യൂ​ട്യൂ​ബ് ഒ​രു ഫു​ട്ബോ​ള്‍ മൈ​താ​ന​മാ​ണെ​ങ്കി​ല്‍ ഇ​ന്നാ ക​ളം​നി​റ​ഞ്ഞ​ത് ഒ​രൊ​റ്റ പ്ലേ​യ​റാ​യി​രു​ന്നു; അ​യാ​ളു​ടെ പേ​രാ​ണ് ക്രിസ്റ്റ്യാനോ റൊണാൾഡോ. കാ​ല്‍​പ​ന്തു​ക​ളി​യി​ലെ രാ​ജാ​വ് താ​നി​പ്പോ​ഴും ആ​ളു​ക​ള്‍​ക്ക് എ​ത്ര പ്രി​യ​പ്പെ​ട്ട​വ​നെ​ന്ന് ഒ​രൊ​റ്റ​ദി​വ​സ​ത്തി​ല്‍ എ​തി​രാ​ളി​ക​ളെ ബോ​ധ്യ​പ്പെ​ടു​ത്തി​യി​രി​ക്കു​ന്നു.

സം​ഭ​വം എ​ന്തെ​ന്നാ​ല്‍ സി​ആ​ര്‍ സ്വ​ന്ത​മാ​യി ഒ​രു യൂ​ട്യൂ​ബ് ചാ​ന​ല്‍ ക​ഴി​ഞ്ഞ​ദി​വ​സം തു​ട​ങ്ങി. "യു​ആ​ര്‍ ക്രിസ്റ്റ്യാനോ' എ​ന്നാ​യി​രു​ന്നു ചാ​ന​ലിന്‍റെ പേ​ര്. "കാ​ത്തി​രി​പ്പ് അ​വ​സാ​നി​ക്കു​ന്നു. ഒ​ടു​വി​ല്‍ എ​ന്‍റെ യു​ട്യൂ​ബ് ചാ​ന​ല്‍ ഇ​താ എ​ത്തി​യി​രി​ക്കു​ന്നു. ഈ ​പു​തി​യ യാ​ത്ര​യി​ല്‍ എ​ന്നോ​ടൊ​പ്പം ചേ​രൂ' റൊ​ണാ​ള്‍​ഡോ തന്‍റെ സ​മൂ​ഹ​മാ​ധ്യ​മ അ​ക്കൗ​ണ്ടു​ക​ളി​ല്‍ കു​റി​ച്ചു.

ചാ​ന​ല്‍ സ​ബ്‌​സ്‌​ക്രൈ​ബ് ചെ​യ്യൂ എ​ന്ന​തി​നു പ​ക​രം ത​ന്‍റെ പ്ര​ശ​സ്ത​മാ​യ ഗോ​ളാ​ഘോ​ഷ​വു​മാ​യി ചേ​ര്‍​ത്ത് "സ്യൂ​ബ്‌​സ്‌​ക്രൈ​ബ്' എ​ന്നാ​ണ് താ​രം കു​റി​ച്ച​ത്. അ​ത് സൈ​ബ​ര്‍ ലോ​ക​ത്തെ ഇ​ള​ക്കി മ​റി​ച്ചു. 90 മി​നി​റ്റി​നു​ള്ളി​ല്‍ 10 ല​ക്ഷം സ​ബ്‌​സ്‌​ക്രൈ​ബേ​ഴ്‌​സാ​ണു​ണ്ടാ​യ​ത്.

അ​വി​ടം​കൊ​ണ്ടൊ​ന്നും തീ​ര്‍​ന്നി​ല്ല; ഒ​റ്റ​ദി​വ​സം തി​ക​യും മു​ന്‍​പ് ഒ​രു കോടി​യാ​ളു​ക​ളാ​ണ് അ​ദ്ദേ​ഹ​ത്തി​ന് പി​ന്നാ​ലെ എ​ത്തി​യി​രി​ക്കു​ന്ന​ത്. ഇ​ത് യൂ​ട്യൂ​ബി​ന്‍റെ ച​രി​ത്ര​ത്തി​ലെ റി​ക്കാ​ര്‍​ഡാ​ണ്. ഗോ​ള്‍ ഡോ​ട്ട് കോം ​പ്ര​കാ​രം ക്രിപ്റ്റോ ഗെയിമിംഗ് പ്ലാറ്റ്ഫോമായ ഹാം​സ്റ്റ​ര്‍ കോം​ബാ​റ്റി​നാ​യി​രു​ന്നു ഏ​റ്റ​വും വേ​ഗം ഒ​രു​കോ​ടി സ​ബ്‌​സ്‌​ക്രൈ​ബേ​ഴ്‌​സ് ഉ​ണ്ടാ​യ​ത്. എ​ന്നാ​ല​ത് ഏ​ഴു​ദി​വ​സം കൊ​ണ്ടാ​യി​രു​ന്നു. പ​ക്ഷെ പോ​ര്‍​ച്യു​ഗ​ലി​ന്‍റെ ഇ​തി​ഹാ​സം ഒ​രു​ദി​ന​ത്തി​നു​ള്ളി​ല്‍ ഈ ​നേ​ട്ടം കൈ​വ​രി​ച്ചു.


നി​ല​വി​ല്‍ 20 മ​ണി​ക്കൂ​റി​ല്‍ 11 മി​ല്ല്യ​ണ്‍ ആ​ളു​ക​ളാ​ണ് അ​ദ്ദേ​ഹ​ത്തി​നു​ള്ള​ത്. അ​ര്‍​ജ​ന്‍റീന​യു​ടെ സൂ​പ്പ​ര്‍ താ​രം ല​യ​ണ​ല്‍ മെ​സി​ക്കും യു​ട്യൂ​ബ് ചാ​ന​ലു​ണ്ട്. 2006-ലാ​ണ് മെ​സി ചാ​ന​ല്‍ ആ​രം​ഭി​ച്ച​ത്. നി​ല​വി​ല്‍ 2.33 മി​ല്ല്യ​ണ്‍ സ​ബ്സ്‌​ക്രൈ​ബേ​ഴ്സാ​ണ് മെ​സി​ക്കു​ള്ള​ത്.

നേ​ര​ത്തെ എ​ക്‌​സും ഇ​ന്‍​സ്റ്റ​യു​മൊ​ക്കെ ക്രിസ്റ്റ്യാനോ​യു​ടെ വ​ര​വ​റി​ഞ്ഞി​രു​ന്നു. നി​ല​വി​ല്‍ എ​ക്‌​സ് പ്ലാ​റ്റ്‌​ഫോ​മി​ല്‍ 11.25 കോ​ടി​യും ഫെ​യ്‌​സ്ബു​ക്കി​ല്‍ 17 കോ​ടി​യും ഇ​ന്‍​സ്റ്റ​ഗ്രാ​മി​ല്‍ 63.6 കോ​ടി​യും ആ​ളു​ക​ളാ​ണ് അ​ദ്ദേ​ഹ​ത്തെ പി​ന്തു​ട​രു​ന്ന​ത്.

എ​ന്താ​യാ​ലും സ​മീ​പ​കാ​ലം ലോ​ക​ത്തിന്‍റെ ക​ണ്ണും കാ​തും "യു​ആ​ര്‍' ല്‍ ​ആ​യി​രി​ക്കു​മെ​ന്ന് നി​സം​ശ​യം പ​റ​യാം.

https://www.youtube.com/@cristiano