കണ്ണൂർ സർവകലാശാല വിദൂരവിദ്യാഭ്യാസ വിഭാഗം രണ്ടാം അഫ്സലുൽ ഉലമ പ്രിലിമിനറി മൂന്നാം വർഷ ബിരുദവിദ്യാർഥികളുടെ സമ്പർക്ക ക്ലാസുകൾ 13, 14 തീയതികളിൽ രാവിലെ പത്തുമുതൽ വൈകുന്നേരം നാലുവരെ കണ്ണൂർ എസ്എൻ കോളജ്, കാഞ്ഞങ്ങാട് എൻഎഎസ് കോളജ് എന്നീ പഠനകേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ ലഭ്യമാണ്.
പുനഃക്രമീകരിച്ച പരീക്ഷകൾ
അഫിലിയേറ്റഡ് കോളജുകളിലും സെന്‍ററുകളിലും ഇന്നും നാളെയുമായി നടത്താൻ നിശ്ചയിച്ചിരുന്ന അഞ്ചാം സെമസ്റ്റർ ബിരുദ, മൂന്നാം സെമസ്റ്റർ ബിരുദാനന്തര ബിരുദ (എംബിഎ ഉൾപ്പെടെ) പരീക്ഷകൾ യഥാക്രമം 16, 18 തീയതികളിൽ നടക്കും.
16,18 തീയതികളിൽ നടത്താൻ നിശ്ചയിച്ചിരുന്ന മൂന്നാം സെമസ്റ്റർ ബിരുദ പരീക്ഷകൾ യഥാക്രമം 25, 26 തീയതികളിൽ നടക്കും. വെള്ളിയാഴ്ചകളിലെ പരീക്ഷകൾ ഉച്ചകഴിഞ്ഞ് രണ്ടുമുതൽ അഞ്ചുവരെയും മറ്റു ദിവസങ്ങളിലെ പരീക്ഷകൾ ഉച്ചയ്ക്ക് 1.30 മുതൽ 04.30 വരെയും നടക്കും.
ഇന്‍റേണൽ മാർക്ക്
സർവകലാശാല പഠനവകുപ്പുകളിലെ മൂന്നാം സെമസ്റ്റർ (നവംബർ 2020) പരീക്ഷകളുടെ ഇന്‍റേണൽ ഇന്നു വൈകുന്നേരം അഞ്ചിനകം സമർപ്പിക്കണം.
പ്രാക്‌ടിക്കൽ മാർക്ക്
രണ്ടാം സെമസ്റ്റർ ബിരുദ (ഏപ്രിൽ 2020) പരീക്ഷകളുടെ പ്രാക്‌ടിക്കൽ മാർക്കുകൾ 16ന് വൈകുന്നേരം അഞ്ചുവരെ ഓൺലൈനായി സമർപ്പിക്കണം.
ഹാൾടിക്കറ്റ്
അഫിലിയേറ്റഡ് കോളജുകളിലും സെന്‍ററുകളിലും 16ന് ആരംഭിക്കുന്ന അഞ്ചാം സെമസ്റ്റർ എംസിഎ / എംസിഎ ലാറ്ററൽ എൻട്രി ഡിഗ്രി റഗുലർ/സപ്ലിമെന്‍ററി (നവംബർ 2020) പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
പ്രായോഗിക പരീക്ഷകൾ
അഞ്ചാം സെമസ്റ്റർ ബിഎ ഇക്കണോമിക്സ്/ഡവലപ്മെന്‍റ് ഇക്കണോമിക്സ് (റഗുലർ/സപ്ലിമെന്‍ററി, നവംബർ 2020) പ്രായോഗിക പരീക്ഷകൾ 12ന് വിവിധ കോളജുകളിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
പരീക്ഷാഫലം
രണ്ടാം സെമസ്റ്റർ എംഎഡ് (റഗുലർ/സപ്ലിമെന്‍ററി, മേയ് 2020) പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 23 വൈകുന്നേരം അഞ്ചുവരെ അപേക്ഷിക്കാം. മാർക്ക് ലിസ്റ്റുകൾ ലഭ്യമാക്കുന്ന തീയതി പിന്നീട് അറിയിക്കും.