നാലാം സെമസ്റ്റർ എംഎഡ് (20182020 അഡ്മിഷൻ) വാചാപരീക്ഷ സെപ്റ്റംബർ 14ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
2020 ജൂലൈയിൽ നടത്തിയ നാലാം സെമസ്റ്റർ എംഎ ഇംഗ്ലീഷ് പരീക്ഷയുടെ വൈവ സെപ്റ്റംബർ ഏഴിനും എംഎ ഹിസ്റ്ററി പരീക്ഷയുടെ വൈവ സെപ്റ്റംബർ എട്ടിനും എംഎ സംസ്കൃതം ജനറൽ പരീക്ഷയുടെ വൈവ സെപ്റ്റംബർ 14നും ആരംഭിക്കും. വിശദമായ ടൈംടേബിൾ വെബ്സൈറ്റിൽ.
പുതുക്കിയ പരീക്ഷാകേന്ദ്രം
സെപ്റ്റംബർ ഏഴുമുതൽ നടത്താൻ നിശ്ചയിച്ചിരുന്ന അഞ്ചും ആറും സെമസ്റ്റർ ബിഎസ്‌സി കന്പ്യൂട്ടർ സയൻസ്/ബിസിഎ (2017 അഡ്മിഷൻ, എസ്ഡിഇ) പ്രാക്ടിക്കൽ പരീക്ഷാകേന്ദ്രം പാളയത്തുള്ള പഴയ എസ്ഡിഇ ബിൾഡിംഗിൽ നിന്നും യൂണിവേഴ്സിറ്റി എൻജിനിയറിംഗ് കോളജ്, കാര്യവട്ടത്തേക്ക് പുതുക്കി നിശ്ചയിച്ചു.
ഐഎംകെ എംബിഎ സീറ്റ് ഒഴിവ്
ഐഎംകെയിൽ എംബിഎ (ട്രാവൽ ആൻഡ് ടൂറിസം) പ്രവേശനം ആഗ്രഹിക്കുന്നവർക്ക് 27ന് ഉച്ചയ്ക്ക് രണ്ടിന് കാര്യവട്ടം ഐഎംകെയിൽ എത്തിച്ചേരണം. ജനറൽ, എസ്ഇബിസി, ബിപിഎൽ സീറ്റുകളിൽ ഒഴിവുകളുണ്ട്. ഐഎംകെ സെലക്ട് ലിസ്റ്റിലെ റാങ്ക് അനുസരിച്ച് സീറ്റുകൾ അനുവദിക്കും.
പുതുക്കിയ പരീക്ഷാതീയതി
തിരുവനന്തപുരം നഗരസഭാ പരിധിയിൽ ജൂലൈ ആറിന് ലോക്ഡൗണ് കാരണം മാറ്റിവച്ച അഞ്ചാം സെമസ്റ്റർ ഇന്‍റഗ്രേറ്റഡ് പഞ്ചവത്സര ബിഎ എൽഎൽബി/ബികോം എൽഎൽബി/ബിബിഎ എൽഎൽബി ഡിഗ്രി പരീക്ഷയുടെ പേപ്പർ 3 സിവിൽ പ്രൊസീഡ്യുർ കോഡ് ആൻഡ് ലിമിറ്റേഷൻസ് ആക്ട് സെപ്റ്റംബർ 14ന് നടത്തും. തിരുവനന്തപുരം നഗരസഭ പരിധിക്കുള്ളിൽ പരീക്ഷാകേന്ദ്രം ആവശ്യപ്പെട്ട വിദ്യാർഥികൾ നേരത്തെ തെരഞ്ഞെടുത്ത കേന്ദ്രങ്ങളിൽ തന്നെ പരീക്ഷ എഴുതണം. മറ്റ് സബ്സെന്‍ററുകൾ തെരഞ്ഞെടുക്കുകയും എന്നാൽ പരീക്ഷ എഴുതാൻ കഴിയാത്തതുമായ വിദ്യാർഥികൾക്കും പ്രസ്തുത പരീക്ഷ കേരള സർവകലാശാലയുടെ കീഴിലുള്ള ലോ കോളജുകളിൽ എഴുതാം. ജൂലൈ എട്ടിന് നടത്താൻ നിശ്ചയിച്ചിരുന്ന പേപ്പർ നാല് ഫാമിലി ലോ രണ്ട് , സെപ്റ്റംബർ എട്ടിലേക്കും ജൂലൈ 10ന് നടത്താൻ നിശ്ചയിച്ചിരുന്ന പേപ്പർ അഞ്ച് കോണ്സ്റ്റിറ്റ്യൂഷൻ ലോ രണ്ട് , സെപ്റ്റംബർ 11ലേക്കും പുനഃക്രമീകരിച്ചിരിക്കുന്നു. വിദ്യാർഥികൾക്ക് സർവകലാശാല പരിധിയിലുള്ള ലോ കോളജുകൾ സൗകര്യപ്രദമായി തെരഞ്ഞെടുക്കാം. പരീക്ഷാകേന്ദ്രം മാറാൻ ആഗ്രഹിക്കുന്ന വിദ്യാർഥികൾ അതത് കോളജ് പ്രിൻസിപ്പൾമാരെ സെപ്റ്റംബർ നാലിന് മുന്പ് അറിയിക്കണം.
