മൂന്നാം സെമസ്റ്റർ ബിടെക് (2013 സ്കീം) മേയ് 2019 (സപ്ലിമെന്‍ററി) ഇലക്ട്രിക്കൽ ആൻഡ് ഇലക്ട്രോണിക്സ് ബ്രാഞ്ച് ലാബ് എക്സാമിനേഷൻ കോളജ് ഓഫ് എൻജിനിയറിംഗ് തിരുവനന്തപുരത്തും, ടികെഎം കോളജ് ഓഫ് എൻജിനിയറിംഗ് കൊല്ലത്തും 26മുതൽ നടത്തും. വിശദവിവരങ്ങൾ വെബ്സൈറ്റിൽ.
ടൈംടേബിൾ
മൂന്നാം സെമസ്റ്റർ എംഎഫ്എ (പെയിന്‍റിംഗ് & സ്കൾപ്പ്ച്ചർ) പരീക്ഷകൾ 24ന് ആരംഭിക്കും. വിശദവിവരങ്ങൾ വെബ്സൈറ്റിൽ.
പരീക്ഷാകേന്ദ്രം
24 ന് ആരംഭിക്കുന്ന അഞ്ചും ആറും സെമസ്റ്റർ ബിബിഎ (വിദൂരവിദ്യാഭ്യാസം) സപ്ലിമെന്‍ററി പരീക്ഷകൾക്ക് തിരുവനന്തപുരം പരീക്ഷാകേന്ദ്രമായി അപേക്ഷിച്ചവർ ഗവ.ആർട്സ് കോളജ് തിരുവനന്തപുരത്തു നിന്നും കൊല്ലം പരീക്ഷാകേന്ദ്രമായി അപേക്ഷിച്ചവർ എസ്.എൻ കോളജ് കൊല്ലത്തു നിന്നും ആലപ്പുഴ പരീക്ഷാകേന്ദ്രമായി അപേക്ഷിച്ചവർ എം.എസ്.എം കോളജ് കായംകുളത്തു നിന്നും ഹാൾടിക്കറ്റ് വാങ്ങി അതാത് കേന്ദ്രത്തിൽ പരീക്ഷ എഴുതണം.
പരീക്ഷാവിജ്ഞാപനം
2019 സെപ്റ്റംബറിൽ ആരംഭിക്കുന്ന നാലാം സെമസ്റ്റർ എംഎ/എംഎസ്‌സി/എംകോം മേഴ്സിചാൻസ് പരീക്ഷയുടെ വിജ്ഞാപനം പ്രസിദ്ധീകരിച്ചു. പിഴ കൂടാതെ 29 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
സെപ്റ്റംബറിൽ ആരംഭിക്കുന്ന നാലാം സെമസ്റ്റർ എംഎ/എംഎസ്‌സി/എംകോം/എംഎസ്‌ഡബ്ല്യൂ/എംപിഎ/എംഎംസിജെ പരീക്ഷയുടെ ഓണ്‍ലൈൻ രജിസ്ട്രേഷൻ 18ന് ആരംഭിക്കും. പിഴ കൂടാതെ 29 വരെയും 50 രൂപ പിഴയോടെ ഓഗസ്റ്റ് ഒന്നുവരെയും 125 രൂപ പിഴയോടെ ഓഗസ്റ്റ് മൂന്നുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാഫലം
എട്ടാം സെമസ്റ്റർ ബിടെക് (2013 സ്കീം)ഡിസംബർ 2018 സപ്ലിമെന്‍ററി പരീക്ഷയുടെ ഇൻഫർമേഷൻ ടെക്നോളജി ബ്രാഞ്ചിന്‍റെ പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്‍ലൈനായി 27വരെ അപേക്ഷിക്കാം. കരട് മാർക്ക് ലിസ്റ്റ് വെബ്സൈറ്റിൽ ലഭ്യമാണ്.
