എ​ൻ സ്വ​രം പൂ​വി​ടും ഗാ​ന​മേ.... എ​ന്ന പാ​ട്ട് മൂ​ളാ​ത്ത സി​നി​മാ​പ്രേ​മി​ക​ൾ​ക്ക് ത​ല​മു​റ​വ്യ​ത്യാ​സ​മു​ണ്ടാ​വി​ല്ല. അ​നു​പ​ല്ല​വി എ​ന്ന ചി​ത്ര​ത്തി​ലെ ഈ ​ഗാ​ന​രം​ഗ​ത്തി​ൽ നി​റ​ഞ്ഞാ​ടു​ന്ന ആ ​നാ​യ​ക​നെ ഒ​രു പ​ക്ഷേ ന്യൂ​ജെ​ൻ പ്രേ​ക്ഷ​ക​ർ​ക്ക് അ​റി​യി​ല്ലാ​യി​രി​ക്കാം.

തു​ടു​ത്ത​ക​വി​ളു​ക​ളും ഹി​പ്പി​ഹെ​യ​ർ​സ്റ്റൈ​ലു​മാ​യി എ​ഴു​പ​തു​ക​ളി​ൽ നി​റ​ഞ്ഞാ​ടി​യ പ്ര​ണ​യ​നാ​യ​ക​ൻ ര​വി​കു​മാ​ർ. മ​ല​യാ​ള​ത്തി​ൽ സു​ദീ​ർ​ഘ കാ​ല​മൊ​ന്നും ഈ ​ന​ട​ന്‍റെ സാ​ന്നി​ധ്യ​മു​ണ്ടാ​യി​രു​ന്നി​ല്ല. എ​ങ്കി​ലും ക​രി​യ​റി​ൽ നി​റ​ഞ്ഞു നി​ന്ന കാ​ല​യ​ള​വി​ൽ എ​ക്കാ​ല​വും ഓ​ർ​മി​ക്കു​ന്ന സി​നി​മ​ക​ളു​ടെ ഭാ​ഗ​മാ​കാ​ൻ ര​വി​കു​മാ​റി​ന് ക​ഴി​ഞ്ഞു. ഓ​രോ ന​ട​നും ഇ​മേ​ജു​ക​ളു​ടെ വ​ല​യ​ത്തി​ൽ​ൽ​പ്പെ​ട്ടി​രു​ന്ന എ​ഴു​പ​തു​ക​ളി​ൽ പ്ര​ണ​യ​നാ​യ​ക​ൻ എ​ന്ന പേ​രി​ൽ അ​റി​യ​പ്പെ​ടാ​നാ​യി​രു​ന്നു ര​വി​കു​മാ​റി​ന് യോ​ഗം.

അ​ദ്ദേ​ഹ​ത്തി​ന്‍റെ രൂ​പ​ഭാ​വ​ങ്ങ​ളും അ​തി​ന് ഏ​റെ ഗു​ണം ചെ​യ്തു. 1975ൽ ​ഉ​ല്ലാ​സ​യാ​ത്ര എ​ന്ന ചി​ത്ര​ത്തി​ലൂ​ടെ നാ​യ​ക​നാ​യി അ​ര​ങ്ങേ​റി​യ ര​വി​കു​മാ​ർ എ​ൺ​പ​തു​ക​ളു​ടെ തു​ട​ക്കം വ​രെ തി​ര​ക്കു​ള്ള ന​ട​നാ​യി​രു​ന്നു. റൊ​മാ​ന്‍റി​ക് ഹീ​റോ ഇ​മേ​ജി​ൽ നി​ൽ​ക്കു​ന്പോ​ഴും നെ​ഗ​റ്റീ​വ് ക​ഥാ​പാ​ത്ര​ങ്ങ​ളെ​യും അ​ദ്ദേ​ഹം അ​വ​ത​രി​പ്പി​ച്ചു. പ്രേം​ന​സീ​ർ, സു​കു​മാ​ര​ൻ, സോ​മ​ൻ, ജ​യ​ൻ, രാ​ഘ​വ​ൻ തു​ട​ങ്ങി അ​ന്ന​ത്തെ മു​ൻ​നി​ര​താ​ര​ങ്ങ​ൾ നി​റ​ഞ്ഞു നി​ൽ​ക്കു​ന്പോ​ൾ ത​ന്നെ ത​ന്‍റേ​താ​യ മേ​ൽ​വി​ലാ​സം നേ​ടാ​ൻ ക​ഴി​ഞ്ഞു എ​ന്ന​താ​ണ് ര​വി​കു​മാ​റി​ന്‍റെ നേ​ട്ടം.