പരീക്ഷാഫലം
2020 ജനുവരിയിൽ നടന്ന ഒന്നാം സെമസ്റ്റർ ബികോം കൊമേഴ്സ് ആൻഡ് ടൂറിസം ആൻഡ് ട്രാവൽ മാനേജ്മെന്‍റ് (2013 ന് മുന്പുള്ള അഡ്മിഷൻ), 2019 നവംബറിൽ നടന്ന രണ്ടാം സെമസ്റ്റർ ബികോം കൊമേഴ്സ് ആൻഡ് ടൂറിസം ആൻഡ് ട്രാവൽ മാനേജ്മെന്‍റ് (2013 ന് മുന്പുള്ള അഡ്മിഷൻ), 2019 ജൂലൈയിൽ നടന്ന നാലാം സെമസ്റ്റർ ബികോം കൊമേഴ്സ് ആൻഡ് ടൂറിസം ആൻഡ് ട്രാവൽ മാനേജ്മെന്‍റ് എന്നീ പരീക്ഷകളുടെ (2010, 2011 ലെ മേഴ്സിചാൻസ്, 2012 ലെ സപ്ലിമെന്‍ററി ചാൻസ് ഉൾപ്പെടെ) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്‍ലൈനായി സെപ്റ്റംബർ 14വരെ അപേക്ഷിക്കാം.
2020 ജനുവരിയിൽ നടത്തിയ ഒന്നാം സെമസ്റ്റർ സിബിസി‌എസ്എസ് ബിഎസ്‌സി ബിരുദ പരീക്ഷയുടെ (2013 നു മുൻപുള്ള സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും സെപ്റ്റംബർ 14 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2019 ഡിസംബറിൽ നടന്ന മൂന്നാം സെമസ്റ്റർ എംഎ സോഷ്യോളജി, എംഎസ്ഡബ്ല്യൂ, എംഎസ്‌സി ബോട്ടണി, ഹോം സയൻസ് (റെഗുലർ/സപ്ലിമെന്‍ററി) പരീക്ഷാഫലം പ്രസിദ്ധീകരിച്ചു. സൂക്ഷ്പരിശോധനയക്ക് അപക്ഷിക്കുന്നതിനുളള തീയതി പിന്നീട് അറിയിക്കും. വിശദവിവരങ്ങൾ വെബ്സൈറ്റിൽ.
ബിരുദ പ്രവേശനം 2020 സെന്‍റ്.മേരീസ് കോളജ്, മുളവനയെ ഓണ്‍ലൈൻ പോർട്ടലിൽ ഉൾപ്പെടുത്തി
കേരള സർവകലാശാലയോട് അഫിലിയേറ്റ് ചെയ്തിട്ടുളള സെന്‍റ്.മേരീസ് കോളജിനെ (മുളവന, കൊല്ലം) ഓണ്‍ലൈൻ അഡ്മിഷൻ പോർട്ടലിൽ ഉൾപ്പെടുത്തി. ബിഎ ഇംഗ്ലീഷ്, ബികോം ഫിനാൻസ് എന്നീ കോഴ്സുകളിലേക്ക് താൽപര്യമുള്ള വിദ്യാർഥികൾക്ക് ഓണ്‍ലൈനായി അപേക്ഷ സമർപ്പിക്കാം. നിലവിൽ അപേക്ഷ സമർപ്പിച്ച വിദ്യാർഥികൾക്കും തങ്ങളുടെ അപേക്ഷയിൽ ഈ കോളജും കോഴ്സുകളും ചേർക്കാം. അപേക്ഷയിൽ മാറ്റം വരുത്തുന്ന വിദ്യാർഥികൾ മാറ്റം വരുത്തിയ അപേക്ഷയുടെ പുതിയ പ്രിന്‍റൗട്ട് എടുത്ത് തുടർ ആവശ്യങ്ങൾക്കായി സൂക്ഷിക്കണം. അപേക്ഷ സമർപ്പിക്കേണ്ട അവസാന തീയതി സെപ്റ്റംബർ ഒന്പത്. അപേക്ഷകൾ ഒന്നും തന്നെ സർവകലാശാലയിലേക്ക് അയയ്ക്കരുത്. വിശദവിവരങ്ങൾ വെബ്സൈറ്റിൽ.
ലൈഫ് സർട്ടിഫിക്കറ്റ് തീയതി നീട്ടി
പെൻഷൻകാർക്കും ഫാമിലി പെൻഷൻകാർക്കും ലൈഫ് സർട്ടിഫിക്കറ്റ് സമർപ്പിക്കാനുള്ള സമയപരിധി 2020 സെപ്റ്റംബർ 30 വരെ നീട്ടി.