ആയുർവേദ ഫാർമസിസ്റ്റ്, നഴ്സ് നിയമനം
കൊച്ചി: ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസിനു കീഴിലുളള സ്ഥാപനങ്ങളിലെ ഇനി പറയുന്ന തസ്തികകളിലേക്കു ദിവസവേതനാടിസ്ഥാനത്തിൽ താത്കാലിക നിയമനം നടത്തും. ആയുർവേദ ഫാർമസിസ്റ്റ് തസ്തികയിലേക്ക് 18നു രാവിലെ 11ന് കൂടിക്കാഴ്ച നടക്കും. യോഗ്യത: എസ്എസ്എൽസി, ഡിഎഎംഇ അംഗീകരിച്ച ആയുർവേദ ഫാർമസിസ്റ്റ് ട്രെയിനിംഗ് സർട്ടിഫിക്കറ്റ്.
ആയുർവേദ നഴ്സ് തസ്തികയിലേക്കു 18നു ഉച്ചകഴിഞ്ഞു രണ്ടിനു കൂടിക്കാഴ്ച നടക്കും. യോഗ്യത: എസ്എസ്എൽസി, ഡിഎഎംഇ അംഗീകരിച്ച ആയുർവേദ ഫാർമസിസ്റ്റ് ട്രെയിനിംഗ് സർട്ടിഫിക്കറ്റ്.
ഉദ്യോഗാർഥികൾ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്ന രേഖകൾ സഹിതം എറണാകുളം തമ്മനത്തുളള ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസറുടെ കാര്യാലയത്തിൽ ഹാജരാകണം.