എ​സ്ഐ​യു​ടെ ജീ​വി​തം പി​ന്നെ​യും ബാ​ക്കി!
രാ​​വി​​ലത്തെ ഓ​​ട്ടം ക​​ഴി​​ഞ്ഞു വീ​​ട്ടി​​ലേ​​ക്കു ക​​യ​​റി​​യേ​​ക്കാ​​മെ​​ന്നു ക​​രു​​തി​​യ​​പ്പോ​​ഴാ​​ണ് ഗേ​​റ്റി​​നു മു​​ന്നി​​ൽ മു​​ൻ​​പ​​രി​​ച​​യം തീ​​രെ​​യി​​ല്ലാ​​ത്ത ഒ​​രു ഡോ​​ഗ് വാ​ലാ​​ട്ടി നി​​ൽ​​ക്കു​​ന്നു. വാ​​ലാ​​ട്ടു​​ന്നു​​ണ്ടെ​​ങ്കി​​ലും അ​​തു പോ​​ക്ക​​റ്റ​​ടി​​ക്കാ​​ര​​ന്‍റെ ചി​​രി​​പോ​​ലെ ക​​രു​​തി​​യാ​​ൽ മ​​തി​​യെ​​ന്ന് എ​​സ്ഐ​​ക്കു തോ​​ന്നി. അ​​ദ്ദേ​​ഹം ഒ​​ന്നു​​നി​​ന്നു, മ​​ട്ടും ഭാ​​വ​​വും ക​​ണ്ടി​​ട്ടു തെ​​രു​​വു ഡോ​​ഗ് ആ​​ണെ​​ന്നു തോ​​ന്നു​​ന്നു. സ്ഥ​​ലം എ​​സ്ഐ​​യെ പ​​രി​​ച​​യ​​മു​​ണ്ടാ​​വാ​​ൻ തീ​​രെ സാ​​ധ്യ​​ത​​യി​​ല്ല. ആ​​കെ​​യൊ​​രു ക​​ണ്‍​ഫ്യൂ​​ഷ​​ൻ, മു​​ന്നോ​​ട്ടു​​പോ​​ണോ? പെ​​ട്ടെ​​ന്നാ​​ണ് അ​​ടു​​ത്ത വീ​​ട്ടി​​ലെ ഡോ​​ഗ് സ്ക്വാ​​ഡി​​ൽ​​പ്പെ​​ട്ട പെ​​ണ്‍​പ​​ട്ടി വ​​ഴി​​യി​​ലേ​​ക്ക് ഓ​​ടി​​യി​​റ​​ങ്ങി​​വ​​ന്ന​​ത്. അ​​യ​​ൽ​​ക്കാ​​രി​​യെ ക​​ണ്ട​​തും എ​​സ്ഐ​​യെ വി​​ട്ടി​​ട്ടു ക​​ഥാ​​നാ​​യ​​ക​​നാ​​യ ഡോ​​ഗ് അ​​തി​​ന്‍റെ പി​​ന്നാ​​ലെ പാ​​ഞ്ഞു. ഇ​​നി ഈ ​​കേ​​സും ത​​ന്‍റെ സ്റ്റേ​​ഷ​​നി​​ൽ വ​​രു​​മോ​​യെ​​ന്ന മ​​ട്ടി​​ൽ പ​​ട്ടി​​പോ​​യ വ​​ഴി​​യേ ഒ​​ന്നു നോ​​ക്കി​​യി​​ട്ട് എ​​സ്ഐ അ​​ക​​ത്തേ​​ക്കു പാ​​ഞ്ഞു.

മി​​ന്ന​​ൽ കു​​ളി, യൂ​​ണി​​ഫോം ഇ​​ടാ​​ൻ നോ​​ക്കി​​യ​​പ്പോ​ൾ തൊ​​പ്പി കാ​​ണു​​ന്നി​​ല്ല. ഭാ​​ര്യ​​യെ വി​​ളി​​ച്ചു, അ​​ടു​​ക്ക​​ള​​യി​​ലാ​​യി​​രു​​ന്ന അ​​വ​​ൾ പു​​റ​​ത്തേ​​ക്കു ത​​ല​​നീ​​ട്ടി. ‘എ​​ന്‍റെ തൊ​​പ്പി​​യെ​​വി​​ടെ? സ​​മ​​യം പോ​​യി...’

‘ആ ​പി​​ള്ളേ​​രെ​​ങ്ങാ​​നും എ​​ടു​​ത്തു​​കാ​​ണും..’ വീ​​ട്ടി​​ലെ എ​​സ്പി​​യാ​​യ ഭാ​​ര്യ​​ക്കു കു​​ലു​​ക്ക​​മി​​ല്ല. പി​​ള്ളേ​​രെ​​ടു​​ക്കാ​​നോ? ഈ​​ശ്വ​​രാ എ​​ങ്കി​​ൽ അ​​തി​​പ്പോ​​ൾ സേ​​ന ക​​യ​​റി​​യ മ​​റൈ​​ൻ​​ഡ്രൈ​​വ് പോ​​ലെ​​യാ​​യി​​ക്കാ​​ണും. അ​​ടു​​ത്ത മു​​റി​​യി​​ൽ ഒ​​രു ബ​​ഹ​​ളം, എ​​സ്ഐ അ​വി​ടേ​ക്കു പാ​​ഞ്ഞു. പൗ​​ര​​ൻ​​മാ​​ർ ര​​ണ്ടു​​പേ​​രും മു​​റി​​യി​​ൽ ലാ​​ത്തി​​ച്ചാ​​ർ​​ജ് ന​​ട​​ത്തി​​ക്കൊ​​ണ്ടി​​രി​​ക്കു​​ക​​യാ​​ണ്. ക​​സേ​​ര ഉ​​ൾ​​പ്പെ​​ടെ പ​​ല​​തും മ​​റി​​ഞ്ഞു​​ക​​ഴി​​ഞ്ഞു. അ​​വ​​ൾ വ​​ന്നു ക​​ണ്ണീ​​ർ​​വാ​​ത​​കം പ്ര​​യോ​​ഗി​​ക്കാ​​തെ ഇ​​നി ഇ​​വ​​ൻ​​മാ​​ർ അ​​ട​​ങ്ങു​​മെ​​ന്നു തോ​​ന്നു​​ന്നി​​ല്ല.

എ​​സ്ഐ ക​​ർ​​ശ​​ന​​ക്കാ​​ര​​നാ​​യി: തൊ​​പ്പി എ​​ടു​​ത്താ​​ണോ​​ടാ ക​​ളി.. എ​​വി​​ടെ​​ടാ എ​​ന്‍റെ തൊ​​പ്പി?
പി​​താ​​ജി ആ​​കാ​​ശ​​ത്തേ​​ക്കു വെ​​ടി​​പൊ​​ട്ടി​​ച്ച​​തു കേ​​ട്ടു മ​​ക്ക​​ൾ ഒ​​രു നി​​മി​​ഷം എ​​ഴു​​ന്നേ​​റ്റു​​നി​​ന്നു മൗ​​ന​​മാ​​ച​​രി​​ച്ചു.

മ​​ക്ക​​ളി​​ലൊ​​രു​​വ​​ൻ മു​​റി​​യു​​ടെ മൂ​​ല​​യ്ക്കി​​രു​​ന്ന കു​​ര​​ങ്ങു പ്ര​​തി​​മ​​യി​​ലേ​​ക്കു കൈ​​ചൂ​​ണ്ടി. ഭാ​​ഗ്യം, കു​​ര​​ങ്ങി​​ന്‍റെ ത​​ല​​യി​​ൽ ഇ​​രി​​പ്പു​​ണ്ട് തൊ​​പ്പി. മു​​റി​​യി​​ൽ ക​​ഴു​​ത​​യു​​ടെ പ്ര​​തി​​മ​​യി​​ല്ലാ​​ത്ത​​തു ന​​ന്നാ​​യെ​​ന്ന് എ​​സ്ഐ​​ക്കു തോ​​ന്നി. അ​​ദ്ദേ​​ഹം ഒൗ​​ദ്യോ​​ഗി​​ക ബ​​ഹു​​മ​​തി​​ക​​ളോ​​ടെ പു​​റ​​ത്തേ​​ക്ക് ഇ​​റ​​ങ്ങി ജീ​​പ്പി​​ലേ​​ക്കു ക​​യ​​റാ​​ൻ തു​​ട​​ങ്ങു​​ന്പോ​​ഴാ​​ണു പ​​ത്രം പ​​റ​​ക്കും​​ത​​ളി​​ക പോ​​ലെ പ​​റ​​ന്നെ​​ത്തി​​യ​​ത്. സ്റ്റേ​​ഷ​​നി​​ൽ ചെ​​ന്നു വാ​​യി​​ക്കാ​​മെ​​ന്നു ക​​രു​​തി ജീ​​പ്പ് മു​​ന്നോ​​ട്ട്.


സ്റ്റേ​​ഷ​​നി​​ലേ​​ക്കു ക​​യ​​റി​​യ​​തും എ​​സ്ഐ ആ​​ദ്യം ചോ​​ദി​​ച്ച​​തു പ​​ത്ര​​മാ​​ണ്. പോ​​ലീ​​സു​​കാ​​ര​​ൻ പ​​ത്ര​​വു​​മാ​​യി ഓ​​ടി​​ച്ചെ​​ന്നു. മേ​​ശ​​പ്പു​​റ​​ത്തേ​​ക്കു നി​​വ​​ർ​​ത്തി​​യി​​ട്ട പ​​ത്ര​​ത്തി​​ൽ തെ​​ര​​ച്ചി​​ലോ​​ടു തെ​​ര​​ച്ചി​​ൽ. വ​​ന്നി​​ട്ട് ഒ​​ന്ന​​ര വ​​ർ​​ഷ​​മാ​​യെ​​ങ്കി​​ലും ഇ​​ത്ര​​യും ആ​​ക്രാ​​ന്ത​​ത്തോ​​ടെ എ​​സ്ഐ പ​​ത്രം വാ​​യി​​ക്കു​​ന്ന​​ത് ഇ​​തു​​വ​​രെ ക​​ണ്ടി​​ട്ടി​​ല്ല. ഇ​​നി സ്വ​​ന്തം പ​​ടം കാ​​ണാ​​നാ​​ണേ​​ൽ ഇ​​ന്ന​​ലെ കേ​​സൊ​​ന്നും പി​​ടി​​ച്ചി​​ല്ല​​ല്ലോ പോ​​ലീ​​സു​​കാ​​ര​​ന് ആ​​കാം​​ക്ഷ.
‘എ​​ന്താ​​ണ് സാ​​ർ പ്ര​​ശ്നം..’
‘​എ​​വി​​ടെ​​യാ​​ടോ ഇ​​തി​​ൽ പീ​​ഡ​​ന​​മു​​ള്ള​​ത്?.. എ​​സ്ഐ അ​​ക്ഷ​​മ​​നാ​​യി.
‘​അ​​യ്യോ സാ​​റേ, ഇ​​തു ലോ​​ക്ക​​ൽ പേ​​ജ​​ല്ലേ.. പീ​​ഡ​​ന​​ത്തി​​നൊ​​ക്കെ ഇ​​പ്പോ​​ൾ പ​​ത്ര​​ത്തി​​ൽ പ്ര​​ത്യേ​​ക പേ​​ജ​​ല്ലേ... മ​​റി​​ച്ചോ മ​​റി​​ച്ചോ...’

