പരീക്ഷകൾ മാറ്റി
ഇന്നു നടത്താൻ നിശ്ചയിച്ചിരിക്കുന്ന എല്ലാ പരീക്ഷകളും മാറ്റി. പുതുക്കിയ തീയതി പിന്നീട്.
പരീക്ഷാകേന്ദ്രം
മൂന്ന്, നാല് സെമസ്റ്റർ എംഎ, എംകോം, എംഎസ്സി (2018 അഡ്മിഷൻ റെഗുലർ, 2015, 2016, 2017 അഡ്മിഷൻ സപ്ലിമെന്ററി, 2013, 2014 അഡ്മിഷൻ മേഴ്സി ചാൻസ് പ്രൈവറ്റ് രജിസ്ട്രേഷൻ) പരീക്ഷകളുടെ പരീക്ഷാകേന്ദ്രം സംബന്ധിച്ച വിവരങ്ങൾ സർവകലാശാല വെബ് സൈറ്റിൽ ലഭിക്കും. വിദ്യാർഥികൾ ഹാൾടിക്കറ്റുകൾ, പരിക്ഷാകേന്ദ്രം സംബന്ധിച്ച വിജ്ഞാപനത്തിൽ സൂചിപ്പിച്ചിരിക്കുന്ന സെന്ററിൽ നിന്നും വാങ്ങി അനുവദിച്ച പരീക്ഷാകേന്ദ്രത്തിൽ പരീക്ഷയെഴുതണം. ഹാൾടിക്കറ്റുകൾ ഇന്നുമുതൽ വിജ്ഞാപനത്തിൽ സൂചിപ്പിച്ചിരിക്കുന്ന കേന്ദ്രത്തിൽ നിന്നും വാങ്ങാം.
പരീക്ഷാതീയതി
അഫിലിയേറ്റഡ് കോളജുകളിലെ ഒന്ന്, മൂന്ന് സെമസ്റ്റർ എൽഎൽഎം പരീക്ഷകൾ മാർച്ച് 19 മുതൽ ആരംഭിക്കും. മാർച്ച് രണ്ടുവരെ അപേക്ഷിക്കാം.
അഫിലിയേറ്റഡ് കോളജുകളിലെയും സീപാസിലെയും മൂന്നാം സെമസ്റ്റർ ബിഎഡ് (ക്രെഡിറ്റ് ആൻഡ്് സെമസ്റ്റർ 2019 അഡ്മിഷൻ റഗുലർ, സപ്ലിമെന്ററി ദ്വിവത്സരം) പരീക്ഷകൾ മാർച്ച് അഞ്ചിന് നടക്കും. 26 വരെയും 525 രൂപ പിഴയോടെ 27 വരെയും 1050 രൂപ സൂപ്പർഫൈനോടെ മാർച്ച് ഒന്നുവരെയും അപേക്ഷിക്കാം. റെഗുലർ വിദ്യാർഥികൾ 210 രൂപയും വീണ്ടുമെഴുതുന്നവർ പേപ്പറൊന്നിന് 55 രൂപ വീതവും (പരമാവധി 210 രൂപ) സി.വി. ക്യാന്പ് ഫീസായി പരീക്ഷഫീസിന് പുറമെ അടയ്ക്കണം.
17, 18, 19, 20, 22, 23 തീയതികളിൽ നടത്താൻ നിശ്ചയിച്ചിരുന്നതും മാറ്റിവച്ചതുമായ ബിഎ കമ്മ്യൂണിക്കേറ്റീവ് ഇംഗ്ലീഷ്, ബിഎസ്ഡബ്ല്യു, ബിബിഎ, ബിബിഎം, ബിസിഎ, ബിഎസ്സി പെട്രോകെമിക്കൽസ്, ബിഎസ്സി കംപ്യൂട്ടർ സയൻസ്, ബിഎസ്സി ഇലക്ട്രോണിക്സ് ആൻഡ്് കംപ്യൂട്ടർ ഹാർഡ് വെയർ, ബിഎസ്സി ഇൻഫർമേഷൻ ടെക്നോളജി, ബിഎസ്സി മൈക്രോബയോളജി, ബിഎസ്സി ബയോടെക്നോളജി, ബിഎസ്സി അക്വാകൾച്ചർ പരീക്ഷകളുടെ സ്പെഷൽ മേഴ്സി ചാൻസ് (അദാലത്ത് സ്പെഷൽ മേഴ്സി ചാൻസ് 2018) പരീക്ഷകൾ യഥാക്രമം മാർച്ച് 23, 24, 25, 26, 27, 29 തീയതികളിൽ നടക്കും.
പ്രാക്ടിക്കൽ
നാലാം വർഷ ബിഫാം സപ്ലിമെന്ററി (2016ന് മുന്പുള്ള അഡ്മിഷൻ) ജനുവരി 2021 പരീക്ഷയുടെ പ്രാക്്ടിക്കൽ 25 മുതൽ മാർച്ച് ആറുവരെ ഡിപിഎസ്, സീപാസ്, ചെറുവാണ്ടൂരിലും, ഡിപിഎസ്, സീപാസ്, പുതുപ്പള്ളിയിലും നടക്കും. വിശദമായ ടൈംടേബിൾ സർവകലാശാല വെബ് സൈറ്റിൽ.
പരീക്ഷാഫലം
2020 മാർച്ചിൽ നടന്ന രണ്ടാം വർഷ ബാച്ചിലർ ഓഫ് ഫിസിയോതെറാപ്പി സപ്ലിമെന്ററി (2008 അഡ്മിഷൻ മുതൽ) പരീക്ഷയുടെ ഫലം പ്രസിദ്ധീകരിച്ചു.
2020 ജൂലൈയിൽ നടന്ന മൂന്നാം വർഷ ബാച്ചിലർ ഓഫ് ഫാർമസി സപ്ലിമെന്ററി പുതിയ സ്കീം (2016 അഡ്മിഷൻ), പഴയ സ്കീം (2016ന് മുന്പുള്ള അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു.
യുജിസി നെറ്റ്, ജെആർഎഫ് പരീക്ഷ പരിശീലനം
മാനവിക വിഷയങ്ങൾക്കുള്ള യുജിസി നെറ്റ്, ജെആർഎഫ് പരീക്ഷയുടെ ജനറൽ പേപ്പറിന് വേണ്ടിയുള്ള പരിശീലനം യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ്് ഗൈഡൻസ് ബ്യൂറോയുടെ ആഭിമുഖ്യത്തിൽ ആരംഭിക്കുന്നു. നേരിട്ട് രജിസ്റ്റർ ചെയ്യുന്ന ആദ്യത്തെ 25 പേർക്ക് മാത്രമാണ് അവസരം. 04812731025.
ഇന്റർവ്യൂ
മൂക് ഓർഗാനിംഗ് ഫാമിംഗ് കോഴ്സുമായി ബന്ധപ്പെട്ട് പ്രോഗ്രാമറുടെ (സോഫ്റ്റ് വെയർ ഡെവലപ്പർ) ഒഴിവിലേക്ക് മാർച്ച് നാലിനു വാക് ഇൻ ഇന്റർവ്യൂ നടത്തുന്നു. കരാർ അടിസ്ഥാനത്തിലാണ് നിയമനം. പ്രതിമാസ വേതനം 30000 രൂപ. യോഗ്യത, മറ്റ് വിശദാംശങ്ങൾ സർവകലാശാലാ വെബ്സൈറ്റിൽ ലഭ്യമാണ്.