ര​വി​കു​മാ​ർ ആ​ദ്യ​മാ​യി നാ​യ​ക​നാ​യ ഉ​ല്ലാ​സ​യാ​ത്ര​യി​ൽ ജ​യ​നാ​യി​രു​ന്നു വി​ല്ല​ൻ. തു​ട​ർ​ന്ന് അ​ങ്ങാ​ടി എ​ന്ന ഹി​റ്റ് ചി​ത്ര​ത്തി​ൽ ജ​യ​ൻ നാ​യ​ക​നും ര​വി​കു​മാ​ർ വി​ല്ല​നു​മാ​യി. വി​ല്ല​ൻ വേ​ഷ​ങ്ങ​ളി​ൽ ശ്ര​ദ്ധി​ക്ക​പ്പെ​ട്ടെ​ങ്കി​ലും കാ​ൽ​പ​നി​ക നാ​യ​ക​ൻ എ​ന്ന ഇ​മേ​ജ് ആ​ണ് ര​വി​കു​മാ​റി​നെ ഏ​റെ പ്ര​ശ​സ്ത​നാ​ക്കി​യ​ത്. പ്ര​ണ​യ​സ​രോ​വ​ര തീ​രം.... സ​ന്ധ്യ​ത​ൻ അ​മ്പ​ല​ത്തി​ൽ തു​ട​ങ്ങി നി​ര​വ​ധി ഹി​റ്റ് ഗാ​ന​രം​ഗ​ങ്ങ​ൾ ആ ​ഇ​മേ​ജി​ന് മാ​റ്റു​കൂ​ട്ടി. ഐ.​വി. ശ​ശി​യാ​ണ് ര​വി​കു​മാ​റി​ന് ഏ​റെ അ​വ​സ​ര​ങ്ങ​ൾ ന​ല്കി​യ​ത്.

അ​വ​ളു​ടെ​രാ​വു​ക​ൾ, അ​യ​ൽ​ക്കാ​രി, അ​ഭി​നി​വേ​ശം, ആ ​നി​മി​ഷം, ആ​ശീ​ർ​വാ​ദം, അം​ഗീ​കാ​രം, അ​മ​ർ​ഷം, ഏ​ഴാം​ക​ട​ലി​ന​ക്ക​രെ, അ​ങ്ങാ​ടി, കാ​ന്ത​വ​ല​യം തു​ട​ങ്ങി അ​ക്കാ​ല​ത്തെ ഒ​ട്ടു​മി​ക്ക ശ​ശി​ചി​ത്ര​ങ്ങ​ളി​ലെ​യും സ്ഥി​ര സാ​ന്നി​ധ്യ​മാ​യി​രു​ന്നു ര​വി​കു​മാ​ർ. നാ​ഗ​മ​ഠ​ത്തു ത​ന്പു​രാ​ട്ടി, മ​ദ്രാ​സി​ലെ മോ​ൻ, മാ​റ്റു​വി​ൻ ച​ട്ട​ങ്ങ​ളെ, ജം​ബു​ലിം​ഗം, കൊ​ടു​ങ്കാ​റ്റ്, താ​വ​ളം, ക​ർ​ത്ത​വ്യം, ലി​സ, സ​ർ​പ്പം, തീ​ക്ക​ട​ൽ തു​ട​ങ്ങി ഒ​ട്ടേ​റെ ഹി​റ്റ് ചി​ത്ര​ങ്ങി​ലും സാ​ന്നി​ധ്യ​മ​റി​യി​ച്ചു. തൃ​ശൂ​ർ സ്വ​ദേ​ശി​യാ​യ സി​നി​മാ​നി​ർ​മാ​താ​വ് കെ.​എം.​കെ മേ​നോ​ന്‍റെ മ​ക​നാ​യി ചെ​ന്നൈ​യി​ലാ​ണ് ര​വി​കു​മാ​ർ ജ​നി​ച്ച​തും വ​ള​ർ​ന്ന​തു​മെ​ല്ലാം. അ​തു​കൊ​ണ്ടു ത​ന്നെ മ​ല​യാ​ള​സി​നി​മ​യി​ൽ അ​ഭി​ന​യി​ക്കു​ന്ന​തി​ന​പ്പു​റം കേ​ര​ള​വു​മാ​യി ര​വി​കു​മാ​റി​ന് വ​ലി​യ ബ​ന്ധ​ങ്ങ​ളി​ല്ലാ​യി​രു​ന്നു.

