ആനുകാലിക രാഷ്‌ട്രീയം ചർച്ച ചെയ്യും: കെ.എം. മാണി : Deepika.com Kerala News |

Click here for detailed news of all items

ആനുകാലിക രാഷ്‌ട്രീയം ചർച്ച ചെയ്യും: കെ.എം. മാണി

Thursday, December 14, 2017 3:05 PM IST

കോട്ടയം: കേരള കോണ്‍ഗ്രസിന്‍റെ മഹാസമ്മേളനത്തിൽ ആനുകാലികരാഷ്‌ട്രീയ വിഷയങ്ങൾ ചർച്ച ചെയ്യുമെന്നു പാർട്ടി ചെയർമാൻ കെ.എം മാണി. എന്നാൽ, മുന്നണി പ്രവേശനം സമ്മേളനത്തിന്‍റെ അജണ്ടയിലില്ലെന്നും അദ്ദേഹം പറഞ്ഞു. സമ്മേളനപതാക ഉയർത്തിയശേഷം മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം.

യുഡിഎഫ് വിട്ടപ്പോൾ പാർട്ടിയുടെ കഥകഴിഞ്ഞെന്നാണു പലരും പ്രചരിപ്പിച്ചത്. എന്നാൽ, ഒറ്റയ്ക്കു നിന്നു കരുത്തു തെളിയിച്ച പാർട്ടിയുടെ ശക്തികണ്ടു പലരും പിന്നാലെ നടക്കുകയാണ്. തുറന്ന മനസോടെയാണു പാർട്ടി നിൽക്കുന്നത്. അനുയോജ്യമായ സമയത്ത്, അനുയോജ്യമായ തീരുമാനമെടുക്കാൻ പാർട്ടിക്കറിയാം. ഏത് മുന്നണിയിൽ പ്രവേശിക്കണമെന്ന് ആ സമയത്ത് തീരുമാനിക്കും.

അജണ്ടയുമായി യോജിക്കുന്ന മുന്നണി വന്നാൽ അപ്പോൾ ആലോചിക്കും. ലോകാവസാനം വരെയും ഒറ്റയ്ക്കു നിൽക്കാനുള്ള ശക്തിയുള്ള പാർട്ടിയാണിത്. പാർട്ടിയിൽ ഭിന്നിപ്പുണ്ടെന്നത് മാധ്യമ സൃഷ്ടിയാണെന്നും അദ്ദേഹം പറഞ്ഞു. വർക്കിംഗ് ചെയർമാൻ പി.ജെ.ജോസഫ്, വൈസ് ചെയർമാൻ ജോസ് കെ.മാണി, സി.എഫ്.തോമസ് തുടങ്ങിയവരും പത്രസമ്മേളനത്തിൽ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.