ന​മു​ക്കി​ട​യി​ല്‍ ഉ​ത്ത​ര​മി​ല്ലാ​ത്ത ചോ​ദ്യ​ങ്ങ​ളും ഉ​ത്ത​രം മു​ട്ടി​ക്കു​ന്ന ചോ​ദ്യ​ങ്ങ​ളു​മൊ​ക്കെ​യു​ണ്ട​ല്ലൊ. ഉ​ത്ത​ര​മി​ല്ലാ​ത്ത ചോ​ദ്യ​ങ്ങ​ള്‍ പ​ല​പ്പോ​ഴും ര​സ​ക​ര​മാ​യ ത​ര്‍​ക്ക​ങ്ങ​ള്‍​ക്കൊ​ക്കെ വ​ഴി​വ​യ്ക്കാ​റു​ണ്ട്. അ​ത്ത​ര​ത്തി​ല്‍ പ്ര​ശ​സ്ത​മാ​യ ഒ​രു ചോ​ദ്യ​മാ​ണ​ല്ലൊ കോ​ഴി​യാ​ണൊ മു​ട്ട​യാ​ണോ ആ​ദ്യം വ​ന്ന​തെ​ന്ന​ത്.

ചി​ല​ര്‍ മു​ട്ട​യ്ക്കാ​യി ക​ട്ടാ​യം ത​ര്‍​ക്കി​ക്കു​മ്പോ​ള്‍ ചി​ല​ര്‍ ത​ങ്ങ​ള്‍ കോ​ഴി പ​ക്ഷ​ക്കാ​ര്‍ എ​ന്നു​റ​പ്പി​ച്ച് പ​റ​യും. എ​ന്നാ​ല്‍ അ​ടു​ത്തി​ടെ ഇ​ന്തോ​നേ​ഷ്യ​യി​ല്‍ ഈ ​ചോ​ദ്യം ഒ​രു കൊ​ല​പാ​ത​ക​ത്തി​ലാ​ണ് ക​ലാ​ശി​ച്ച​ത്. ദുഃ​ഖ​ക​ര​മാ​യ ഈ ​സം​ഭ​വം ന​ട​ന്ന​ത് ഇ​ന്തോ​നേ​ഷ്യ​യി​ലെ തെ​ക്കു​കി​ഴ​ക്ക​ന്‍ സു​ല​വേ​സി പ്ര​വി​ശ്യ​യി​ല്‍ സ്ഥി​തി ചെ​യ്യു​ന്ന മു​ന റീ​ജ​ന്‍​സി​യി​ലാ​ണ്.

ജൂ​ലൈ 24 നാ​ണ് സം​ഭ​വം ന​ട​ന്ന​തെ​ന്നാണ് റി​പ്പോ​ര്‍​ട്ടു​ക​ള്‍. ഡി​ആ​ര്‍ എ​ന്ന ഇ​നീ​ഷ്യ​ലി​ല്‍ മാ​ത്രം തി​രി​ച്ച​റിയുന്ന പ്ര​തി​യും സു​ഹൃ​ത്ത് കാ​ദി​ര്‍ മ​ര്‍​ക​സും ആ​ണ് ത​ര്‍​ക്ക​ത്തി​ല്‍ ഏ​ര്‍​പ്പെ​ട്ട​ത്. ഇ​രു​വ​രും കൂ​ടി മ​ദ്യ​പി​ക്കു​ന്ന​തി​നി​ടെ ഡി​ആ​ര്‍ "കോ​ഴി​ച്ചോ​ദ്യം' മ​ര്‍​ക​സി​നോ​ട് ചോ​ദി​ച്ചു. ച​ര്‍​ച്ച ത​ര്‍​ക്ക​മാ​യ വാ​ദ​പ്ര​തി​വാ​ദ​മാ​യി. ഒ​ടു​വി​ല്‍ വ​ഴ​ക്കു​മാ​യി.


ഈ ​സ​മ​യം സാ​ഹ​ച​ര്യം വ​ഷ​ളാ​ക്കാ​തി​രി​ക്കാ​ന്‍, സം​ഭാ​ഷ​ണം ഉ​പേ​ക്ഷി​ച്ച് മാ​ര്‍​ക​സ് വീ​ട്ടി​ലേ​യ്ക്ക് ന​ട​ന്നു. എ​ന്നാ​ല്‍ കു​പി​ത​നാ​യ ഡി​ആ​ര്‍ ബു​ഗി​സ്, മ​കാ​സ​റീ​സ് തു​ട​ങ്ങി​യ തെ​ക്ക​ന്‍ സു​ല​വേ​സി​യി​ലെ തീ​ര​ദേ​ശ ഗോ​ത്ര​ങ്ങ​ള്‍ ഉ​പ​യോ​ഗി​ച്ചി​രു​ന്ന ബാ​ഡി​ക് എ​ന്ന​റി​യ​പ്പെ​ടു​ന്ന ഒ​രു പ​ര​മ്പ​രാ​ഗ​ത ആ​യു​ധ​വു​മാ​യി പി​ന്നാ​ലെ എ​ത്തി.

ശേ​ഷം മാ​ര്‍​ക​സി​നെ ആ​ക്ര​മി​ച്ചു. ആ​യു​ധം ഉ​പ​യോ​ഗി​ച്ച് 15-ല​ധി​കം ത​വ​ണ കു​ത്തി. സ​മീ​പ​ത്തു​ണ്ടാ​യി​രു​ന്ന​വ​ര്‍ ഉ​ട​ന്‍ ത​ന്നെ മാ​ര്‍​ക​സി​നെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ആ​ള് മ​ര​ണ​ത്തി​ന് കീ​ഴ​ട​ങ്ങി.

കൊ​ല​പാ​ത​കം ന​ട​ക്കു​മ്പോ​ള്‍ ഇ​രു​വ​രും മ​ദ്യ​ല​ഹ​രി​യി​ലാ​യി​രു​ന്നു​വെ​ന്ന് ടോ​ങ്കു​നോ പോ​ലീ​സ് മേ​ധാ​വി ഇ​പ്തു അ​ബ്ദു​ള്‍ ഹ​സ​ന്‍ സ്ഥി​രീ​ക​രി​ച്ചു. റി​പ്പോ​ര്‍​ട്ടു​ക​ള്‍ പ്ര​കാ​രം, ഡി​ആ​റി​നെ പോ​ലീ​സ് അ​റ​സ്റ്റ് ചെ​യ്യു​ക​യും ആ​യു​ധ​വും പി​ടി​ച്ചെ​ടു​ക്കുകയും ചെയ്തു. പ്ര​തി​യ്ക്ക് 18 വ​ര്‍​ഷം വ​രെ ത​ട​വ് ല​ഭി​ക്കാ​നി​ട​യു​ണ്ടെ​ന്നാ​ണ് വി​വ​രം.

എ​ന്താ​യാ​ലും നി​രു​പ​ദ്ര​വം എ​ന്ന് ക​രു​തി​യ ഒ​രു സം​ശ​യം ഒ​രാ​ളു​ടെ ജീ​വ​നെ​ടു​ത്ത ഞെ​ട്ട​ലി​ലാ​ണ് നെ​റ്റി​സ​ണ്‍​സ്.