കൊച്ചി: തിരുവനന്തപുരം - ഷൊർണൂർ വേണാട് എക്സ്പ്രസ് മേയ് ഒന്നു മുതൽ എറണാകുളം സൗത്ത് സ്റ്റേഷനിൽ എത്തില്ല. തൃപ്പൂണിത്തുറയിൽനിന്ന് എറണകാളം നോർത്ത് സ്റ്റേഷൻ വഴി ഷോർണൂരിലേക്ക് സർവീസ് നടത്തും.
താത്കാലിക അടിസ്ഥാനത്തിൽ സൗത്ത് സ്റ്റേഷൻ ഒഴിവാക്കി എറണാകുളം നോർത്ത് സ്റ്റേഷനിൽ മാത്രം നിർത്തിയാകും സർവീസ് നടത്തുകയെന്ന് അധികൃതർ പറഞ്ഞു. സൗത്ത് സ്റ്റേഷൻ ഒഴിവാക്കുമ്പോൾ എറണാകുളം നോർത്ത് ഷൊർണൂർ റൂട്ടിൽ വേണാട് എക്സ്പ്രസ് നിലവിലെ സമയക്രമത്തേക്കാൾ മുപ്പത് മിനിറ്റ് മുന്പ് എത്തും.
തിരിച്ചുള്ള യാത്രയിൽ എറണാകുളം നോർത്ത് മുതൽ തിരുവനന്തപുരം വരെ എല്ലാ സ്റ്റേഷനിലും പതിനഞ്ച് മിനിറ്റ് നേരത്തെയെത്തും. ഷൊർണൂരിലേക്കുള്ള പുതുക്കിയ സമയം: എറണാകുളം നോർത്ത്: രാവിലെ 9.50, ആലുവ: 10.15, അങ്കമാലി: 10.28, ചാലക്കുടി: 10.43, ഇരിങ്ങാലക്കുട: 10.53, തൃശൂർ:11.18 ,വടക്കാഞ്ചേരി: 11.40, ഷൊർണൂർ ജംഗ്ഷൻ 12.25.
തിരുവനന്തപുരത്തേക്കുള്ള മടക്കയാത്രയിലെ സമയക്രമം: എറണാകുളം നോർത്ത്: 05.15 പിഎം, തൃപ്പൂണിത്തുറ: 5.37,പിറവം റോഡ്: 5.57,ഏറ്റുമാനൂർ: 6.18, കോട്ടയം: 6.30, ചങ്ങാശേരി: 6.50,തിരുവല്ല:7, ചെങ്ങന്നൂർ: 7.11, ചെറിയനാട്: 7.19, മാവേലിക്കര: 07.28, കായംകുളം: 7.40.
കരുനാഗപ്പള്ളി: 7.55, ശാസ്താംകോട്ട: 8.06, കൊല്ലം 8:27, മയ്യനാട്: 8.39,പരവൂർ: 8.44, വർക്കല ശിവഗിരി: 8.55, കടയ്ക്കാവൂർ: 9.06, ചിറയിൻകീഴ്: 9.11, തിരുവനന്തപുരം പേട്ട:9.33, തിരുവനന്തപുരം സെൻട്രൽ: 10.