കോതമംഗലം: വാരപ്പെട്ടി പഞ്ചായത്തിലെ ഹരിതകർമ സേന കുടമുണ്ട പാലത്തിന് താഴെ കോതമംഗലം പുഴയിൽ ശുചീകരണം നടത്തി. കഴിഞ്ഞ മഴക്കാലത്ത് കടപുഴകിവീണ് പുഴയ്ക്ക് കുറുകെ കിടക്കുന്ന വൻമരത്തിൽ തങ്ങി നിൽക്കുന്ന പാഴ് വസ്തുക്കൾ ശേഖരിച്ച് എംസിഎഫിലേയ്ക്ക് മാറ്റി. പരന്പരാഗത കുടിവെള്ള സ്രോതസുകൾ സംരക്ഷിക്കുന്ന പ്രവർത്തനങ്ങൾ പഞ്ചായത്ത് ഏറ്റെടുത്തിട്ടുണ്ട്.
മഴക്കാല പൂർവ ശുചീകരണം നടത്തി മഴവെള്ളം തടസം കൂടാതെ ഒഴുക്കിക്കളയാനായി മാലിന്യ മുക്തം നവകേരളം വൃത്തിയുള്ള വാരപ്പെട്ടി പദ്ധതിയുടെ ഭാഗമായാണ് ശുചീകരണം നടത്തിയത്. പഞ്ചായത്ത് നടപ്പാക്കുന്ന പ്രോജക്ടുകൾ രണ്ടാം വർഷവും മുന്നോട്ട് കൊണ്ടുപോകുന്നതിന്റെ ഭാഗമാണീ ശുചീകരണമെന്ന് പഞ്ചായത്ത് സെക്രട്ടറി എം.എം. ഷംസുദ്ദീൻ വ്യക്തമാക്കി.
പഞ്ചായത്ത് സ്ഥിരം സമിതി അധ്യക്ഷൻ കെ.എം. സെയ്ത്, പഞ്ചായത്തംഗങ്ങളായ ഏഞ്ചൽ മേരി ജോബി, കെ.കെ. ഹുസൈൻ, സാക്ഷരത പ്രേരക് വി.എസ്. ശാലിനി, കണ്സോർഷ്യം സെക്രട്ടറി മഞ്ജു ബൈജു, ഹരിത കർമ സേനാംഗങ്ങളായ റസിയ യൂനുസ്, ആൻസി പ്രിയ സജി, വിജയലക്ഷ്മി,
ബിനി രാഹുൽ, ഷൈബി, ശ്രീലത ബിജു, ഓമന തങ്കപ്പൻ, സൗമ്യ ഗിരീഷ്, വിജയൻ, മീരാൻ അസീന, ലൈല എന്നിവർ ശുചീകരണത്തിൽ പങ്കെടുത്തു. 22 ചാക്ക് അജൈവ പാഴ്വസ്തുക്കൾ പുഴയിൽ നിന്നും നീക്കം ചെയ്തു. ജൈവ പാഴ് വസ്തുക്കൾ പുഴ പുറന്പോക്കിൽ കുഴിച്ചു മുടുകയും ചെയ്തു.