കൂർ​ക്ക കൃ​ഷി​യി​ലെ പെ​രു​മ നി​ല​നി​ർ​ത്തി മ​ണ​പ്പാ​ടം, ക​ണ​ക്ക​ന്നൂ​ർ പ്ര​ദേ​ശ​ങ്ങ​ൾ
Sunday, May 5, 2024 2:29 PM IST
വ​ട​ക്ക​ഞ്ചേ​രി: ഈ ​സീ​സ​ണാ​യാ​ൽ പു​തു​ക്കോ​ട് പ​ഞ്ചാ​യ​ത്തി​ലെ മ​ണ​പ്പാ​ടം, ക​ണ​ക്ക​ന്നൂ​ർ, തോ​ണി​ക്ക​ട​വ് പ്ര​ദേ​ശ​ങ്ങ​ളി​ൽ ഇ​ത്ത​ര​ത്തി​ലു​ള്ള ബോ​ർ​ഡു​ക​ൾ ഉ​യ​രും. കൂ​ർ​ക്ക​ത്തല റെ​ഡി​യാ​യി​ട്ടു​ണ്ട്. വി​ളി​ക്കു​ക എ​ന്ന് പ​റ​ഞ്ഞ് ഫോ​ൺ ന​മ്പ​റും കൊ​ടു​ക്കും. വ​ട​ക്ക​ഞ്ചേ​രി​യി​ൽ നി​ന്നും പു​ളി​ങ്കൂ​ട്ടം മ​ഞ്ഞ​പ്ര വ​ഴി തോ​ണി​ക്ക​ട​വ് പു​ഴ​പാ​ലം ക​ട​ന്ന് തൃ​ശൂ​ർ ജി​ല്ല​യി​ലേ​ക്ക് പ്ര​വേ​ശി​ക്കു​ന്ന റോ​ഡി​നി​രു​വ​ശ​വു​മാ​ണ് കൂ​ർ​ക്ക​യു​ടെ നേ​ഴ്സ​റി​ക​ളു​ള്ള​ത്.​

അ​ര ഏ​ക്ക​റി​ലും ഒ​രു ഏ​ക്ക​റി​ലു​മാ​യി ഇ​ത്ത​ര​ത്തി​ലു​ള്ള നി​ര​വ​ധി കൂ​ർ​ക്ക നേ​ഴ്സ​റി​ക​ൾ കാ​ണാം. കൂ​ർ​ക്ക വി​ത്ത് പാ​കി മു​ള​പ്പി​ച്ചാ​ണ് ഇ​വി​ടെ ആ​വ​ശ്യ​ത്തി​നു​ള്ള കൂ​ർ​ക്കത്ത​ല ഉ​ണ്ടാ​ക്കു​ന്ന​ത്. ഒ​രു മൂ​ടി​ന് 12 രൂ​പ​യാ​ണ് വി​ല.​ ഇ​തി​ൽ 20 മു​ത​ൽ 25 വ​രെ കൂ​ർ​ക്ക ത​ല​യു​ണ്ടാ​കു​മെ​ന്ന് കൃ​ഷി രം​ഗ​ത്തു​ള്ള സെ​ൽ​പ്ര​കാ​ശ് പ​റ​ഞ്ഞു.

