ആദിശങ്കര എൻജി. കോളജിൽ വിവിധ കോഴ്സുകൾ
കാലടി: ആദിശങ്കര എൻജിനിയറിംഗ് കോളജിൽ ഐബിഎം (ഇന്റർനാഷണൽ ബിസിനസ് മെഷീൻസ് കോർപറേഷൻ) ന്റെ നേതൃത്വത്തിൽ വിവിധ കോഴ്സുകൾ ആരംഭിക്കുന്നു. ഐബിഎം സീനിയർ കണ്സൾട്ടന്റ് ദിനേശ് ബാലിക കോഴ്സുകളുടെ പ്രഖ്യാപനം നടത്തി.
കേരള സർക്കാരിന്റെ സ്കിൽസ് പാർക്കായ അസാപ്പിന്റെ സഹകരണത്തോടെയാണ് കോഴ്സുകൾ നടത്തുന്നത്. ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ്, ബ്ലോക്ക് ചെയിൽ, ബിസിനസ് അനലെറ്റിക്സ്, സൈബർ സെക്യൂരിറ്റി, ഡേറ്റ സയൻസ് ആൻഡ് ഇന്റർനെറ്റ് ഓഫ് തിംഗ്സ് എന്നീ കോഴ്സുകളാണ് നടത്തുന്നത്. 150 മണിക്കൂറാണ് കോഴ്സ് ദൈർഘ്യം. ഈ കോഴ്സുകളിൽ വിദ്യാർഥികൾക്ക് ഐബിഎം മികച്ച പരിശീലനവും സർട്ടിഫിക്കറ്റുകളും നൽകും.