ആ​ളു​ക​ളെ ആ​കെ ഞെ​ട്ടി​ച്ച് ചൈ​നീ​സ് യു​വ​തി​യു​ടെ "പ്ര​ണ​യ മ​സ്തി​ഷ്‌​കം'
Wednesday, April 24, 2024 10:49 AM IST
പ്ര​ണ​യം അ​ന്ധ​മാ​ണെ​ന്ന് ചി​ല​ര്‍ പ​റ​യാ​റു​ണ്ട​ല്ലൊ. പ്ര​ണ​യ​ത്തി​നാ​യി മ​രി​ക്കു​മെ​ന്നും വേ​റെ ജ​ന്മ​ങ്ങ​ള്‍ എ​ടു​ക്കു​മെ​ന്നു​മൊ​ക്കെ പ​ല​രും കു​റി​ക്കാ​റു​ണ്ട്. എ​ന്നാ​ല്‍ പ്ര​ണ​യ​ത്തിന്‍റെ പേ​രി​ല്‍ കൊ​ല്ലും കൊ​ല​പാ​ത​ക​വു​മൊ​ക്കെ ഇ​ക്കാ​ല​ത്ത് കൂ​ടി​വ​രു​ന്നു​മു​ണ്ട്.

ഇ​പ്പോ​ഴി​താ ചൈ​ന​യി​ലെ ഒ​രു യു​വ​തി ത​ന്‍റെ പ്ര​ണ​യം നി​മി​ത്തം ലോ​ക​മെ​മ്പാ​ടും ച​ര്‍​ച്ച​യാ​കു​ന്നു. അ​തി​നു കാ​ര​ണം ഈ ​യു​വ​തി​യു​ടെ "പ്ര​ണ​യം ഒ​രു​ത​രം ഭ്രാ​ന്ത്' എ​ന്ന​തു​ത​ന്നെ.

തെ​ക്കു​പ​ടി​ഞ്ഞാ​റ​ന്‍ ചൈ​ന​യി​ലെ സി​ചു​വാ​ന്‍ പ്ര​വി​ശ്യ​യി​ല്‍ നി​ന്നു​ള്ള സി​യാ​വു എ​ന്ന 18 കാ​രി​യാ​ണ് ഈ ​കാ​മു​കി. ഒ​രാ​ളു​മാ​യി പ്ര​ണ​യ​ത്തി​ലാ​യ സി​യാ​വു പ​ക്ഷേ ത​ന്‍റെ വി​ചി​ത്ര​മാ​യ പെ​രു​മാ​റ്റം നി​മി​ത്തം എ​ല്ലാ​വ​രെ​യും ആ​ശ​ങ്ക​യി​ലാ​ക്കി.

കാ​മു​ക​ന്‍ എ​പ്പോ​ഴും ത​ന്നോ​ട് സം​സാ​രി​ക്ക​ണം, അ​ടു​ത്തി​രി​ക്ക​ണം എ​ന്ന അ​തി​തീ​വ്ര ആ​ഗ്ര​ഹം സി​യാ​വു പ്ര​ക​ടി​പ്പി​ച്ചു. ഇ​തൊ​രു സാ​ധാ​ര​ണ കാ​ര്യ​മ​ല്ലെ എ​ന്നാ​കും എ​ല്ലാ​വ​രും വി​ചാ​രി​ക്കു​ക. എ​ന്നാ​ല്‍ ഇ​തെ​പ്പോ​ഴും ​വേ​ണ​മെ​ന്ന വാ​ശി​യി​ലാ​യിരുന്നു ഈ ​യു​വ​തി. കാ​മു​ക​നെ വി​ളി​ച്ചാ​ല്‍ കി​ട്ടി​യി​ല്ലെ​ങ്കി​ല്‍ വി​ളി​ച്ചു​കൊ​ണ്ടേ​യി​രി​ക്കും. ഫോ​ണ്‍ എ​ടു​ത്തി​ല്ലെ​ങ്കി​ല്‍ വീ​ചാ​റ്റി​ല്‍ വീ​ഡി​യോ കോ​ള്‍ വി​ളി​ക്കും. എ​വി​ടെ എ​പ്പോ​ള്‍ എ​ന്തു​ചെ​യ്യു​ന്നു എ​ന്ന കാ​ര്യ​ങ്ങ​ളി​ലൊ​ക്കെ അ​ടി​ക്ക​ടി അ​പ്‌​ഡേ​ഷ​ന്‍ ആ​വ​ശ്യ​പ്പെ​ടും. ത​ന്നി​ല്ലെ​ങ്കി​ല്‍ ബ​ഹ​ളം വ​യ്ക്കും.

