കറ്റാനം: വിദ്യാലയത്തെ ഹരിതാഭമാക്കിയ കറ്റാനം പോപ്പ് പയസ് ഹയര് സെക്കന്ഡറി സ്കൂളിന് അവാര്ഡ് തിളക്കം. കെസിബിസി വിദ്യാഭ്യാസ കമ്മീഷന് കേരള കാത്തലിക് ടീച്ചേഴ്സ് ഗില്ഡ് സംസ്ഥാനസമിതി ഏര്പ്പെടുത്തിയ 2023 - 24 വര്ഷത്തെ ഗ്രീന് പ്രോട്ടോക്കോള് എക്സലന്സ് അവാര്ഡിനാണ് കറ്റാനം പോപ്പ് പയസ് സ്കൂള് തെരഞ്ഞെടുക്കപ്പെട്ടത്.
മികവുറ്റ വിവിധ പ്രവര്ത്തനങ്ങളിലൂടെ വിദ്യാലയ പ്രവര്ത്തനങ്ങള് ഹരിതാഭമായി. ഗ്രോബാഗില് ജൈവകൃഷി, ഔഷധ ഉദ്യാനം, അടുക്കളത്തോട്ടം, മഴക്കുഴി നിര്മാണം, കേരശില്പശാല, ഹരിത സ്പര്ശം പദ്ധതി, ജീവനം പദ്ധതി, ശുചിത്വ വിദ്യാലയം, ഒരു മരം പദ്ധതി, സ്വച്ച് ഭാരത് തുടങ്ങിയ വിവിധങ്ങളായ പദ്ധതികളിലൂടെ വിദ്യാലയത്തെ ഹരിതാഭമാക്കിയതിനാണ് സ്കൂളിനെ അവാര്ഡിന് അര്ഹമാക്കിയത്.
മാനേജര് ബിഷപ് ഡോ. ജോഷ്വാ മാര് ഇഗ്നാത്തിയോസ്, കറസ്പോണ്ടന്റ് ഫാ. ഡാനിയേല് തെക്കേടത്ത്, പ്രിന്സിപ്പല് എസ്. സുമ, സ്റ്റാഫ് സെക്രട്ടറി സി.ടി. വര്ഗീസ്, ഫാ. സില്വസ്റ്റര് തെക്കേടത്ത് എന്നിവരുടെ ചുമതലയിലാണ് കര്മപദ്ധതികള് ആവിഷ്ക്കരിക്കപ്പെട്ടത്. അധ്യാപകരുടേയും പിടിഎ. പ്രതിനിധികളുടേയും നിര്ലോഭമായ സഹകരണവും പ്രോത്സാഹനവുമാണ് പദ്ധതികളെ വിജയത്തിലെത്തിച്ചത്.
രണ്ടു വര്ഷങ്ങമായി ലഹരി വിമുക്തവിദ്യാലയം, പ്ലാസ്റ്റിക് വിമുക്ത വിദ്യാലയം എന്നിവയ്ക്ക് സംസ്ഥാന തലത്തില് സ്കൂളിന് അവാര്ഡ് ലഭിച്ചിരുന്നു. മേയ് 11ന് എറണാകുളത്ത് നടക്കുന്ന ടീച്ചേഴ്സ് ഗില്ഡ് സംസ്ഥാന സമ്മേളനത്തില് ഗ്രീന് പ്രോട്ടോക്കോള് എക്സലന്സ് അവാര്ഡ് സ്കൂള് അധികൃതര് ഏറ്റുവാങ്ങും