കരയിലെ ഏറ്റവും വലിയ ജീവിയായ ആനയ്ക്ക് ഒട്ടനവധി ആരാധകരുണ്ട്. അതിന്‍റെ വലിപ്പവും ആ നടപ്പും ചിന്നം വിളിയുമൊക്കെ ആരെയാണ് ഒന്ന് ആകര്‍ഷിക്കാത്തത്. ഈ വന്യമൃഗം കൂട്ടമായിട്ടാണല്ലൊ സഞ്ചരിക്കാറ്.
ഒരു ആനക്കുടംബത്തിന്‍റെ സഞ്ചാരമൊക്കെ ഒന്നുകാണേണ്ടതു തന്നെയാണ്. പണ്ട് കാലങ്ങളില്‍ ഇതത്ര സാധ്യമല്ലായിരുന്നു. എന്നാല്‍ സമൂഹ മാധ്യമങ്ങളുടെയും കാമറകളുടെയും കാലത്ത് എവിടെയും ഈ കാഴ്ചകള്‍ എത്തും.
അടുത്തിടെ എക്‌സിലെത്തിയ ഒരു വീഡിയോ പറയുന്നത് ഒരു കൂട്ടം ആനകള്‍ റെയില്‍വേ ട്രാക്ക് മുറിച്ചുകടക്കുന്ന കാഴ്ചയാണ്. ഇന്ത്യന്‍ ഫോറസ്റ്റ് സര്‍വീസ് ഓഫീസര്‍ പര്‍വീണ്‍ കസ്വാന്‍ പങ്കുവച്ച ദൃശ്യങ്ങളില്‍ നൂറുനടുത്ത് ആനകള്‍ ഒരു കാട്ടുവഴി കയറി ഇറങ്ങുന്നത് കാണാം.
അതിനിടയിലൂടെ ഒരു തീവണ്ടി പാളവുമുണ്ട്. ചെറുതും വലുതുമായ ആനകള്‍ ചാഞ്ഞും ചെരിഞ്ഞുമൊക്കെ ഇവിടംവഴി പോകുമ്പോള്‍ വല്ലാത്ത രസകരമായ കാഴ്ചയാണത്. വൈറലായി മാറിയ ദൃശ്യങ്ങള്‍ക്ക് നിരവധി അഭിപ്രായങ്ങള്‍ ലഭിച്ചു. "ഈ ഭീമന്മാര്‍ സൗമ്യമായി നടക്കുന്നത് കാണുന്നതില്‍ സന്തോഷമുണ്ട്' എന്നാണൊരാള്‍ കുറിച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.