സ്‌പോട്ട് അഡ്മിഷന്‍
Wednesday, August 20, 2025 9:52 PM IST
മൂലമറ്റം സെന്റ് ജോസഫ് അക്കാദമി ഓഫ് ഹയര്‍ എജ്യുക്കേഷന്‍ ആന്‍ഡ് റിസേര്‍ച്ചില്‍ ബിപിഇഎഡ് പ്രോഗ്രാമില്‍ മൂന്നു സീറ്റുകള്‍ ഒഴിവുണ്ട്. സര്‍വകലാശാലാ ക്യാറ്റ് പ്രോസ്‌പെക്ടസ് പ്രകാരം യോഗ്യതയുള്ള വിദ്യാര്‍ഥികള്‍ 25നു രാവിലെ 7.30 ന് അസല്‍ രേഖകളുമായി എംജി സര്‍വകലാശാലയിലെ സ്‌കൂള്‍ ഓഫ് ഫിസിക്കല്‍ എജ്യുക്കേഷന്‍ ആന്‍ഡ് സ്‌പോര്‍ട്‌സ് സയന്‍സസില്‍ എത്തണം. അഡ്മിഷന്‍ നടപടികളുടെ ഭാഗമായി കായികക്ഷമതാ പരീക്ഷ, എഴുത്തു പരീക്ഷ, സര്‍ട്ടിഫിക്കറ്റ് പരിശോധന എന്നിവ അന്നുതന്നെ നടത്തും. 04812733377
പ്രാക്ടിക്കല്‍
ഒന്നാം വര്‍ഷ എംഎസ്്‌സി മെഡിക്കല്‍ മൈക്രോബയോളജി, എംഎസ്്‌സി കംപ്യുട്ടര്‍ സയന്‍സ് (2024 അഡ്മിഷന്‍ റെഗുലര്‍, 2021 മുതല്‍ 2023 വരെ അഡ്മിഷനുകള്‍ സപ്ലിമെന്ററി, 2020 അഡ്മിഷന്‍ ആദ്യ മേഴ്‌സി ചാന്‍സ്, 2019 അഡ്മിഷന്‍ രണ്ടാം മേഴ്‌സി ചാന്‍സ്, 2018 അഡ്മിഷന്‍ മൂന്നാം മേഴ്‌സി ചാന്‍സ് ജൂലൈ 2025) പരീക്ഷയുടെ പ്രാക്ടിക്കല്‍ പരീക്ഷകള്‍ 26 മുതല്‍ നടക്കും. ടൈം ടേബിള്‍ വെബ് സൈറ്റില്‍.
പരീക്ഷാ ഫലം
മൂന്നാം സെമസ്റ്റര്‍ പിജിസിഎസ്എസ് എംഎസ്്‌സി സുവോളജി (2023 അഡ്മിഷന്‍ തോറ്റവര്‍ക്കുള്ള സ്‌പെഷല്‍ റീഅപ്പിയറന്‍സ് ഏപ്രില്‍ 2025) പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും സെപ്റ്റംബര്‍ നാലു വരെ ഓണ്‍ലൈനില്‍ അപേക്ഷിക്കാം. വിശദ വിവരങ്ങള്‍ studentportal.mgu.ac.in എന്ന ലിങ്കില്‍.
പരീക്ഷ തീയതി
മോഡല്‍ ഒന്ന് ആനുവല്‍ സ്‌കീം ബിഎ, ബിഎസ്്‌സി, ബികോം പാര്‍ട്ട് ഒന്ന് ഇംഗ്ലീഷ് പരീക്ഷകള്‍ സെപ്റ്റംബര്‍ 15 മുതല്‍ നടക്കും. ടൈം ടേബിള്‍ വെബ് സൈറ്റില്‍.
ഓണം അവധി
എംജി സര്‍വകലാശാലയുടെ അഫിലിയേറ്റഡ് കോളജുകള്‍ക്കും പഠന വകുപ്പുകള്‍ക്കും സെന്ററുകള്‍ക്കും 30 മുതല്‍ സെപ്റ്റംബര്‍ എട്ടുവരെ ഓണം അവധിയായിരിക്കും. അവധിക്കുശേഷം സെപ്റ്റംബര്‍ ഒന്‍പതു മുതല്‍ തുറന്നുപ്രവര്‍ത്തിക്കും.