ്രോഗ്രാമിന്റെ പ്രാക്ടിക്കൽ 28 മുതൽ അതാത് പരീക്ഷാകേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ.
പിഎച്ച്ഡി രജിസ്ട്രേഷൻ ജൂലൈ 2022 സെഷൻ അപേക്ഷ ക്ഷണിക്കുന്നു
ജൂലൈ 2022 സെഷൻ പിഎച്ച്ഡി രജിസ്ട്രേഷന് ഒഴിവുള്ള വിഷയങ്ങളിൽ ഓണ്ലൈൻ അപേക്ഷ ക്ഷണിക്കുന്നു. ജൂലൈ ഒന്നു മുതൽ 15വരെ വൈകുന്നേരം അഞ്ച് വരെ റിസർച്ച് പോർട്ടൽ വെബ്സൈറ്റ് വഴി അപേക്ഷകൾ സമർപ്പിക്കാം. വിശദവിവരങ്ങൾക്ക് റിസർച്ച് പോർട്ടൽ വെബ്സൈറ്റ് സന്ദർശിക്കുക. സർവകലാശാലയുടെ പഠനവകുപ്പുകൾ ഇല്ലാത്ത വിഷയങ്ങളിൽ അപേക്ഷിച്ചവർ ഓണ്ലൈൻ അപേക്ഷയുടെ പകർപ്പും അനുബന്ധരേഖകളും 16ന് വൈകുന്നേരം അഞ്ചിനു മുൻപായി കേരളസർവകലാശാല രജിസ്ട്രാറിന് സമർപ്പിക്കണം.
സൂക്ഷ്മപരിശോധന
2021 ഒക്ടോബറിൽ നടത്തിയ മൂന്നാം സെമസ്റ്റർ ഇന്റഗ്രേറ്റഡ് എൽഎൽബി, 2021 നവംബറിൽ നടത്തിയ രണ്ടാം സെമസ്റ്റർ യൂണിറ്ററി എൽഎൽബി പരീക്ഷകളുടെ സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച തിരിച്ചറിയൽ കാർഡും പ്രസ്തുത പരീക്ഷയുടെ ഹാൾടിക്കറ്റുമായി 29, 30, ജൂലൈ ഒന്ന് തീയതികളിൽ ഇ.ജെ.പത്ത് സെക്ഷനിൽ എത്തിച്ചേരണം.
2022 ഏപ്രിലിൽ നടത്തിയ ആറാം സെമസ്റ്റർ ബിഎ (സിബിസിഎസ്) പരീക്ഷയുടെ സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുളള വിദ്യാഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി 28 മുതൽ ജൂലൈ ഏഴ് വരെയുള്ള പ്രവൃത്തി ദിനങ്ങളിൽ ബിഎ റീവാല്യുവേഷൻ സെക്ഷനിൽ ഇ.ജെ.അഞ്ച് ഹാജരാകണം.
അഡ്വാൻസ്ഡ് പോസ്റ്റ് ഗ്രാജ്വേറ്റ് ഡിപ്ലോമ ഇൻ ഇംഗ്ലീഷ്
ഫോർ കമ്യൂണിക്കേഷൻ അപേക്ഷ ക്ഷണിക്കുന്നു
ഇംഗ്ലീഷ് പഠനവിഭാഗം നടത്തുന്ന “അഡ്വാൻസ്ഡ് പോസ്റ്റ് ഗ്രാജ്വേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷൻ” പാർട്ട്ടൈം സായാഹ്ന കോഴ്സിലേക്ക് അപേക്ഷ ക്ഷണിക്കുന്നു. യോഗ്യത: അംഗീകൃത സർവകലാശാലയിൽ നിന്നും ഏതെങ്കിലും വിഷയത്തിലുളള ബിരുദം, ഫീസ്: 8175+പരീക്ഷാഫീസ്, കാലയളവ്: ഒരു വർഷം (തിങ്കൾ മുതൽ വൈളളി വരെ വൈകിട്ട് 5.30 മുതൽ 7.30 വരെ). താത്പര്യമുള്ള വിദ്യാർഥികൾക്ക് സർവകലാശാല കാഷ് കൗണ്ടറിലോ ഓണ്ലൈനായോ മുപ്പത് രൂപ ഒടുക്കിയ ചെലാൻ ഇംഗ്ലീഷ് പഠനവകുപ്പിൽ സമർപ്പിച്ച് അപേക്ഷാഫോം കൈപ്പറ്റാം. അപേക്ഷകൾ ജൂലൈ 11 വരെ ഇംഗ്ലീഷ് പഠനവകുപ്പ് ഓഫീസിൽ സ്വീകരിക്കും.