പരീക്ഷ പുനക്രമീകരിച്ചു
ഒന്പതിന് നടത്താൻ നിശ്ചയിച്ചിരുന്ന സർവകലാശാല പഠനവകുപ്പിലെ മൂന്നാം സെമസ്റ്റർ എംഎസ്സി ബയോടെക്നോളജി/മൈക്രോബയോളജി പരീക്ഷകൾ 22ന് ആരംഭിക്കുന്ന രീതിയിൽ പുനഃക്രമീകരിച്ചു. പരിഷ്കരിച്ച ടൈടേബിൾ സർവകലാശാല വെബ്സൈറ്റിൽ ലഭിക്കും.
പരീക്ഷാഫലം
നാലാം സെമസ്റ്റർ ബിസിഎ റഗുലർ/സപ്ലിമെന്ററി/ഇംപ്രൂവ്മെന്റ് (ഏപ്രിൽ 2020) പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 16ന് വൈകുന്നേരം അഞ്ചുവരെ ഓൺലൈനായി അപേക്ഷിക്കാം.
പ്രായോഗിക പരീക്ഷ
ഒന്ന്, രണ്ട് വർഷ വിദൂരവിദ്യാഭ്യാസ ബിസിഎ (ഏപ്രിൽ 2020) പ്രായോഗിക പരീക്ഷകൾ കോവിഡ് മാനദണ്ഡ പ്രകാരം അഞ്ച്, എട്ട് തീയതികളിൽ ചാല ചിന്മയ ആർട്സ്ആൻഡ് സയൻസ് കോളജിൽ ചാലയിൽ നടക്കും.
ടോക്കൺ രജിസ്ട്രേഷൻ
ചികിത്സാസംബന്ധമായോ കോവിഡ് അനുബന്ധ കാരണങ്ങളാലോ ഒന്നും രണ്ടും വർഷ വിദൂരവിദ്യാഭ്യാസ ബിരുദ (ഏപ്രിൽ 2020), ഒന്നാംവർഷ ബിരുദാനന്തര ബിരുദ (ജൂൺ 2020) പരീക്ഷകൾക്ക് യഥാസമയം അപേക്ഷിക്കാൻ സാധിക്കാത്തവർക്ക് ടോക്കൺ രജിസ്ട്രേഷന് 17 വരെ അപേക്ഷിക്കാം.
സർവകലാശാല വെബ്സൈറ്റിലെ ആപ്ലിക്കേഷൻ ഫോംസ് എന്ന ലിങ്കിൽ ലഭ്യമായ ടോക്കൺ രജിസ്ട്രേഷൻ അപേക്ഷാഫോമും പരീക്ഷാ രജിസ്ട്രേഷൻ ഫോമും പൂരിപ്പിച്ച് നിശ്ചിത ഫീസടച്ച് മെഡിക്കൽ സർട്ടിഫിക്കറ്റും വിദൂരവിദ്യാഭ്യാസ വിഭാഗം നൽകിയ ഐഡന്റിറ്റി കാർഡിന്റെ പകർപ്പും ഒന്നാം വർഷ പരീക്ഷയുടെ ഹാൾടിക്കറ്റ്/ഗ്രേഡ് കാർഡിന്റെ പകർപ്പും സഹിതം അപേക്ഷിക്കണം. കോവിഡ് അനുബന്ധ കാരണങ്ങളാൽ പരീക്ഷയ്ക്ക് രജിസ്റ്റർ ചെയ്യാൻ സാധിക്കാത്തവർ മെഡിക്കൽ സർട്ടിഫിക്കറ്റിനുപകരം ഇതുസംബന്ധിച്ച് ബന്ധപ്പെട്ട അധികാരികളിൽനിന്നുള്ള സാക്ഷ്യപത്രം ഹാജരാക്കിയാൽ മതിയാകും. ഏതെങ്കിലും വർഷം റീ അഡ്മിഷനെടുത്ത വിദ്യാർഥികൾ ബന്ധപ്പെട്ട ഉത്തരവിന്റെ പകർപ്പും ഹാജരാക്കണം.
പരീക്ഷാഫലം
2020 ഏപ്രിൽ നാലാം സെമസ്റ്റർ ബിസിഎ ഡിഗ്രി റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു.
സമ്പർക്ക ക്ലാസ്
കണ്ണൂർ സർവകലാശാല വിദൂരവിദ്യാഭ്യാസ വിഭാഗം മൂന്നാംവർഷ ബിരുദ, രണ്ടാംവർഷ അഫ്സലുൽ ഉലമ പ്രിലിമിനറി വിദ്യാർഥികളുടെ സമ്പർക്ക ക്ലാസുകൾ ഏഴിന് രാവിലെ പത്തുമുതൽ വൈകുന്നേരം നാലുവരെ കാഞ്ഞങ്ങാട് എൻഎഎസ് കോളജിൽ നടത്തും. വിശദവിവരങ്ങൾ വെബ്സൈറ്റിൽ ലഭ്യമാണ്.
ഹാൾടിക്കറ്റ്
മൂന്നാം സെമസ്റ്റർ എംപിഎഡ്, ബിപിഎഡ് (റഗുലർ/സപ്ലിമെന്ററി) നവംബർ 2020 പരീക്ഷകളുടെ ഹാൾടിക്കറ്റ് പഠനവകുപ്പിൽനിന്ന് വിതരണം ചെയ്യും.
യൂണിയൻ സത്യപ്രതിജ്ഞ
കണ്ണൂർ സർവകലാശാല വിദ്യാർഥി യൂണിയൻ സത്യപ്രതിജ്ഞാചടങ്ങ് ഇന്നു രാവിലെ 11ന് താവക്കര ചെറുശേരി ഓഡിറ്റോറിയത്തിൽ നടത്തും. വൈസ് ചാൻസലർ പ്രഫ. ഗോപിനാഥ് രവീന്ദ്രൻ സത്യവാചകം ചൊല്ലിക്കൊടുക്കും.