അപേക്ഷ ക്ഷണിക്കുന്നു
വിദൂര വിദ്യാഭ്യാസ വിഭാഗം എസ്‌സി/എസ്ടി/ഒബിസി ന്യൂനപക്ഷ വിദ്യാർഥികൾക്കായി 2019 ഓഗസ്റ്റിൽ ആരംഭിക്കുന്ന സൗജന്യ യുജിസി/നെറ്റ് പരിശീലന ക്ലാസിലേയ്ക്ക് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി 30. വിശദവിവരങ്ങൾക്ക് www.ideku.net
ഹോട്ടൽ മാനേജ്മെന്‍റ് ആൻഡ് കോഴ്സിന് അപേക്ഷിക്കാം
സർവകലാശാലയോട് അഫിലിയേറ്റ് ചെയ്തിട്ടുള്ള ലൂർദ് മാതാ ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്‍റ് ആൻഡ് കേറ്ററിംഗ് ടെക്നോളജി, തിരുവനന്തപുരം, സ്നേഹാചാര്യ ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്‍റ് ആൻഡ് കേറ്ററിംഗ് ടെക്നോളജി, ആലപ്പുഴ, ശ്രീനാരായണഗുരു മെമ്മോറിയൽ കേറ്ററിംഗ് കോളജ്, ആലപ്പുഴ എന്നീ കോളജുകളിലെ 2019 20 അധ്യയന വർഷത്തിലെ ഒന്നാം വർഷ ബാച്ചിലർ ഓഫ് ഹോട്ടൽ മാനേജ്മെന്‍റ് ആൻഡ് കേറ്ററിംഗ് ടെക്നോളജി ഡിഗ്രി കോഴ്സിലേക്ക് പ്രവേശനത്തിനായി അപേക്ഷകൾ സ്വീകരിക്കുന്നു. അപേക്ഷകൾ സമർപ്പിക്കേണ്ട അവസാന തീയതി 26. വിശദവിവരങ്ങൾ സർവകലാശാല വെബ്സൈറ്റിൽ.
ഒന്നാം വർഷ ബിരുദ പ്രവേശനത്തിനുള്ള രണ്ടാം സപ്ലിമെന്‍ററി അലോട്ട്മെന്റ് പ്രസിദ്ധപ്പെടുത്തി.
18, 19, 20 തീയതികളിൽ കോളജ് പ്രവേശനം
സർവകലാശാലയുടെ 201920 അധ്യയന വർഷത്തെ ബിരുദ പ്രവേശനത്തിനുള്ള രണ്ടാം സപ്ലിമെന്‍ററി അലോട്ട്മെന്റ് വെബ്സൈറ്റിൽ പ്രസിദ്ധപ്പെടുത്തി. അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. കേന്ദ്രീകൃത അലോട്ട്മെന്റ് സംവിധാനത്തിലൂടെ ഇതു വരെയും ഒരു കോളജുകളിലും പ്രവേശനം ലഭിക്കാത്തതും എന്നാൽ ഈ അലോട്ട്മെന്റിൽ പുതുതായി അലോട്ട്മെന്റ് ലഭിക്കുകയും ചെയ്യുന്നവർ യൂണിവേഴ്സിറ്റി ഫീസ് ഓണ്‍ലൈൻ വഴി ഒടുക്കണം. ഫീസ് അടച്ചവർ അലോട്ട്മെന്റ് മെമ്മോ പ്രിന്‍റെടുക്കേണ്ടതും മെമ്മോയിൽ പറഞ്ഞിരിക്കുന്ന കോളജിൽ പ്രവേശനം നേടേണ്ടതുമാണ്.
രണ്ടാം സപ്ലിമെന്‍ററി അലോട്ട്മെന്റ് പ്രകാരം ലഭിക്കുന്ന കോളജും, കോഴ്സും തൃപ്തികരമല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടേണ്ടതിനായി അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അലോട്ട്മെന്റ് ലഭിച്ച കോളജിൽ പ്രവേശനം നേടണം.