കൂ​ർ​ക്ക കൃ​ഷി​ക്ക് പേ​രു​കേട്ട നാ​ടാ​ണ് ജി​ല്ലാ അ​തി​ർ​ത്തി​ക്ക​ടു​ത്തുള്ള ഈ ​പ്ര​ദേ​ശ​ങ്ങ​ൾ. ഇ​വി​ടെ ഇ​രു​ന്നൂ​റി​ലേ​റെ ഏ​ക്ക​ർ പാ​ട​ത്ത് നെ​ൽ​കൃ​ഷി​ക്കൊ​പ്പം കൂ​ർ​ക്ക കൃ​ഷി​യു​മു​ണ്ടാ​കും.​ മ​ണ​പ്പാ​ടം ഭാ​ഗ​ങ്ങ​ളി​ൽ മ​ണ​ൽ ചേ​ർ​ന്ന മ​ണ്ണാ​യ​തി​നാ​ൽ കൂ​ർ​ക്ക കൃ​ഷി​ക്ക് ഉ​ത്ത​മ​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. ഇ​ങ്ങ​നെ​യു​ള്ള മ​ണ്ണി​ൽ കൂ​ർ​ക്ക​ക്ക് ന​ല്ല വി​ള​വു​ണ്ടാ​കും. പ​റി​ക്കാ​ൻ എ​ളു​പ്പ​മാ​യ​തി​നാ​ൽ കൂ​ലി ചെ​ല​വും കു​റ​യും. മേ​ട​മാ​സ​ത്തിന്‍റെ അ​വ​സാ​ന ദി​വ​സ​ങ്ങ​ളി​ലേ​ക്കെ​ത്തി​യി​ട്ടും വേ​ന​ൽ​മ​ഴ മ​ടി​ച്ചു നി​ൽ​ക്കു​ന്ന​ത് ക​ർ​ഷ​ക​രെ ഏ​റെ ആ​ശ​ങ്ക​യി​ലാ​ക്കു​ന്നു​ണ്ട്.

ര​ണ്ടു മൂ​ന്ന് ന​ല്ല മ​ഴ കി​ട്ടി​യാ​ലെ കൂ​ർ​ക്കത്തല ന​ടാ​നാ​കു.​ അ​ത​ല്ലെ​ങ്കി​ൽ എ​ല്ലാം ക​രി​ഞ്ഞു പോ​കും. വെ​ള്ളം പ​മ്പ് ചെ​യ്ത് ന​ന ന​ട​ത്തി​യാ​ണ് ഇ​പ്പോ​ൾ കൂ​ർ​ക്ക ന​ഴ്സ​റി​ക​ൾ നി​ല​നി​ർ​ത്തു​ന്ന​ത്. താ​ലൂ​ക്കി​ൽ ത​ന്നെ ഏ​റ്റ​വും കൂ​ടു​ത​ൽ കൂ​ർ​ക്ക കൃ​ഷി ചെ​യ്യു​ന്ന പ്ര​ദേ​ശ​ങ്ങ​ളാ​ണ് മ​ണ​പ്പാ​ടം, ക​ണ​ക്ക​ന്നൂ​ർ, തോ​ണി​ക്ക​ട​വ് മേ​ഖ​ല​ക​ൾ.

ഒ​ന്നാം​വി​ള നെ​ല്ലി​ന് പ​ക​രം കൂ​ർ​ക്ക കൃ​ഷി ചെ​യ്യു​ന്ന പാ​ട​ങ്ങ​ളും ഇ​വി​ടെ​യു​ണ്ട്. ര​ണ്ടാം വി​ള മാ​ത്ര​മെ ഇ​വി​ട​ങ്ങ​ളി​ൽ പൂ​ർ​ണ​മാ​യു​ള്ള നെ​ൽ കൃ​ഷി​യു​ള്ളു. മം​ഗ​ലം​ഡാം ക​നാ​ലി​ന്‍റെ ഏ​റ്റ​വും വാ​ല​റ്റ പ്ര​ദേ​ശ​ങ്ങ​ളാ​യ​തി​നാ​ൽ ഇ​വി​ടെ ക​നാ​ൽ വെ​ള്ള​വും എ​ത്താ​റി​ല്ല. പാ​ട്ട​ത്തി​ന് ഭൂ​മി എ​ടു​ത്താ​ണ് ഇ​വി​ടു​ത്തെ കൂ​ർ​ക്ക കൃ​ഷി. കൂ​ർ​ക്ക​യു​ടെ വി​ള​വെ​ടു​പ്പും ആ​ദ്യം മ​ണ​പ്പാ​ട​ത്തു നി​ന്നു ത​ന്നെ​യാ​ണ് ആ​രം​ഭി​ക്കു​ക. ഇ​തി​നാ​ൽ ഉ​യ​ർ​ന്ന വി​ല​യും ക​ർ​ഷ​ക​ർ​ക്ക് കി​ട്ടും.

Copyright @ 2022 , Rashtra Deepika Ltd.