ബൈ​ക്കി​ൽ ക​റ​ങ്ങി "സ്‌​പൈ​ഡ​ർ ക​മി​താ​ക്ക​ൾ' പോ​ലീ​സ് പി​ടി​ച്ച് അ​ക​ത്തി​ട്ടു
Tuesday, April 30, 2024 12:23 PM IST
സൗ​ത്ത് വെ​സ്റ്റ് ഡ​ൽ​ഹി​യി​ലെ ദ്വാ​ര​ക​യി​ൽ മോ​ട്ടോ​ർ സൈ​ക്കി​ളി​ൽ പ്ര​ത്യ​ക്ഷ​പ്പെ​ട്ട ര​ണ്ടു യാ​ത്രി​ക​രെ ക​ണ്ടു നാ​ട്ടു​കാ​ർ ഞെ​ട്ടി! സൂ​പ്പ​ർ ഹീ​റോ​ക​ളാ​യ സ്‌​പൈ​ഡ​ർ​മാ​ൻ, സ്‌​പൈ​ഡ​ർ വു​മ​ൺ വേ​ഷം ധ​രി​ച്ച് ബൈ​ക്കി​ൽ ആ​ടി​പ്പാ​ടി ക​റ​ങ്ങു​ന്ന സ്ത്രീ​യും പു​രു​ഷ​നും.

റീ​ൽ​സ് ഷൂ​ട്ടിം​ഗി​നു​വേ​ണ്ടി​യാ​ണ് "സ്പൈ​ഡ​ർ ക​മി​താ​ക്ക​ൾ' ഇ​രു​ച​ക്ര വാ​ഹ​ന​ത്തി​ൽ ആ​ഘോ​ഷ​മാ​യെ​ത്തി​യ​ത്. സ്‌​പൈ​ഡ​ർ​മാ​ൻ ആ​ദി​ത്യ (20)യും ​സു​ഹൃ​ത്ത് 19കാ​രി സ്‌​പൈ​ഡ​ർ വു​മ​ൺ അ​ഞ്ജ​ലി​യും ചേ​ർ​ന്നു നി​ർ​മി​ച്ച ഇ​ൻ​സ്റ്റാ​ഗ്രാം റീ​ൽ ഹി​റ്റാ​യെ​ങ്കി​ലും ന​ടു​റോ​ഡി​ലെ പ്ര​ക​ട​ന​ത്തി​ൽ ഇ​രു​വ​രും പു​ലി​വാ​ലു പി​ടി​ച്ചി​രി​ക്കു​ക​യാ​ണ്.

ന​മ്പ​ർ പ്ലേ​റ്റും ക​ണ്ണാ​ടി​യും ഇ​ല്ലാ​ത്ത ബൈ​ക്കി​ൽ ഹെ​ൽ​മ​റ്റ് ധ​രി​ക്കാ​തെ​യാ​യി​രു​ന്നു ഇ​വ​രു​ടെ പ്ര​ക​ട​നം. അ​പ​ക​ട​ക​ര​മാ​യി ബൈ​ക്ക് ഓ​ടി​ക്കു​ന്ന റീ​ൽ വൈ​റ​ലാ​യ​തോ​ടെ ഡ​ൽ​ഹി ട്രാ​ഫി​ക് പോ​ലീ​സ് ഇ​രു​വ​രെ​യും അ​റ​സ്റ്റ് ചെ​യ്യു​ക​യും മോ​ട്ടോ​ർ വാ​ഹ​ന നി​യ​മ​പ്ര​കാ​രം പി​ഴ​യ​ട​യ്ക്കാ​നു​ള്ള നോ​ട്ടീ​സ് ന​ൽ​കു​ക​യും ചെ​യ്തു.

ആ​ദി​ത്യ​യും അ​ഞ്ജ​ലി​യും സൂ​പ്പ​ർ​ഹീ​റോ വ​സ്ത്രം ധ​രി​ച്ച് ഡ​ൽ​ഹി​യി​ലെ തെ​രു​വി​ലി​റ​ങ്ങു​ന്ന​ത് ഇ​താ​ദ്യ​മാ​യ​ല്ല. ആ​ദി​ത്യ​യ്ക്ക് ഇ​ന്ത്യ​ൻ സ്പൈ​ഡി ഒ​ഫീ​ഷ്യ​ൽ എ​ന്ന പേ​രി​ൽ ഒ​രു ഇ​ൻ​സ്റ്റാ​ഗ്രാം അ​ക്കൗ​ണ്ട് ഉ​ണ്ട്. പ​തി​നാ​യി​ര​ത്തി​ലേ​റെ​ഫോ​ളോ​വേ​ഴ്‌​സ് ഉ​ണ്ട് ആ​ദി​ത്യ​യ്ക്ക്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.