കേജരിവാളിനായി തെരഞ്ഞെടുപ്പ് പ്രചാരണം ഏറ്റെടുത്ത് സുനിതാ കേജരിവാൾ
Sunday, April 28, 2024 12:56 AM IST
ന്യൂഡല്ഹി: കേജരിവാളിന്റെ അഭാവത്തിൽ തെരഞ്ഞെടുപ്പ് പ്രചാരണം ഏറ്റെടുത്ത് സുനിതാ കേജരിവാൾ. ഈസ്റ്റ് ഡല്ഹിയിലെ ആം ആദ്മി പാര്ട്ടി സ്ഥാനാര്ഥിയുടെ പ്രചാരണത്തിന്റെ ഭാഗമായി വന് റോഡ് ഷോയിലാണ് സുനിത പങ്കെടുത്തത്.
സ്കൂളുകള് പണിതതിനും സൗജന്യ വൈദ്യുതി നല്കിയതിനും മൊഹല്ല ക്ലിനിക്കുകള് തുറന്നതിനുമാണ് ഡല്ഹി മുഖ്യമന്ത്രിയെ ജയിലിലാക്കിയതെന്ന് സുനിത റോഡ് ഷോയിൽ പറഞ്ഞു. ഏകാധിപത്യം ഇല്ലാതാക്കാനും ജനാധിപത്യം സംരക്ഷിക്കാനും എഎപിക്ക് വോട്ട് ചെയ്യണമെന്നും അവര് അഭ്യര്ഥിച്ചു.
അറസ്റ്റിലായ കേജരിവാളിന്റെ അഭാവത്തില് ഭാര്യ എഎപിയുടെ തെരഞ്ഞെടുപ്പ് പ്രചാരണത്തിന് നേതൃത്വം നല്കുമെന്ന് പാര്ട്ടി നേതൃത്വം അറിയച്ചിരുന്നു.