കിഴക്കേത്തെരുവ് സെന്‍റ് മേരീസ് സ്കൂൾ :96വിദ്യാർഥികൾക്ക് ഫുൾ എ പ്ലസ് : Deepika.com Nattu Visesham

KOLLAM

കിഴക്കേത്തെരുവ് സെന്‍റ് മേരീസ് സ്കൂൾ :96വിദ്യാർഥികൾക്ക് ഫുൾ എ പ്ലസ്

Wednesday, May 8, 2024 11:25 PM IST

കൊട്ടാരക്കര: എസ്എസ്എൽസി പരീക്ഷയിൽ വിദ്യാഭ്യാസ ഉപജില്ലയിൽ ഏറ്റവും കൂടുതൽ വിദ്യാർത്ഥികളെ പരീക്ഷയെഴുതിച്ച കിഴക്കേത്തെരുവ് സെന്‍റ് മേരീസ് ഹയർ സെക്കൻഡറി സ്കൂളിന് ഇക്കുറിയും നൂറു മേനി വിജയം .

എല്ലാ വിഷയങ്ങൾക്കും എ പ്ലസ് നേടിയവർ 96. ഇക്കൂട്ടത്തിൽ ഇരട്ട സഹോദരിമാരായ റോമാ കോശി, റോണാ കോശി എന്നിവർ എല്ലാ വിഷയങ്ങൾക്കും എ പ്ലസ് നേടിയത് ഇരട്ടി മധുരമായി. ഒൻപത് വിഷയങ്ങൾക്ക് എ പ്ലസ് നേടിയവർ 86.

417 വിദ്യാർഥികളാണ് ഇക്കുറി പരീക്ഷ എഴുതിയത്. വിജയികളെ അനുമോദിക്കാൻ ചേർന്ന സമ്മേളനത്തിൽ പ്രിൻസിപ്പാൾ ഫാ.റോയി ജോർജ് , ഹെഡ്മാസ്റ്റർ റെജി ലൂക്കോസ്,മുൻ ഹെഡ്മാസ്റ്റർ റോയി.കെ.ജോർജ് ,പിടിഎ പ്രസിഡന്‍റ് ജോർജ് ജേക്കബ് എന്നിവർ പ്രസംഗിച്ചു.

ആശ്രയയ്ക്ക് നൂറുമേനി
വിജയം

കൊട്ടാരക്കര : ആശ്രയയിലെ മക്കൾക്ക് എസ് എസ് എൽ സി പരീക്ഷയിൽ നൂറുമേനി വിജയം . കലയപുരം ആശ്രയ ശിശുഭവനിലെ അർച്ചന ഉണ്ണി , ഏയ്ഞ്ചൽ ബി.എസ്, രമ്യ രഞ്ജിത്ത് പറന്തൽ ആശ്രയ ശിശുഭവനിലെ വൈശാഖ് .എ , തുഷാർ. ടി, അഭിലാഷ് . എ, എന്നിവരാണ് മികച്ച വിജയം കരസ്ഥമാക്കിയത്. എസ് വിവിഎച്ച്എസ്എസ് താമരക്കുടി, ഡി വി വി എച്ച് എസ് എസ് മൈലം, സെന്‍റ് തോമസ് വിഎച്ച്എസ്എസ് പന്നിവിഴ എന്നിവിടങ്ങളിലാണ് കുട്ടികൾ പഠിച്ചത് . ഉറ്റവരുടെ സംരക്ഷണം ലഭിക്കാതായപ്പോൾ ചൈൽഡ് വെൽഫെയർ കമ്മിറ്റിയാണ് കുട്ടികളെ ആശ്രയയുടെ തണലിൽ എത്തിച്ചത്.

നഴ്സറി മുതൽ മെഡിസിന് വരെ പഠിക്കുന്ന നൂറിൽപരം കുട്ടികളാണ് ആശ്രയയുടെ കലയപുരം, പറന്തൽ ശാഖകളിലായി കഴിഞ്ഞുവരുന്നത്. രണ്ടു പേർ സിവിൽ സർവീസ് കോച്ചിങ്ങും നടത്തിവരുന്നു.

കുട്ടികളുടെ ആഗ്രഹവും അഭിരുചിയും കണക്കിലെടുത്ത് എല്ലാവർക്കും ഉപരിപഠനത്തിനുള്ള സൗകര്യം ഒരുക്കുമെന്ന് ആശ്രയ ജനറൽ സെക്രട്ടറി കലയപുരം ജോസ് അറിയിച്ചു .