എ​ൺ​പ​തു​ക​ളു​ടെ പ​കു​തി​യോ​ടെ ചെ​ന്നൈ​യി​ൽ നി​ന്ന് മ​ല​യാ​ള​സി​നി​മ പ​തു​ക്ക​പ്പ​തു​ക്കെ കേ​ര​ള​ത്തി​ലേ​ക്കു പ​റി​ച്ചു ന​ട്ട​തോ​ടെ ര​വി​കു​മാ​റി​നെ​പ്പോ​ലു​ള്ള​വ​ർ ത​ഴ​യ​പ്പെ​ടു​ക​യാ​യി​രു​ന്നു. ത​മി​ഴി​ലും ഒ​ട്ടേ​റെ അ​വ​സ​ര​ങ്ങ​ൾ ല​ഭി​ച്ച ര​വി​കു​മാ​ർ മ​ല​യാ​ള​സി​നി​മ​യി​ൽ കാ​ര്യ​മാ​യി ശ്ര​ദ്ധി​ച്ച​തു​മി​ല്ല. ഒ​ട്ടേ​റെ ത​മി​ഴ് സി​നി​മ​ക​ളി​ലെ കാ​ര​ക്ട​ർ വേ​ഷ​ങ്ങ​ളി​ലൂ​ടെ അ​ദ്ദേ​ഹം ക​രി​യ​റി​ൽ സ​ജീ​വ​മാ​യി. അ​വ​സാ​ന​കാ​ല​ത്ത് ത​മി​ഴ്സീ​രി​യ​ലു​ക​ളി​ലും നി​റ​സാ​ന്നി​ധ്യ​മാ​യി​രു​ന്നു ര​വി​കു​മാ​ർ.

മ​ല​യാ​ള​സി​നി​മ​യി​ലെ വ​സ​ന്ത​കാ​ല​മാ​ണ് ത​ന്‍റെ ഓ​ർ​മ​ക​ളെ സു​ന്ദ​ര​മാ​ക്കു​ന്ന​തെ​ന്ന് അ​ടു​ത്തി​ടെ ഒ​ര​ഭി​മു​ഖ​ത്തി​ൽ അ​ദ്ദേ​ഹം പ​റ​ഞ്ഞു. ത​നി​ക്കി​പ്പോ​ൾ‌ മ​ല​യാ​ള​സി​നി​മ​യു​മാ​യ ബ​ന്ധ​മൊ​ന്നു​മി​ല്ല. അ​ന്ന് കൂ​ടെ അ​ഭി​ന​യി​ച്ച പ​ല ആ​ർ​ട്ടി​സ്റ്റു​ക​ളെ​യും കാ​ണ​ണ​മെ​ന്ന് മോ​ഹ​മു​ണ്ട്.. അ​തി​നു​ള്ള ശ്ര​മ​ത്തി​ലാ​ണെ​ന്നും അ​ഭി​മു​ഖ​ത്തി​ൽ അ​ദ്ദേ​ഹം പ​റ​ഞ്ഞി​രു​ന്നു.