ധോ​ണി​യെ കാ​ണാ​ന്‍ 1,200 കി​ലോ​മീ​റ്റ​ര്‍ സൈ​ക്കി​ള്‍ ച​വി​ട്ടി എ​ത്തി​യ ആ​രാ​ധ​ക​ന്‍
Saturday, October 5, 2024 11:52 AM IST
ലോ​ക​ത്തിന്‍റെ എ​ല്ലാ കോ​ണു​ക​ളി​ല്‍ നി​ന്നും ആ​രാ​ധ​ക​രു​ള്ള ഒ​രാ​ളാ​ണ​ല്ലൊ മു​ന്‍ ഇ​ന്ത്യ​ന്‍ ക്രി​ക്ക​റ്റ് താ​രം മ​ഹേ​ന്ദ്ര സിം​ഗ് ധോ​ണി. ഇ​ന്ത്യ​യ്ക്കാ​യി ലോ​ക​ക​പ്പു​ക​ള്‍ നേ​ടി​ത്ത​ന്നി​ട്ടു​ള്ള ഇ​ദ്ദേ​ഹം ഐ​പി​എ​ല്‍ മ​ത്‌​സ​ര​ങ്ങ​ളി​ല്‍ ചെ​ന്നൈ​യ്ക്കാ​യി ഇ​പ്പോ​ഴും ക​ളി​ക്കു​ന്നു​ണ്ട്. ഇ​ക്കാ​ര​ണ​ത്താ​ല്‍​ത്ത​ന്നെ സി​എ​സ്‌​കെ ടീ​മി​ന് വ​ലി​യ പി​ന്തു​ണ​യാ​ണു​ള്ള​ത്.

ഇ​പ്പോ​ഴി​താ ധോ​ണി​യെ കാ​ണാ​ന്‍ 1,200 കി​ലോ​മീ​റ്റ​ര്‍ സൈ​ക്കി​ള്‍ ഓ​ടി​ച്ചുപോ​യ ഒ​രു ആ​രാ​ധ​ക​ന്‍ സ​മൂ​ഹ മാ​ധ്യ​മ​ങ്ങ​ളി​ല്‍ വൈ​റ​ലാ​കു​ന്നു. ഡ​ല്‍​ഹി​യി​ല്‍ നി​ന്നു​ള്ള ഗൗ​ര​വ് കു​മാ​ര്‍ ആ​ണ് ഈ ​വ്യ​ക്തി. റാ​ഞ്ചി​യി​ലേ​ക്ക് ഏ​ക​ദേ​ശം 1,200 കി​ലോ​മീ​റ്റ​ര്‍ സൈ​ക്കി​ള്‍ ച​വി​ട്ടി​യാ​ണ് ഇ​യാ​ള്‍ ധോ​ണി​യു​ടെ ഫാം ​ഹൗ​സി​ല്‍ എ​ത്തി​യ​ത്.

ഇ​ന്‍​സ്റ്റ​ഗ്രാം ദൃ​ശ്യ​ങ്ങ​ളി​ല്‍ ഇ​യാ​ള്‍ കാ​ത്ത് നി​ല്‍​ക്കു​മ്പോ​ള്‍ ധോ​ണി ത​ന്‍റെ കാ​റി​ല്‍ ക​യ​റി പോ​കു​ന്ന​താ​യി കാ​ണാം. ആ​രാ​ധ​ക​ന്‍ ഈ ​നി​മി​ഷം മൊ​ബൈ​ലി​ല്‍ പ​ക​ര്‍​ത്തു​ന്നു​ണ്ടെ​ങ്കി​ലും ധോ​ണി ഗൗ​ര​വി​നെ ശ്ര​ദ്ധി​ക്കാ​തെ ക​ട​ന്നു​പോ​കു​ന്നു.

സാ​ധാ​ര​ണ ത​ന്‍റെ ആ​രാ​ധ​ക​രെ ധോ​ണി നി​രാ​ശ​പ്പെ​ടു​ത്താ​റി​ല്ല. ഒ​രു​പ​ക്ഷേ അ​ദ്ദേ​ഹം മ​റ്റെ​ന്തെ​ങ്കി​ലും തി​ര​ക്കി​ല്‍ ആ​യി​രി​ക്കാം അ​ല്ലെ​ങ്കി​ല്‍ ക​ണ്ടി​രി​ക്കി​ല്ല എ​ന്നാ​ണ് നെ​റ്റി​സ​ണ്‍​സ് പ​റ​യു​ന്ന​ത്. എ​ന്നാ​ല്‍ ഗൗ​ര​വി​നി​ത് ആ​ദ്യ​ത്തെ അ​നു​ഭ​വ​മ​ല്ല.

നേ​ര​ത്തെ, ഇ​ന്ത്യ​ന്‍ പ്രീ​മി​യ​ര്‍ ലീ​ഗി​നി​ടെ ഇ​തേ ല​ക്ഷ്യ​വു​മാ​യി ഡ​ല്‍​ഹി​യി​ല്‍ നി​ന്ന് ചെ​ന്നൈ​യി​ലേ​ക്ക് സൈ​ക്കി​ള്‍ ച​വി​ട്ടി​യി​രു​ന്നു, പ​ക്ഷെ അ​ന്നും ധോ​ണി​യെ കാ​ണാ​നാ​യി​ല്ല. എ​ന്താ​യാ​ലും സ​മൂ​ഹ മാ​ധ്യ​മ​ങ്ങ​ള്‍ വ​ഴി ത​ന്‍റെ പ്ര​യ​ത്‌​ന​ങ്ങ​ള്‍ ധോ​ണി അ​റി​യ​ണം എ​ന്ന​താ​ണ് ഗൗ​ര​വി​ന്‍റെ മോ​ഹം. "വി​ഷ​മി​ക്കേ​ണ്ട, ശ്ര​മം തു​ട​രു​ക' എ​ന്നാ​ണൊ​രാ​ള്‍ കു​റി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.