നേതാക്കൾക്കെതിരേ ലൈംഗിക അധിക്ഷേപ പരാതി ഉന്നയിച്ച ഹരിത നേതാക്കളെ ലീഗ് തിരിച്ചെടുത്തു : Deepika.com Kerala News |

Click here for detailed news of all items

നേതാക്കൾക്കെതിരേ ലൈംഗിക അധിക്ഷേപ പരാതി ഉന്നയിച്ച ഹരിത നേതാക്കളെ ലീഗ് തിരിച്ചെടുത്തു

Wednesday, May 1, 2024 1:34 AM IST

കോഴിക്കോട്: എംഎസ്എഫ് നേതാക്കൾക്കെതിരേ ലൈംഗിക അധിക്ഷേപ പരാതി ഉന്നയിച്ചതിനു പുറത്താക്കപ്പെട്ട എംഎസ്എഫിന്‍റെ വിദ്യാർഥിനി വിഭാഗമായ ‘ഹരിത’ യുടെ നേതാക്കളെ യൂത്ത്‌ലീഗിൽ തിരിച്ചെടുത്ത് പുതിയ പദവികൾ നൽകി മുസ്‌ലിം ലീഗ്.

നേതാക്കൾക്കെതിരായ ഹരിത നേതാക്കളുടെ പരാതി കോടതിയുടെ പരിഗണനയിലുള്ള സാഹചര്യത്തിൽ ഒത്തുതീർപ്പു ധാരണപ്രകാരമാണ് പുതിയ നീക്കം.

കേസ് കോടതി പരിഗണിക്കുന്പോൾ പ്രതികളായ നേതാക്കൾക്ക് അനുകൂല നിലപാട് സ്വീകരിക്കാമെന്ന ഉറപ്പുപ്രകാരമാണു മുന്പ് പുറത്താക്കപ്പെട്ട ഹരിത നേതാക്കളെ തിരിച്ചെടുത്തതെന്നാണു വിവരം.

നേതാക്കൾക്കെതിരായ പരാതിയിൽ ഉറച്ചുനിന്ന ഫാത്തിമ തെഹ്‌ലിയയെ യൂത്ത് ലീഗ് സംസ്ഥാന സെക്രട്ടറിയായും മുഫീദ തസ്നിയെ ദേശീയ വൈസ് പ്രസിഡന്‍റായും നജ്മ തബ്ഷിറയെ ദേശീയ സെക്രട്ടറിയുമായാണു നിയമിച്ചത്.

ഹരിതയുടെ മുൻ സംസ്ഥാന അധ്യക്ഷയും എംഎസ്എഫ് മുൻ ദേശീയ വൈസ് പ്രസിഡന്‍റുമായിരുന്നു ഫാത്തിമ തഹലിയ. നജ്മയും മുഫീദ തസ്നിയും മുൻ സംസ്ഥാന ഹരിത ഭാരവാഹികളായിരുന്നു.

ഹരിത നേതാക്കൾക്ക് പിന്തുണ നൽകിയതിന്‍റെ പേരിൽ സംഘടനാ നടപടിക്ക് വിധേയരായ എംഎസ്എഫ് നേതാക്കൾക്കും പാർട്ടി ഘടകങ്ങളിൽ ഇടം നൽകിയിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.