നാ​യ​പ്രേ​മി​ക​ൾ സ്വ​ന്ത​മാ​ക്കാ​ൻ ആ​ഗ്ര​ഹി​ക്കു​ന്ന ഇ​ന​മാ​ണു കൊ​ക്കേ​ഷ്യ​ൻ ഷെ​പ്പേ​ർ​ഡ് ഡോ​ഗു​ക​ൾ. സോ​വി​യ​റ്റ് യൂ​ണി​യ​നി​ലെ കോ​ക്ക​സ​സ് പ​ർ​വ​ത​നി​ര​ക​ളി​ൽ ക​ന്നു​കാ​ലി സം​ര​ക്ഷ​ണ​ത്തി​ന് ഇ​ട​യ​ന്മാ​രെ സ​ഹാ​യി​ക്കു​ന്ന ഭീ​മ​ൻ നാ​യ്ക്ക​ളാ​ണി​വ. കാ​ഴ്ച​യി​ൽ ഭീ​ക​ര​നാ​ണെ​ന്നു തോ​ന്നു​മെ​ങ്കി​ലും മ​നു​ഷ്യ​നു​മാ​യി വേ​ഗം ഇ​ണ​ങ്ങും. വ​ള​ർ​ച്ച എ​ത്തി​യാ​ൽ 70 കി​ലോ​ഗ്രാ​മി​ല​ധി​കം ഭാ​ര​വും 75 സെ​ന്‍റി​മീ​റ്റ​ർ എ​ങ്കി​ലും ഉ​യ​ര​വും ഇ​വ​യ്ക്കു​ണ്ടാ​കും.

ഇ​വ​യെ സ്വ​ന്ത​മാ​ക്കാ​ൻ ല​ക്ഷ​ങ്ങ​ൾ വി​ല ന​ൽ​ക​ണ​മെ​ന്നു മാ​ത്ര​മ​ല്ല പ​രി​പാ​ലി​ക്കാ​ൻ മാ​സം 60,000 രൂ​പ​യെ​ങ്കി​ലും മു​ട​ക്കേ​ണ്ടി​യും വ​രും. നാ​യ്ക്ക​ൾ​ക്കാ​യു​ള്ള പ്ര​ത്യേ​ക ഭ​ക്ഷ​ണ​ത്തി​നു പു​റ​മെ മാം​സ​വും മെ​നു​വി​ൽ നി​ർ​ബ​ന്ധം. ദി​വ​സ​ത്തി​ൽ മൂ​ന്നു​ത​വ​ണ ഇ​വ​ൻ ഭ​ക്ഷ​ണം ക​ഴി​ക്കും. വേ​ന​ൽ​ക്കാ​ല​ത്ത് ഇ​ന്ത്യ​യി​ലെ ചൂ​ട് സ​ഹി​ക്കാ​ൻ ക​ഴി​യാ​ത്ത​തി​നാ​ൽ കൂ​ട് എ​യ​ർ​ക​ണ്ടീ​ഷ​ൻ ചെ​യ്തി​രി​ക്ക​ണം. കു​ടി​ക്കാ​ൻ ഇ​ട​യ്ക്കി​ടെ ത​ണു​ത്ത വെ​ള്ളം ന​ൽ​കു​ന്ന​തി​നൊ​പ്പം ദി​വ​സം മൂ​ന്നു​ത​വ​ണ കു​ളി​പ്പി​ക്കു​ക​യും ചെ​യ്യ​ണം.


ഡ​ൽ​ഹി​യി​ൽ അ​ടു​ത്തി​ടെ ന​ട​ന്ന പെ​റ്റ് ഫെ​ഡ് ഇ​ന്ത്യ ഇ​വ​ന്‍റി​ൽ കൊ​ക്കേ​ഷ്യ​ൻ ഷെ​പ്പേ​ർ​ഡ് നാ​യ​യെ എ​ത്തി​ച്ചി​രു​ന്നു. ഉ​ത്ത​ർ​പ്ര​ദേ​ശി​ലെ ബു​ല​ന്ദ്ഷ​ഹ​ർ സ്വ​ദേ​ശി വി​നാ​യ​ക് പ്ര​താ​പ് സിം​ഗ് ആ​ണു "തോ​ർ' എ​ന്നു പേ​രു​ള്ള നാ​യ​യെ കൊ​ണ്ടു​വ​ന്ന​ത്.

എ​ട്ടു ല​ക്ഷം രൂ​പ​യ്ക്ക് അ​മേ​രി​ക്ക​യി​ൽ​നി​ന്നാ​ണ് വി​നാ​യ​ക് ഇ​വ​നെ സ്വ​ന്ത​മാ​ക്കി​യ​ത്. "തോ​റി'​നു കൂ​ട്ടാ​യി ഇ​തേ ഇ​ന​ത്തി​ൽ​പ്പെ​ട്ട ഒ​രു പെ​ൺ​നാ​യ​യെ കൂ​ടി ഇ​ദ്ദേ​ഹം വാ​ങ്ങി​യി​ട്ടു​ണ്ട്. ഏ​താ​നും നാ​ൾ മു​ൻ​പ് ബം​ഗ​ളൂ​രു സ്വ​ദേ​ശി​യാ​യ ഒ​രാ​ൾ 20 കോ​ടി രൂ​പ​യ്ക്ക് ഈ ​ഇ​ന​ത്തി​ൽ​പ്പെ​ട്ട നാ​യ​യെ വാ​ങ്ങി​യ​ത് വാ​ർ​ത്ത​ക​ളി​ൽ ഇ​ടം പി​ടി​ച്ചി​രു​ന്നു.