ഒ​രി​ക്ക​ല്‍ 100 ത​വ​ണ തു​ട​ര്‍​ച്ചയാ​യി കാ​മു​ക​നെ വി​ളി​ച്ചു. ശ​ല്യ​മാ​യി മാ​റി​യ​തി​നാ​ല്‍ അ​യാ​ള്‍ ഫോ​ണ്‍ എ​ടു​ത്തി​ല്ല. കാ​മു​കി ഉടൻ വീ​ട്ടി​ലെ സാ​ധ​ന​ങ്ങ​ളൊ​ക്കെ ത​ച്ചു​ട​ച്ചു. മാ​ത്ര​മ​ല്ല വീ​ടി​ന് മു​ക​ളി​ല്‍​നി​ന്നും ചാ​ടു​വാ​നും തീ​രു​മാ​നി​ച്ചു.

സ്ഥി​തി​ഗ​തി​ക​ള്‍ വ​ഷ​ളാ​യ​പ്പോ​ള്‍ കാ​മു​ക​ന്‍ ഓ​ടി​യെ​ത്തി. പോ​ലീ​സും സ്ഥ​ല​ത്തെ​ത്തി. അ​വ​ര്‍ ഒ​രു​വി​ധ​ത്തി​ല്‍ സി​യാ​വു​വി​നെ താ​ഴെയി​റ​ക്കി. പി​ന്നീ​ട് ആ​ശു​പ​ത്രി​യി​ല്‍ എ​ത്തി​ച്ചു. സി​യാ​വു​വി​ന് 'ല​വ് ബ്രെ​യി​ന്‍' എ​ന്ന സ്ഥി​തി​യാ​ണെ​ന്ന് ചെം​ഗ്ഡു​വി​ലെ ഫോ​ര്‍​ത്ത് പീ​പ്പി​ള്‍​സ് ആ​ശു​പ​ത്രി​യി​ലെ ഡോ​ക്ട​ര്‍ ഡു ​നാ പ​റ​ഞ്ഞു.

ഉ​ത്ക​ണ്ഠ, വി​ഷാ​ദം, ബൈ​പോ​ളാ​ര്‍ ഡി​സോ​ര്‍​ഡ​ര്‍ തു​ട​ങ്ങി​യ മ​റ്റ് മാ​ന​സി​ക രോ​ഗ​ങ്ങ​ളു​മാ​യി ഈ ​അ​വ​സ്ഥ നി​ല​നി​ല്‍​ക്കു​മെ​ന്ന് ഡു ​പ​റ​ഞ്ഞു. ഇ​ത്ത​രം അ​വ​സ്ഥ​ക​ള്‍ കു​ട്ടി​ക്കാ​ല​ത്തെ അ​നാ​രോ​ഗ്യ​ക​ര​മാ​യ ബ​ന്ധ​ങ്ങ​ളു​മാ​യി ബ​ന്ധ​പ്പെ​ട്ടി​രി​ക്കാം. മാ​താ​പി​താ​ക്ക​ളു​മാ​യി ആ​രോ​ഗ്യ​ക​ര​മാ​യ ബ​ന്ധം പു​ല​ര്‍​ത്താ​ത്ത​തും കാ​ര​ണ​മാ​കും. വി​കാ​ര​ങ്ങ​ള്‍ നി​യ​ന്ത്രി​ക്കാ​ന്‍ സാ​ധി​ക്കു​മ്പോ​ള്‍ മാ​ത്ര​മാ​ണ് സി​യാ​വു​വി​ന് ഇ​തി​ല്‍ നി​ന്നും മോ​ച​നം സാ​ധ്യ​മാ​വു​ക. ചി​കി​ത്‌​സ​മൂ​ലം അ​ത് സാ​ധ്യ​മാ​ണെ​ന്ന് ഡു ​പ​റ​യു​ന്നു.

ഈ ​പ്ര​ശ്‌​ന​ത്തി​ല്‍ നെ​റ്റി​സ​ണ്‍​സും പ്ര​തി​ക​രി​ച്ചു. "പ്ര​ണ​യ മ​സ്തി​ഷ്‌​കം ഭ​യ​ങ്ക​ര​മാ​യി തോ​ന്നു​ന്നു' എ​ന്നാ​ണൊ​രാ​ള്‍ കു​റി​ച്ച​ത്. "പാ​വം അ​വ​ളെ മ​റ്റാ​രും സ്‌​നേ​ഹി​ക്കാ​ത്തി​നാ​ലാ​കാം ല​ഭി​ച്ച സ്‌​നേ​ഹ​ത്തി​ല്‍ ആ​ഴ​മാ​യി ഇ​റ​ങ്ങി​യ​ത്. അ​വ​ന്‍ അ​വ​ളെ മ​ന​സി​ലാ​ക്കി സ്വീ​ക​രി​ക്കു​മൊ' എ​ന്നാ​ണ് മ​റ്റൊ​രാ​ള്‍ കു​റി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.