രണ്ടാം സെമസ്റ്റർ എംഎസ്ഡബ്ല്യു ഡിഗ്രി (റഗുലർ 2019 അഡ്മിഷൻ /സപ്ലിമെന്‍ററി /ഇപ്രൂവ്മെന്‍റ് ) ഏപ്രിൽ 2020 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനുമുള്ള അപേക്ഷകൾ മാർച്ച് ആറിന് വൈകുന്നേരം അഞ്ചുവരെ സ്വീകരിക്കും.
ഒന്നാം സെമസ്റ്റർ പിജിഡിഎൽഡി (റഗുലർ/ സപ്ലിമെന്‍ററി) നവംബർ 2019 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മ പരിശോധനയ്ക്കും പകർപ്പിനും മാർച്ച് എട്ടിന് വൈകുന്നേരം അഞ്ചുവരെ അപേക്ഷിക്കാം.
ഒന്നാംവർഷ അഫ്സൽ ഉൽ ഉലമ പ്രിലിമിനറി, ഏപ്രിൽ 2020 (റഗുലർ/വിദൂരവിദ്യാഭ്യാസം2011 അഡ്മിഷൻ മുതൽ 2019 അഡ്മിഷൻ വരെ) പരീക്ഷാഫലം പ്രസിദ്ധീകരിച്ചു. വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും മാർച്ച് എട്ടിന് വൈകുന്നേരം അഞ്ചുവരെ അപേക്ഷിക്കാം. ഗ്രേഡ് കാർഡുകൾ വിതരണം ചെയ്യുന്ന തീയതി പിന്നീട് അറിയിക്കും.
ടൈംടേബിൾ
മാർച്ച ഒന്നിന് ആരംഭിക്കുന്ന സർവകലാശാല ഐടി പഠനവകുപ്പിലെ അഞ്ചാം സെമസ്റ്റർ എംസിഎ പ്രോഗ്രാം (സിസിഎസ്എസ്റഗുലർ/സപ്ലിമെന്‍ററി) നവംബർ 2020 പരീക്ഷയുടെ ടൈംടേബിൾ പ്രസിദ്ധീകരിച്ചു.
സീറ്റൊഴിവ്
മാനന്തവാടി കാമ്പസിൽ ഒന്നാംവർഷ എംഎസ്‌സി പ്ലാന്‍റ് സയൻസ് പ്രോഗ്രാമിൽ എസ്‌സി/എസ്ടി വിഭാഗത്തിൽ ഒരു സീറ്റ് ഒഴിവുണ്ട്. ബിഎസ്‌സി ബോട്ടണി/പ്ലാന്‍റ് സയൻസ് യോഗ്യതയുള്ളവർ അസൽ രേഖകൾ സഹിതം മാനന്തവാടി കാമ്പസിലെ പ്ലാന്‍റ് സയൻസസ് വകുപ്പിൽ 27ന് രാവിലെ 10.30ന് ഹാജരാകണം.
സമ്പർക്ക ക്ലാസ്
വിദൂര വിദ്യാഭ്യാസ വിഭാഗം മൂന്നാംവർഷ ബിരുദ, രണ്ടാം വർഷ ഹിസ്റ്ററി ബിരുദ വിദ്യാർഥികളുടെ സമ്പർക്ക ക്ലാസുകൾ 27,28 തീയതികളിൽ രാവിലെ 10 മുതൽ വൈകുന്നേരം നാലുവരെ കണ്ണൂർ എസ്എൻ കോളജ്, കാഞ്ഞങ്ങാട് എൻഎഎസ് കോളജ് എന്നീ പഠനകേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ.