വാക്കുതര്ക്കത്തിനിടെ സുഹൃത്ത് തലയ്ക്കടിച്ചു; പരിക്കേറ്റ് ചികിത്സയിലായിരുന്ന യുവാവ് മരിച്ചു
Thursday, May 2, 2024 9:13 AM IST
കോഴിക്കോട്: അന്നശേരിയില് സുഹൃത്ത് തലയ്ക്കടിച്ചതിനെ തുടര്ന്ന് ചികിത്സയിലായിരുന്ന യുവാവ് മരിച്ചു. അന്നശേരി സ്വദേശി അനൂപ്(35) ആണ് മരിച്ചത്.
കഴിഞ്ഞദിവസമുണ്ടായ വാക്കുതര്ക്കത്തിനിടെ സുഹൃത്ത് സുബീഷ് അനൂപിന്റെ തലയ്ക്ക് അടിക്കുകയായിരുന്നു. ഗുരുതരമായി പരിക്കേറ്റ അനൂപിനെ മെഡിക്കല് കോളജ് ആശുപത്രിയിലേക്ക് മാറ്റിയിരുന്നു. ഇവിടെ ചികിത്സയിലിരിക്കെ ഇന്ന് പുലര്ച്ചെയാണ് മരണം.
സംഭവദിവസം തന്നെ സുബീഷിനെ പോലീസ് അറസ്റ്റ് ചെയ്തിരുന്നു. ഇയാള് നിലവില് കോഴിക്കോട് ജില്ലാ ജയിലിലാണ്. ഇയാള്ക്കെതിരേ കൊലക്കുറ്റം കൂടി ചുമത്തുമെന്ന് പോലീസ് അറിയിച്ചു.