പോ​​ലീ​​സു​​കാ​​ര​​ൻ പീ​​ഡ​​ന​​പേ​​ജ് എ​​ടു​​ത്തു​​കൊ​​ടു​​ത്തു. വാ​​യി​​ച്ചു​​തീ​​ർ​​ന്ന​​തും എ​​സ്ഐ ആ​​ശ്വാ​​സ​​ത്തോ​​ടെ നെ​​ഞ്ചി​​ൽ കൈ​​വ​​ച്ചു: ഭാ​​ഗ്യം, ന​​മ്മു​​ടെ സ്റ്റേ​​ഷ​​ൻ പ​​രി​​ധി​​യി​​ൽ ഇ​​ന്ന് ഒ​​ന്നു​​മി​​ല്ല.
എ​​സ്ഐ പ​​റ​​ഞ്ഞ​​തി​​ന്‍റെ പൊ​​രു​​ള​​റി​​യാ​​തെ പോ​​ലീ​​സു​​കാ​​ര​​ൻ ക​​ണ്ണു​​മി​​ഴി​​ച്ചു. .’​എ​​ടോ, പീ​​ഡ​​നം ന​​ട​​ന്നെ​​ന്ന് ആ​​രെ​​ങ്കി​​ലും എ​​വി​​ടെ​​ങ്കി​​ലും പ​​റ​​ഞ്ഞാ​​ൽ മ​​തി. പീ​​ഡി​​പ്പി​​ച്ച​​വ​​നേ​​ക്കാ​​ൾ ആ​​ദ്യം ശി​​ക്ഷ സ്ഥ​​ലം എ​​സ്ഐ​​ക്കാ, സ​​സ്പെ​​ൻ​​ഷ​​ൻ! സ​​മ​​ര​​ക്കാ​​ർ​​ക്കു കു​​നി​​ച്ചു​​നി​​ർ​​ത്തി ഇ​​ടി​​ക്കാ​​ൻ എ​​സ്ഐ വേ​​ണം, എം​​എ​​ൽ​​എ​​യ്ക്കും പാ​​ർ​​ട്ടി സെ​​ക്ര​​ട്ട​​റി​​മാ​​ർ​​ക്കും ക​​ണ്ണു​​പൊ​​ട്ടു​​ന്ന ചീ​​ത്ത​​വി​​ളി​​ക്കാ​​ൻ എ​​സ്ഐ വേ​​ണം, ചും​​ബ​​ന സ​​മ​​ര​​ക്കാ​​ർ​​ക്കു കു​​ട​​പി​​ടി​​ച്ചു കൊ​​ടു​​ക്കാ​​ൻ എ​​സ്ഐ വേ​​ണം, മ​​ന്ത്രി​​മാ​​രു​​ടെ പി​​റ​​കെ ഓ​​ടാ​​ൻ എ​​സ്ഐ വേ​​ണം... ഇ​​തെ​​ല്ലാം ക​​ഴി​​ഞ്ഞു പ്ര​​തി​​പ​​ക്ഷ​​ത്തി​​ന്‍റെ വാ​​യ​​ട​​പ്പി​​ക്കാ​​നും സ​​സ്പെ​​ൻ​​ഷ​​ൻ എ​​സ്ഐ​​ക്ക്! സ​​സ്പെ​​ൻ​​ഷ​​നു​​ക​​ൾ ഏ​​റ്റു​​വാ​​ങ്ങാ​​ൻ എ​​സ്ഐ​​യു​​ടെ ജീ​​വി​​തം പി​​ന്നെ​​യും ബാ​​ക്കി!

മിസ്ഡ് കോൾ

പോലീസ് സ്റ്റേഷനിൽ ഇനി ഇടിമുറിയില്ല, ചോദ്യംചെയ്യാൻ ഇ-മുറി
- വാർത്ത

അതായത് വെട്ടൊന്ന് മുറി രണ്ട്..!