ഒഴിവുവന്ന എംബിഎ സീറ്റുകളിലേക്ക് അപേക്ഷ ക്ഷണിച്ചു
കാലിക്കട്ട്സര്വകലാശാല കോമേഴ്സ് ആൻഡ് മാനേജ്മെന്റ് സ്റ്റഡീസ് പഠനവകുപ്പ്, സര്വകലാശാല സ്വാശ്രയ സെന്ററുകള് (ഫുള്ടൈം/പാര്ട് ടൈം) സ്വാശ്രയ കോളജുകള് എന്നിവയില് എംബിഎ. പ്രവേശനത്തിന് ഒഴിവുള്ള സീറ്റുകളിലേക്ക് 28 വരെ അപേക്ഷിക്കാം. സര്വകലാശാലാ ഫണ്ടിലേക്ക് എസ് സി./എസ്ടി. വിഭാഗം 467 രൂപയും മറ്റുള്ളവര് 835 രൂപയും ഇപെയ്മെന്റായി ഫീസടച്ച് ഓണ്ലൈനായി രജിസ്റ്റര് ചെയ്യണം. സ്വാശ്രയ കോളജുകളിലെ മാനേജ്മെന്റ് ക്വോട്ടയില് പ്രവേശനം ആഗ്രഹിക്കുന്നവരും നിശ്ചിത ഫീസടച്ച് ഓണ്ലൈന് രജിസ്റ്റര് ചെയ്യണം. അപേക്ഷയുടെ പ്രിന്റ്ഔട്ട്, അസല് ചലാന് രശീതി, എസ്സി/എസ്ടി വിഭാഗക്കാര് കമ്യൂണിറ്റി സര്ട്ടിഫിക്കറ്റിന്റെ പകര്പ്പും സഹിതം നവംബര് 2ന് മുമ്പായി ഹെഡ് ഓഫ് ദി ഡിപ്പാര്ട്ട്മെന്റ്, ഡിപ്പാര്ട്ട്മെന്റ് ഓഫ് കോമേഴ്സ് ആൻഡ് മാനേജ്മെന്റ് സ്റ്റഡീസ്, യൂണിവേഴ്സിറ്റി ഓഫ് കാലിക്കട്ട്, യൂണിവേഴ്സിറ്റി പിഒ., മലപ്പുറം 673635 എന്ന വിലാസത്തില് സമര്പ്പിക്കണം. കൂടുതല് വിവരങ്ങള്ക്ക് വെബ്സൈറ്റ് സന്ദര്ശിക്കുകയോ 0494 2407016, 2407363 എന്നീ നമ്പറുകളില് ബന്ധപ്പെടുകയോ ചെയ്യാം.
മെറ്റീരിയല് സയന്സ് റിഫ്രഷര് കോഴ്സ് തുടങ്ങി
ബയോളജിക്കല് സയന്സ്, കെമിസ്ട്രി, നാനോ സയന്സ്, ഫിസിക്സ് വിഷയങ്ങള് പഠിപ്പിക്കുന്ന കോളജ്/യൂണിവേഴ്സിറ്റി അദ്ധ്യാപകര്ക്കായി കാലിക്കട്ട് യൂണിവേഴ്സിറ്റി ഹ്യൂമന് റിസോഴ്സ് ഡവലപ്മെന്റ സെന്റര് നടത്തുന്ന മെറ്റീരിയല് സയന്സ് റിഫ്രഷര് കോഴ്സ് തുടങ്ങി. യൂണിവേഴ്സിറ്റി സയന്സ് ഫാക്കല്റ്റി ഡീന് ഡോ. വി.വി. രാധാകൃഷ്ണന് ഉദ്ഘാടനം നിര്വഹിച്ചു. എച്ച്ആര്ഡിസി. ഡയറക്ടര് ഡോ. ടി.എ. അബ്ദുള് മജീദ് അദ്ധ്യക്ഷത വഹിച്ചു. കോഴ്സ് കോഓര്ഡിനേറ്റര് ഡോ. എസ്. സിന്ധു ആമുഖ പ്രഭാഷണം നടത്തി.
