ആ​രാ​ധ​നാ​ല​യ​ങ്ങ​ളി​ൽ പോ​കു​ന്ന​ത് പ്രാ​ർ​ഥി​ക്കാ​നും അ​നു​ഗ്ര​ഹം വാ​ങ്ങി​ക്കാ​നു​മ​ല്ലേ. എ​ന്നാ​ൽ, ചൈ​ന​യി​ലെ ഒ​രു ക്ഷേ​ത്ര​ത്തി​ലെ ഇ​പ്പോ​ഴ​ത്തെ തി​ര​ക്ക് ഒ​രു പൂ​ച്ച​യു​ടെ ക​യ്യി​ൽ നി​ന്നും ഹൈ ​ഫൈ​വ് വാ​ങ്ങി​ക്കാ​നാ​ണ്.

ക്ഷേ​ത്ര​ത്തി​ലെ​ത്തു​ന്ന​വ​ർ പൂ​ച്ച​യെ സ​ന്ദ​ർ​ശി​ച്ചാ​ൽ ഹൈ ​ഫൈ​വ് ന​ൽ​കി പൂ​ച്ച​യ​നു​ഗ്ര​ഹം വാ​ങ്ങാം. കി​ഴ​ക്ക​ൻ ചൈ​ന​യി​ലെ ജി​യാ​ങ്സു പ്ര​വ​ശ്യ​യി​ലെ സു​ഷൗ​വി​ലെ സി​യു​വാ​ൻ ബു​ദ്ധ ക്ഷേ​ത്ര​ത്തി​ലാ​ണ് ഈ ​പൂ​ച്ച​യു​ള്ള​ത്.

പ്ര​ശ​സ്ത​നാ​യ​തി​ന്‍റെ ഗ​മ അ​ൽ​പ്പം കാ​ട്ടി​യാ​ണ് പൂ​ച്ച​യു​ടെ ഇ​രു​പ്പ്. ക​ഴു​ത്തി​ൽ സ്വ​ർ​ണ നി​റ​ത്തി​ലു​ള്ള വ​ലി​യ ച​ങ്ങ​ലും ധ​രി​ച്ചി​ട്ടു​ണ്ട്. പൂ​ച്ച​യ​നു​ഗ്ര​മെ​ന്ന വി​ശേ​ഷ​ണ​ത്തോ​ടെ​യാ​ണ് സ​മൂ​ഹ​മാ​ധ്യ​മ​ങ്ങ​ളി​ൽ വീ​ഡി​യോ പ​ങ്കു​വെ​യ്ക്കു​ന്ന​ത്.


സു​ഷൗ ടൂ​റി​സ​ത്തി​ന്‍റെ ഔ​ദ്യോ​ഗി​ക ഇ​ൻ​സ്‌​റ്റ​ഗ്രാം പേ​ജി​ലൂ​ടെ​യാ​ണ് വീ​ഡി​യോ പോ​സ്റ്റ് ചെ​യ്തി​രി​ക്കു​ന്ന​തെ​ന്നാ​ണ് റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്ന​ത്. എ​ന്താ​യാ​ലും അ​ന്താ​രാ​ഷ്‌​ട്ര ത​ല​ത്തി​ൽ വ​രെ വൈ​റ​ലാ​യി​രി​ക്കു​ക​യാ​ണ് പൂ​ച്ച​യും ക്ഷേ​ത്ര​വും. ക്ഷേ​ത്ര​ത്തി​ലെ​ത്തു​ന്ന​വ​ർ പൂ​ച്ച​യു​ടെ ക​യ്യി​ൽ നി​ന്നും ഹൈ ​ഫൈ​വ് വാ​ങ്ങി​ക്കാ​ൻ തി​ര​ക്ക് കൂ​ട്ടു​ന്ന​തും വീ​ഡി​യോ​യി​ൽ​കാ​ണാം.

യു​വാ​ൻ രാ​ജ​വം​ശ​മാ​ണ് ഈ ​ക്ഷേ​ത്രം നി​ർ​മി​ച്ച​തെ​ന്നും പ​ര​ന്പ​രാ​ഗ​ത ചൈ​നീ​സ് ഗാ​ർ​ഡ​ൻ സൗ​ന്ദ​ര്യ​വും പു​രാ​ത​ന ബു​ദ്ധ വാ​സ്തു​വി​ദ്യ​യും കൂ​ടി​ച്ചേ​ർ​ന്ന നി​ർ​മി​തി​യാ​ണി​തെ​ന്നും റി​പ്പോ​ർ​ട്ടു​ക​ൾ പ​റ​യു​ന്നു.​വെ​സ്റ്റ് ഗാ​ർ​ഡ​ൻ ടെം​പി​ൾ എ​ന്നും ഈ ​ക്ഷേ​ത്രം അ​റി​യ​പ്പെ​ടു​ന്നു.