അ​നു​വാ​ദ​മി​ല്ലാ​തെ അ​പ​കീ​ർ​ത്തി​പ്പെ​ടു​ത്തും​വി​ധം അ​ധ്യാ​പി​ക​യു​ടെ ഫോ​ട്ടോ സി​നി​മ​യി​ൽ ഉ​പ​യോ​ഗി​ച്ച സി​നി​മാ​പ്ര​വ​ർ​ത്ത​ക​ർ​ക്കെ​തി​രേ ന​ഷ്ട​പ​രി​ഹാ​രം ന​ൽ​കാ​ൻ മു​നി​സി​ഫ് കോ​ട​തി വി​ധി. ആ​ന്‍റ​ണി പെ​രു​ന്പാ​വൂ​ർ നി​ർ​മി​ച്ച് പ്രി​യ​ദ​ർ​ശ​ൻ സം​വി​ധാ​നം​ചെ​യ്ത ഒ​പ്പം സി​നി​മ​യി​ലാ​ണ് അ​ധ്യാ​പി​ക​യു​ടെ ഫോ​ട്ടോ ഉ​പ​യോ​ഗി​ച്ച​ത്.

കാ​ടു​കു​റ്റി വ​ട്ടോ​ലി സ​ജി ജോ​സ​ഫി​ന്‍റെ ഭാ​ര്യ​യും കൊ​ടു​ങ്ങ​ല്ലൂ​ർ അ​സ്മാ​ബി കോ​ള​ജ് അ​ധ്യാ​പി​ക​യു​മാ​യ പ്രി​ൻ​സി ഫ്രാ​ൻ​സി​സ് അ​ഡ്വ. പി. ​നാ​രാ​യ​ണ​ൻ​കു​ട്ടി മു​ഖേ​ന ഫ​യ​ൽ​ചെ​യ്ത കേ​സി​ലാ​ണ് പ​രാ​തി​ക്കാ​രി​ക്ക് ഒ​രു ല​ക്ഷം രൂ​പ ന​ഷ്ട​പ​രി​ഹാ​ര​വും കോ​ട​തി​ച്ചെ​ല​വാ​യി 1,68,000 രൂ​പ​യും ന​ൽ​കാ​ൻ ചാ​ല​ക്കു​ടി മു​ൻ​സി​ഫ് എം.​എ​സ്. ഷൈ​നി വി​ധി​ച്ച​ത്.

മോ​ഹ​ൻ​ലാ​ൽ നാ​യ​ക​നാ​യി അ​ഭി​ന​യി​ച്ച "ഒ​പ്പം' സി​നി​മ​യി​ലെ 29-ാം മി​നി​റ്റി​ലെ രം​ഗ​ത്തി​ൽ പോ​ലീ​സ് ക്രൈം​ഫ​യ​ൽ മ​റി​ക്കു​ന്പോ​ൾ ക്രൂ​ര​മാ​യി കൊ​ല്ല​പ്പെ​ട്ട യു​വ​തി​യു​ടെ ഫോ​ട്ടോ​യാ​യി​ട്ടാ​ണ് പ്രി​ൻ​സി ഫ്രാ​ൻ​സി​സി​ന്‍റെ ഫോ​ട്ടോ കാ​ണി​ച്ച​ത്. ത​ന്‍റെ ബ്ളോ​ഗി​ൽ​നി​ന്ന് അ​നു​വാ​ദ​മി​ല്ലാ​തെ ഫോ​ട്ടോ എ​ടു​ക്കു​ക​യാ​യി​രു​ന്നു​വെ​ന്നു പ​രാ​തി​ക്കാ​രി പ​റ​ഞ്ഞു.

ആ​ന്‍റ​ണി പെ​രു​മ്പാ​വൂ​ര്‍, പ്രി​യ​ദ​ര്‍​ശ​ന്‍ എ​ന്നി​വ​ര്‍​ക്ക് പു​റ​മേ അ​സി.​ഡ​യ​റ​ക്ട​ര്‍, മോ​ഹ​ന്‍​ദാ​സ് എ​ന്നി​വ​ര്‍​ക്കെ​തി​രെ നോ​ട്ടീ​സ് അ​യ​ച്ചു. തു​ട​ര്‍​ന്ന് ഈ ​ഭാ​ഗം ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും സി​നി​മ പ്ര​വ​ര്‍​ത്ത​ക​ര്‍ നി​ഷേ​ധി​ക്കു​ക​യാ​യി​രു​ന്നു.

ഇ​തു​വ​രെ​യും ഫോ​ട്ടോ ഒ​ഴി​വാ​ക്കി​യി​ട്ടി​ല്ല. ഈ ​പ​രാ​തി​യി​ലാ​ണ് ഇ​പ്പോ​ൾ നി​ർ​മാ​താ​ക്ക​ൾ​ക്കെ​തി​രെ കോ​ട​തി വി​ധി വ​ന്നി​രി​ക്കു​ന്ന​ത്.