പ​ഠി​പ്പ് മാ​ത്രം പോ​രാ...; ഒ​ന്നാംറാ​ങ്കു​കാ​ര​ന്‍ സ്ത്രീ​ധ​ന​മാ​യി ചോ​ദി​ച്ച​ത് 50 കോ​ടി
Thursday, October 31, 2024 10:00 AM IST
ന​മ്മു​ടെ നാ​ട്ടി​ല്‍ സ്ത്രീ​ധ​നം വാ​ങ്ങു​ന്ന​തും കൊ​ടു​ക്കു​ന്ന​തും ഒ​രു​പോ​ലെ കു​റ്റ​ക​ര​മാ​ണ​ല്ലൊ. എ​ന്നി​ട്ടും പ​ല​രും ഇ​ക്കാ​ര്യം പ​ല പേ​രി​ല്‍ കൈ​മാ​റു​ന്നു. ഇ​ത്ത​രം "സ​മ്മാ​ന​ങ്ങ​ള്‍' നി​മി​ത്തം പ​ല യു​വ​തി​ക​ളും ജീ​വ​നൊ​ടു​ക്കേ​ണ്ട സാ​ഹ​ച​ര്യം ഉ​ണ്ടാ​കാ​റു​ണ്ട​ല്ലൊ. അ​ന്നേ​രം സ​മൂ​ഹം ഒ​ന്ന് പ്ര​തി​ക​രി​ക്കും പി​ന്നെ ത​ണു​ക്കും.

സാ​ധാ​ര​ണ​ക്കാ​ര്‍​ക്കി​ട​യി​ല്‍ മാ​ത്ര​മ​ല്ല വ​ലി​യ ധ​നി​ക​ര്‍​ക്കി​ട​യി​ലും സ്ത്രീ​ധ​നം വ​ലി​യ പ്ര​ശ്‌​ന​മാ​യി തു​ട​രു​ന്നു.വി​ദ്യാ​ഭ്യാ​സ​മു​ള്ള​വ​ര്‍ അ​ല്‍​പം മാ​റി​ചി​ന്തി​ക്കു​മെ​ന്ന് നാം ​പ്ര​തീ​ക്ഷി​ക്കു​ന്നു​ണ്ട​ല്ലൊ. എ​ന്നാ​ല്‍ എ​ല്ലാ​വ​രി​ല്‍ നി​ന്നും അ​ങ്ങ​നെ പ്ര​തീ​ക്ഷി​ക്കേ​ണ്ട​തി​ല്ല എ​ന്ന​തിന്‍റെ​ ഒ​രു​ദാ​ഹ​ര​ണ​ത്തെ കു​റി​ച്ചാ​ണി​ത്.

അ​ടു​ത്തി​ടെ ഒ​രു യു​വ​തി സോ​ഷ്യ​ല്‍ മീ​ഡി​യ​യി​ല്‍ കാ​ര്യം പ​റ​യു​ക​യു​ണ്ടാ​യി. ത​ന്‍റെ സു​ഹൃ​ത്തി​ന്‍റെ അ​നു​ഭ​വ​മാ​ണ് യു​വ​തി എ​ക്‌​സി​ൽ കു​റി​ച്ച​ത്. ആ ​പെ​ണ്‍​കു​ട്ടി​ക്ക് ഒ​രു ക​ല്യാ​ണാ​ലോ​ച​ന വ​ന്ന​ത്രെ. ഡ​ല്‍​ഹി എ​യിം​സി​ലെ ഒ​ന്നാം റാ​ങ്കു​കാ​ര​നാ​യ ഡോ​ക്ട​റു​ടെ ആ​ലോ​ച​ന​യാ​യി​രു​ന്ന​ത്.

യു​വ​തി​യും ഡോ​ക്ട​റാ​ണ്. മാ​ത്ര​മ​ല്ല അ​ന​സ്തേ​ഷ്യ​യി​ല്‍ ഉ​ന്ന​ത പ​ഠ​നം ന​ട​ത്തു​ക​യാ​ണ് യു​വ​തി. എ​ന്നാ​ല്‍ ഞെ​ട്ടി​ക്കു​ന്ന കാ​ര്യം ഈ ​ഒ​ന്നാം​റാ​ങ്കു​കാ​ര​ന്‍ യാ​തൊ​രു ല​ജ്ജ​യു​മി​ല്ലാ​തെ 50 കോ​ടി രൂ​പ സ്ത്രീ​ധ​ന​മാ​യി ആ​വ​ശ്യ​പ്പെ​ട്ടു. മ​ക​ള്‍​ക്കാ​യി ത​ങ്ങ​ളു​ടെ സ​മ്പാ​ദ്യം മു​ഴ​വ​ന്‍ ചെ​ല​വ​ഴി​ക്കേ​ണ്ടി​വ​രു​മെ​ന്ന തി​രി​ച്ച​റി​വ് ഉ​ണ്ടാ​യ​താ​യി കൂ​ട്ടു​കാ​രി​യു​ടെ മാ​താ​പി​താ​ക്ക​ള്‍ പ​റ​യു​ന്ന സ്ഥിതി.


എ​ന്നാ​ലും യൂ​റോ​ള​ജി​സ്റ്റ് കൂ​ടി​യാ​യ ഈ ​ഒ​ന്നാം റാ​ങ്കു​കാ​ര​ന് ഒ​രു നാ​ണ​വു​മി​ല്ലെ എ​ന്നാ​ണ് യു​വ​തി എ​ക്‌​സി​ല്‍ ചോ​ദി​ച്ച​ത്. ഇ​വ​നെ​യൊ​ക്കെ ക​ഠി​ന​മാ​യി ശി​ക്ഷി​ക്ക​ണ​മെ​ന്ന് നെ​റ്റി​സ​ണ്‍​സും രോ​ഷം കൊ​ള്ളു​ന്നു. ആളുകൾ കുടുംബമല്ല വ്യാപാരമാണ് സൃഷ്ടിക്കുന്നതെന്ന് ഒരാൾ കുറിച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.