പൊസിഷന് ലിസ്റ്റ്
2019 വര്ഷത്തെ ബികോം/ബിബിഎ, സിയുസിബിസിഎസ്എസ്.യുജിഎക്യു. സീരീസ് 2016 അഡ്മിഷന് പൊസിഷന് ലിസ്റ്റ് സര്വകലാശാല വെബ്സൈറ്റില് പ്രസിദ്ധീകരിച്ചു. അര്ഹരായവര് നിശ്ചിത ഫീസും തപാല് ചാര്ജും അടച്ച് അപേക്ഷിക്കേണ്ടതാണ്.
ഐഇടിബിടെക്. പ്രവേശനം
എൻജിനിയറിംഗ് കോളജിലെ ഒന്നാം വര്ഷ ബിടെക് കോഴ്സിനു പ്രവേശനം ലഭിച്ച വിദ്യാര്ഥികള് കോളജ് നിര്ദ്ദേശിക്കുന്ന ട്യൂഷന് ഫീസ്, സ്പെഷല് ഫീസ്, കോഷന് ഡെപ്പോസിറ്റ് എന്നിവക്ക് പ്രിന്സിപ്പൽ, സിയുഐഇടി. എന്ന പേരില് എസ്ബിഐ. കാലിക്കട്ട് യൂണിവേഴ്സിറ്റി ശാഖയില് മാറാവുന്ന ഡിമാന്റ് ഡ്രാഫ്റ്റ് അഡ്മിഷന് സമയത്ത് കോളജില് സമര്പ്പിക്കേണ്ടതാണ്. രണ്ടാംഘട്ട അലോട്ട്മെന്റ് ഒക്ടോബര് 24 മുതല് 31 വരെ നടക്കും. വിശദ വിവരങ്ങള്ക്ക് കോളജ് വെബ്സൈറ്റ് സന്ദര്ശിക്കാം. ഫോണ്: 0494 2400223, 9995999208.
മാര്ക്ക് ലിസ്റ്റ് വിതരണം
എംഎ ഹിസ്റ്ററി പ്രീവിയസ്/ഫൈനല് ഏപ്രില്/മേയ് 2019 (വിദൂരവിദ്യാഭ്യാസം) പരീക്ഷകളുടെ മാര്ക്ക് ലിസ്റ്റുകള് മെയിന് സെന്ററുകളില് നിന്നും ഒക്ടോബര് 23 മുതല് വിതരണം ചെയ്യുന്നു. മെയിന് സെന്ററായി അപേക്ഷിച്ചവര് തിരൂരങ്ങാടി പിഎസ്എംഒ കോളജില് നിന്ന് മാര്ക്ക് ലിസ്റ്റുകള് കൈപ്പറ്റേണ്ടതാണ്.
ഇന്റേണല് മാര്ക്ക് അപ്ലോഡ് ചെയ്യാം
പഠനവിഭാഗങ്ങളിലെ നാലാം സെമസ്റ്റര് സിസിഎസ്എസ്പിജി, എംഎ, എംഎസ്സി, എംകോം, എംബിഎ, എംഎജെഎംസി, ലൈബ്രറി ആൻഡ് ഇന്ഫര്മേഷന് സയന്സ്, എംസിജെ, എംടിഎ, ഏപ്രില് 2020 (2018 പ്രവേശനം) റഗുലര് പരീക്ഷയുടെ ഇന്റേണല് മാര്ക്ക് അപ്ലോഡ് ചെയ്യുന്നതിനാവശ്യമായ ലിങ്ക് സര്വകലാശാലാ വെബ്സൈറ്റില് നവംബര് ആറു വരെ ലഭ്യമാണ്.
പരീക്ഷാഫലം
ഒന്നാം സെമസ്റ്റര് എംബിഎ സിസിഎസ്എസ് നവംബര് 2019 പരീക്ഷയുടെ ഫലം ഇന്ന് പ്രസിദ്ധീകരിക്കും.
പരീക്ഷ
രണ്ടാം സെമസ്റ്റര് ബിഎഡ് (രണ്ട് വര്ഷം, 2017 സിലബസ്) ഏപ്രില് 2019 പരീക്ഷയുടെ പുനപരീക്ഷ 27ന് നടക്കും.