ഒന്നാം സെമസ്റ്റർ എംടെക് (ഫുൾടൈം/പാർട്ട്ടൈം) മൂന്നാം സെമസ്റ്റർ എംടെക് (പാർട്ട്ടൈം) (2013 സ്കീം സപ്ലിമെന്ററി, ജനുവരി 2020) പരീക്ഷകളുടെ പുതുക്കിയ ടൈംടേബിൾ പ്രസിദ്ധീകരിച്ചു. കോളജ് ഓഫ് എൻജിനിയറിംഗ്, തിരുവനന്തപുരം പരീക്ഷാകേന്ദ്രമായി അനുവദിച്ചിരിക്കുന്നു. അഡ്മിഷൻ ടിക്കറ്റുകൾ 2020 ഏഴു മുതൽ പരീക്ഷാ കേന്ദ്രത്തിൽ നിന്നും ലഭ്യമാകും. വിശദവിവരങ്ങൾ വെബ്സൈറ്റിൽ.
ജനുവരി ഒന്പത്, ഫെബ്രുവരി നാല് തീയതികളിൽ ആരംഭിക്കുന്ന ഒന്ന് രണ്ട് സെമസ്റ്റർ എംഎ/എംഎസ്സി/എംകോം റെഗുലർ ആൻഡ് സപ്ലിമെന്ററി (എസ്ഡിഇ) പരീക്ഷയ്ക്ക് രജിസ്റ്റർ ചെയ്ത വിദ്യാർഥികൾ ഹാൾടിക്കറ്റിൽ രേഖപ്പെടുത്തിയിരിക്കുന്ന പരീക്ഷാകേന്ദ്രങ്ങളിൽ പരീക്ഷ എഴുതണം. വിദ്യാർഥികൾ അംഗീകൃത തിരിച്ചറിയൽ രേഖകളുമായി പരീക്ഷാ കേന്ദ്രങ്ങളിൽ എത്തേണ്ടതാണ്. ഹാൾടിക്കറ്റുകൾ നാലു മുതൽ പ്രൊഫൈലിൽ നിന്നും എടുക്കാം.
പരീക്ഷാഫലം
2019 ഓഗസ്റ്റിൽ നടത്തിയ അവസാന വർഷ ബിഡിഎസ് പാർട്ട് (സപ്ലിമെന്ററി 2008 സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒന്പതുവരെ അപേക്ഷിക്കാം.
ക്ലാസ് ആരംഭിക്കും
സർവകലാശാല അറബിക് വിഭാഗം നടത്തുന്ന കമ്മ്യൂണിക്കേറ്റീവ് അറബിക് സർട്ടിഫിക്കറ്റ് കോഴ്സിന്റെ ആറാമത് ബാച്ചിന്റെ ക്ലാസുകൾ നാലിന് രാവിലെ 10ന് ആരംഭിക്കും. രജിസ്റ്റർ ചെയ്തിട്ടുള്ള എല്ലാ വിദ്യാർഥികളും കാര്യവട്ടത്തുള്ള അറബിക് വിഭാഗത്തിൽ എത്തിച്ചേരണം.
പ്രോഗ്രാമർ വാക്ഇൻഇന്റർവ്യൂ മാറ്റി
സർവകലാശാലയുടെ കന്പ്യൂട്ടർ സെന്ററിൽ കരാർ അടിസ്ഥാനത്തിൽ പ്രോഗ്രാമറെ നിയമിക്കുന്നതിനായി നാലിന് നടത്താനിരുന്ന വാക് ഇൻ ഇന്റർവ്യൂ മാറ്റിവച്ചു. പുതുക്കിയ തീയതി പിന്നീട് അറിയിക്കും.
സർട്ടിഫിക്കറ്റ് വിതരണം
തുടർ വിദ്യാഭ്യാസ വ്യാപന കേന്ദ്രം (സിഎസിഇഇ) 2019 മേയിൽ നടത്തിയ സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് (സിഎൽഐഎസ്സി) പ്രോഗ്രാമിന്റെ സർട്ടിഫിക്കറ്റ് വിതരണത്തിന് തയാറായിട്ടുണ്ട്. വിദ്യാർഥികൾ ഹാൾടിക്കറ്റ് സഹിതം ഹാജരാകണം.