സം​സ്ഥാ​ന​ത്തെ കളക്‌ടറേറ്റിലെ ആ​ദ്യ വ​നി​താ ഡ​ഫേ​ദാ​ർ എ​ന്ന നേ​ട്ടം സ്വ​ന്തംപേ​രി​ൽ​ ചേ​ർ​ത്ത്‌ അ​റ​യ്ക്ക​ൽ കെ. സി​ജി. ‘ചെ​ത്തി’​യെ​ന്ന തീ​ര​ഗ്രാ​മ​ത്തി​ൽ​നി​ന്ന്‌ 2000ൽ ​ജിവി ​രാ​ജ​യു​ടെ മി​ക​ച്ച കാ​യി​ക​താ​ര​ത്തി​നു​ള്ള അ​വാ​ർ​ഡ്‌ നേ​ടി​യ സി​ജി 24 വ​ർ​ഷ​ത്തി​നി​പ്പു​റം അ​ങ്ങ​നെ വീ​ണ്ടും ച​രി​ത്ര​ത്തി​ന്‍റെ ഭാ​ഗ​മാ​കു​ന്നു.

ഇ​നി ആ​ല​പ്പു​ഴ ക​ള​ക്‌​ട​ർ അ​ല​ക്സ്‌ വ​ർ​ഗീ​സി​ന്‍റെ ഡ​ഫേ​ദാ​റാ​യി (അ​ക​മ്പ​ടി ജീ​വ​ന​ക്കാ​രി) സ​ദാ​സ​മ​യ​വും സി​ജി​യു​ണ്ടാ​കും. തി​ങ്ക​ളാ​ഴ്ച ജോ​ലി​യി​ൽ പ്ര​വേ​ശി​ച്ചു. നി​ല​വി​ലെ ഡ​ഫേ​ദാ​ർ എ​ൽ​ഡി ക്ല​ർ​ക്കാ​യി സ്ഥാ​ന​ക്ക​യ​റ്റം ല​ഭി​ച്ച​തോ​ടെ ഒ​ഴി​വു​വ​ന്ന ത​സ്തി​ക​യി​ൽ മു​ൻ​ഗ​ണ​നാ​ക്ര​മം അ​നു​സ​രി​ച്ചാ​ണ് സി​ജി നി​യ​മി​ത​യാ​യ​ത്‌.

‘വി​ര​മി​ക്കാ​ൻ ആറുമാ​സം കൂ​ടി​യേ​യു​ള്ളൂ. ന​ന്നാ​യി പ്ര​വ​ർ​ത്തി​ക്കാ​നാ​കു​മെ​ന്ന്‌ വി​ശ്വ​സി​ക്കു​ന്നു. ജോ​ലി ഏ​റ്റെ​ടു​ത്ത​പ്പോ​ൾ ഏ​റ്റ​വു​മ​ധി​കം പി​ന്തു​ണ ത​ന്ന​ത്‌ കു​ടും​ബ​മാ​ണ്’ -സി​ജി പ​റ​ഞ്ഞു.


ഭാ​രോ​ദ്വ​ഹ​ന​ത്തി​ൽ 1996, 1997, 1998 വ​ർ​ഷ​ങ്ങ​ളി​ൽ ദേ​ശീ​യ, സം​സ്ഥാ​ന മ​ത്സ​ര​ങ്ങ​ളി​ലും1995ൽ ​ദ​ക്ഷി​ണ കൊ​റി​യ​യി​ൽ ന​ട​ന്ന ഏ​ഷ്യ​ൻ മ​ത്സ​ര​ത്തി​ലും സി​ജി സ്വ​ർ​ണ​മെ​ഡ​ൽ നേ​ടിയിരിന്നു. 2005 സെ​പ്‌​തം​ബ​ർ ഏ​ഴി​ന്‌ സ്പോ​ർ​ട്‌​സ്‌ ക്വാ​ട്ട​യി​ൽ കളക്‌ടറേറ്റി​ൽ ഓ​ഫീ​സ്‌ അ​റ്റ​ൻ​ഡ​റാ​യി ജോ​ലി​യി​ൽ പ്ര​വേ​ശി​ച്ചു.

2019ൽ ​കളക്‌ട​റു​ടെ ചേം​ബ​റി​ലെ​ത്തി.​ ജോ​സ​ഫ്‌ വി. ​അ​റ​യ്ക്ക​ലാ​ണ് ഭ​ർ​ത്താ​വ്‌. ബി​എ​സ്‌​സി ന​ഴ്‌​സിംഗ്‌ അ​വ​സാ​ന വ​ർ​ഷ വി​ദ്യാ​ർ​ഥി​നി വ​ർ​ണ ജോ​സ​ഫ്‌, ഒ​മ്പ​താം ക്ലാ​സ്‌ വി​ദ്യാ​ർ​ഥി​നി വി​സ്‌​മ​യ ടി. ​അ​റ​യ്ക്ക​ൽ എ​ന്നി​വ​ർ മ​ക്ക​ൾ.